الحلقه الثانيه

 بسم الله  الرحمن  الرحيم  

الحلقه  الثانيه  

فى الحلقه  السابقه  ......عرفنا ان  نورهان اتخرجت  من كليه هندسه  .....وانها  لما عرفت ان  صحبتها جيجي هتتخطب حست انها  كمان  نفسها تحب  وتتحب  وتتخطب  وتجرب الشعور الجميل ده  .............. وبالفعل اتقدم لها عريس جاى عن طريق جوز اختها  تعالوا نشوف ايه اللى حصل  ..............

الام :  نورهان   انتى لسه نايمه يالا  يا بنتى  ......... مفيش وقت الناس  هيجوا على الساعه 6 ولسه قدامنا  شغل كتير ...........

طبعا  نورهان اتعلمت انها  تحط الموبيل جانبها علشان تعرف الساعه الحقيقيه مش الساعه اللى  بتقولها  مامتها  بصت فى الساعه  

نورهان  :  ياماما  يا حبيبتى  الساعه  8 وانا  اتهد حيلي فى الشقه اليومين اللى  فاتو  والشقه مش هتحتاج حاجه  ............

الام  :  يا  سلام  ............اختك  وجوزها هيجوا  بدرى  واكيد هيتغدوا هنا  وكمان  لازم الشقه  تبقي جاهزه علشان انتى  بعد كده انتى  ترتاحى  وتحطى  مسك على  وشك  وتاخدى  دش وتستشورى  شعرك  امه  ممكن  تطلب انها تشوف شعرك  وساعتها   يكون  عدل  

نورهان :  ماهو عدل اهه  ياماما  ده انا حتى  شعرى  بيبوظ بالاستشوار ثم ايه  يشوفوا  شعري شويه  شويه هتقوليلي اكسر البندق وعين الجمل  وتشوفنى  لبسه  ...........ولا  لا  .........؟؟؟؟  ( وش مارى  منيب وهى  تختبر  لبنى عبد العزيز هههههههههه)

الام : الله  اعلم ماحنا منعرفهاش ولا نعرف عادتهم  ........... يالا اخوكى شويه  وهيصحى  لو مش لقي الفطار جاهز  هيزعقلك انتى  ........انا  اهه هقعد مش هعمل  حاجه  واما  نشوف ...............

نورهان  : خلاص خلاص قايمه  .............ايه اليوم اللى مش طالعله  شمس ده  ...........

الام :  بتقولى حاجه  .........

نورهان :  هقول ايه  داخله الحمام اغسل  وشي ...........

مر اليوم  طويل بين الفطار  وترتيب الشقه  وغلاسه عماد على اخته  ومنى وجوزها  وعيالها جم  ...... والدنيا كانت هيصه  ووالدها رجع من الشغل   غير  واتغدوا  كلهم  كانت الساعه  4.30 دخلت  نورهان اخدت  دش وغيرت  لبسها  واختها منى  عملتلها  سشوار ..........وعملت  لبناتها كمان   وهدى  بدأت  تجهز  وقبل المعاد كان العريس وعيلتوا وصلوا  ...........الحمد لله انها كانت  جهزت  نفسها  

خرج الوالد وعماد وفتحوا  الباب وسلموا  على  العريس ووالده  ووالدته  وفجاءه  ظهر اختين  مخمرين  وراحم  داخلين جرى  بس بدل ما  يدخلوا على الصاله  دخلوا  على  الشقه من  جوه   طبعا منى  كانت  واقفه  بتبص من ورا الستاره واتفاجأت بيهم  فى  وشها  اخدتهم  ودخلتهم  الاوضه  ........وكانت  مستغربه جدا  من  دخلهم الغير  طبيعي ده  فى حد  يعمل كده  المهم  ..............

كانت  نورهان لسه فى  اوضه النوم  بتاعه  والداتها  وواقفه  قدام المرايه  بتحط  ميكب خفيف  .............ولفت  على  شعرها  طرحه  كبيره  حبيتين  ...لانها عارفه ان العريس ملتزم  كانت  لابسمه  شميز ابيض وتحته  بدى  ابيض وجيبه  جينز واسعه  وكان  شكلها  شيك  ورقيق جدا  ....... خرجت  لتفاجأ  ببنتين فى  اوضه نوم اخوها  وبيبصولها اتحرجت  ودخلت سلمت بعد ما منى  نادت عليها  .........

منى :  عروستنا  اهه  ..............المهندسه  نورهان  ....

احلام :  اهلا  وسهلا  ....تشرفنا  

رشا :  اهلا  .......

كانوا  اخوات  العريس  امامير  جدا  واحده متزوجه بعد ان انهت الاعداديه  من  سواق والتانيه  لا زالت تكمل فى  كليه التجاره  بعد المعهد كانت  طريقتهم فى الكلام  غريبه  شويه تحسوا انهم  مكتلموش مع حد  قبل كده 
 

نورهان :  بس ليه مش قعدتوا بره  معاهم .............

احلام :  لا  رضا  يزعق ...............اصل  تقريبا  فى رجاله  غير  والدك   فمش ينفع  نقعد معاهم  ..........

هى  استنتجت ان رضا  ده العريس  .وقالت فى نفسها  لا  راجل   بس ربنا  يستر  بقي ..........

وبصت على  لبسها تانى  وقالت كويس انها لبست كده  ومش لبست  حاجه  تانيه كان  لم عيلته  وجرى  وقال عليها  سافره  ............ المهم   بعد  دقائق من الحديث ولان نورهان  بتعرف تتكلم  كويس ولبقه جدا  بدأت  تكسب ثقتهم  وبدأوا يتكلموا عن نفسهم  ويضحكوا ويهزوا  لحد ما  أذن المغرب ...... الرجاله  نزلوا  يصلوا  والست دخلت  جوه  علشان تصلي ودخلت  اكيد علشان تشوف العروسه  .........

ام العريس :  السلام عليكم  ورحمه الله  

رد الجميع السلام  وبقي الكل  يوسع  الحاجه  وصلت  ......... وقعدت على السرير 

نورهان  :  حضرتك ممكن  تقعدى على الكرسي ده   علشان الهوى  هنا  جميل   او  ننقل كلنا  ونقعد فى البلكونه  .......

وكان نورهان  قالت  كلام  لا  يغتفر .....

ام العريس : وهى  تتفحص وتتمرس فيها  معندناش بنات  يخرجوا  فى البلكونه كان  رضا  يقطعهم ............

انا استغربت جدا من  الرد  يقطعهم  هو حمش ماشي بس مش للدرجه دى  ...........لالالالا دى حاجه  صعبه جدا  ...... وامهم  كده  واضح عليها انها  شديده  وانها مش حابه نورهان  .......... دخلت مامتها  وحاولت تلطف الجو  ...... وكملت نورهان  كلامها مع البنات  اهم  قدها  ويفهموها  ..... المهم  كانت  حماتها المستقبليه  طول الوقت  تعدل جلستها  وتمصمص بشفايفها  ...... وكانها مضايقه من  نورهان  ونورهان  كانت  شويه وهتشلها  وترميها من البلكونه  ............. رجعوا  الرجاله من الصلاه  ونادى والدى على   دخلت  وانا قدامى حماتى  وورايا  امى  وحاسه انى  رايحه المذبح  ................

مكنتش عارفه انا هقعد فين  وفين العريس ولما جيت  اقعد امى شدت ايدى قبل كا اقعد وقاعدتنى  جنب المدعوا  رضا  ...............واه  واه  من  ذاك الرضا  ...............

كنت قاعده جانبه حاولت انى ابص عليه او ارفع  عينى من  على  حذائي الابيض لم استطع  فكلما رفعت عيني وجدت حماتى  تنظر لى  نظره من اللى هم  .............اخاف  واتراجع الى ان تحدث رضا  اخيرا  وامى حاولت جاهده  ازاحه عين  حماتى عنى بالتحدث معها  ...................

رضا :  السلام عليكم 

نورهان : وعليكم  السلام ورحمه الله وبركاته  ......

رضا  :  انا عارف ان  حضرتك اكيد  محروجه   بس  احنا  لازم نتكلم  ونتعرف على بعض علشان  بس نخرج من هنا  على  رأى  ولا انتى مش معايا  

نورهان : لا  معاك  .........

فى تلك اللحظه  دخلت  اختى منى  ومعها  صينيه  فيها  عصير  مانجه  فريش .........وعندما دخلت قال رضا 

رضا: ماشاء الله ماشاء الله  .......اختك  لابسه النقاب  .........

نورهان  : ايوه  لبسته بعد  الزواج  على طول ............

رضا : وانتى موافقه انك تلبسيه  

نورهان :  والله  انا معنديش مانع  وفكرت فعلا  البسه  بس والدى اعترض .....

رضا:  طب  خير  انتى حافظه اى حاجه من القران الكريم 

قلت فى سري  هو الراجل ده  جاى يمتحنى فى معلوماتى الدينيه ولا ايه  ...........المهم  

نورهان : الحمد لله  حافظه  خمس اجزاء ........وسوره البقره  اول جزئين بس  مكملتش لسه  ..........

رضا : ماشاء الله  ماشاء الله   انا حافظ ولله الحمد  20 جزء ولا زلت ادرس واكمل ان شاء الله ............

نورهان :  ربنا  يجعله فى  ميزان حسناتك ................

رضا :  نورهان انتى  عايزه تشتغلى  ..........

نورهان  : والله انا نفسي اشتغل  طبعا  بس يمكن لو اتجوزت اشتغل بس لحد ما ربنا  يكرمنى  باول بيبي  ..................وبعد كده  خلاص اسيب الشغل  .........

رضا:  ولو طلبت منك انك بلاش تشتغلى  وانى عايزه  تبقي  ملكه فى بيتك وتأمرى وانا اجيب اى طلب  انتى محتاجه وانا قادر على الكلمه دى ..............

نورهان ابتسمت  : مش هعترض اكيد لو  اللىطلبه هو جوزى مش ربنا امرنا بالطاعه ولا ايه 

رضا : على خيره الله  ..............بصراحه لا اخفي عليكى سرا  الزواج انتى عارفه انه ايجاب وقبول  ودول اتوفروا بالنسبه لي والحمد لله بس كان فى نقطتين مهمين جدا بالنسبه لى ان البنت  النقاب وعدم الشغل  وانا ارتحت بردك عليهم  ....... بس لابد  من  صلاه الاستخاره  ........ ان شاء الله  

نورهان : اكيد طبعا  .......

بدأ الحوار يتقلب  لمناقشات دييه بتسمعى لمين من الشيوخ وسمعتى ايه  وسمعى كده الشريط  وكلام كتير   الرجاله انزوا فى مكان وماما  دخلت جوه معرفش ليه  ولقيت حماتى المصون بتقول  ها ايه رايك يا رضا  

رضا  :  الحمد لله يا أمى  

ام العريس :  بس دى  رفيعه  .....وطويله يا رضا  ...

ملحوظه  : الكلام ده كان  قدامى  وفى  وشي .............

رضا:  طيب  يا امى ...........

ونظر لها نظره  انها تتكتم  مصمصت فى شفتفيفها  وماما الحمد لله رجعت  .....وهى  الست مش ساكته  طويله يا رضا  رفيعه يا رضا  وانا على اخرى  ههههههههههههه الست دى لو مش سكتت انا هديها بالكميه فى  وشها  طب  تستنى  تروح  بيتها ولا حتى تخرج من عندنا  وتقوله اللى هى عايزه تقوله  .............ورضا  الحمد لله كان   مطنش كلامها على الاخر وماما  كانت  بتدادى فى الست  مع انها مش مرتحالها  ....... وبعدين جه اخويا عماد وقعد  معانا  وبس هنا انا  حسيت ان اخويا حبيبي جه وريحنى  ..........

عماد:  بص بقي يا معلم  .......انا عايزك  تتكلم معايا  كده بصراحه  مبدئيا انا عرفت من محمود انك  بتشتغل الصبح  فى الحكومه ب300 جنيه  وبتشتغل  بالليل  فى مكتب ب600 جنيه  يعنى مرتبك  كله على  بعضه  900 جنيه  ..... وربنا  يكرمك بالوالد قال انه  هيشيل  من عليك كل الجهاز  وان المرتب ده هيبقي فى البيت كله  اكل  وشرب وبس لافى كهربا  ولا ميه  والحاج هو اللى هيدفعهم  .....الكلام ده مظبوط 

رضا وشه  احمر : اه  مظبوط........

عماد :  طيب  انت  شغلك الاولانى من  الساعه  7 وبتخرج 6.30 حتى  الساعه 2 هتروح البيت تتغدى  وتنزل لان شغلك التانى الساعه4  وبتخلص منه الساعه 11 بالليل ولانه  بعيد هترجع على  الساعه 12 مع العلم ان  معندكش الا  يوم واحد اجازه اللى هو الجمعه  وبتقضيه مع والدك فى المحل  وبتساعده فيه  .................تمام .....؟؟؟

رضا:  تمام 

عماد :  يجي بقي سؤالى  ......هتقعد امتى مع مراتك فى البيت  ...زمع العلم انك  مش عايزها  تشتغل  .......وهترجع البيت  مهدود حيلك  وهى  من  الفجر مستنياك علشان  تتكلم معاك شويه حتى  ..............؟؟؟؟

رضا  :  مانا لما هرجع هقعد معاها ..............

عماد :  تقد معاها امتى  انت بتخرج  6.30 وبترجع 12 بالليل  مش شايف ........نصيحه منى  اختار شغل واحد منهم  علشان تقدر تعيش وتتهنى  بجوازك  ويكون من غير مشاكل   ومسأله الشغل دى  مقدرش اتدخل فيها  لو  نورموافقه  مع انى معترض تماما انها  مش تشتغل  .........لان ده  هيثقفها على الاقل فكريا حتى لو انت مش محتاج الماديات  .........

هنا  بقي دخل  والد نورهان  

الاب:  هومش راضي انها تشتغل  ...............امال انا  كنت حريص على تعلمها ليه  يابنى  الدنيا  مبقاش ليها امان  خليها تشتغل  وهى متربيه كويس ولو مش محتاج مرتبها خلاص يبقي مرتبها ليها  .............بس  نورهان لازم تشتغل  .........

رضا :  ربنا يسهل ان شاء الله  عموما انا هفكر فى موضوع الشغل  ده  ...........وإذا كنت  اشتغل الصبح بس او بالليل  بس وان شاء الله هرد عليك   سلم الجميع وقاموا  .............مشيوا  

عماد :  لالالالا انا مش موافق على الجوازه دى  ...............

ماما : ليه بس يابنى  ......انا  شايفه ان الولد كويس

عماد : الراجل  مش هيبقي عنده  وقت  يا ماما  يقعد معاها  وكمان  مرتبه  ضعيف جدا  وقال ايه مش عايزها تشتغل  وكمان امه  ست رخمه  قوى  ازاى نور هتعيش  فوقيها وهى  حاطه منخيرها فى كل حاجه  ............. وعماله تمصمص طول الوقت ومش عاجبها حد  رضا  انسان محترم جدا وشكله راجل  وكلامه  وتفكيره نوعا ما معقول بس ان  نورهان  تقعد فى بيت عيله  وتتبهدل  لا ليه  ناخد  واحد كسر وعنده كل المشاكل دى  لالالالالالا انا  مش موافق  ثم  نورى  تتاقل  بالدهب  نروح نرميها في هو  ساكن فى حته اسمها ايه  .............

الام :  الهاويس ..............اللى فى اخر شارع  صدقي .......

عماد : كمان  وبتقوليلي ليه  ...........زى ما  بقولك كده انسي .........

الوالد : وانا  مع عماد  ده مش عايزها تشتغل  ويحبسها فى البيت امال انا كنت بعلمها  ليه ولو لا قدر الله  حصله هو  حاجه تعمل ايه هى  ...........وانا مش هبقالها العمر كله .........

محمود:  طب  ردكم  النهائي ايه  ...............؟؟؟؟؟

ام عماد:  استنى  يابنى متردش عليه الا لما نستقر على رأى وهو يقول هيقدر يختار شغله واحده او  هيوافق انها تشتغل ولا  لا  ساعتها  تاخد مننا الرد النهائي 

محمود : اوك  زى ما تحبوا  ...............طب نمشي احنا بقي  وارد عليكم لو جه  وقالى حاجه  ...........سلام  يالا يا منى 

مشيوا  بعد ما  سلموا  

ام عماد:  ايه رايك  يا نورى .........

نورهان  : مش عارفه ياماما  انا مرتاحه لانه ملتزم ودى حاجه حلوه بس خايفه  يخنقنى انى  اقعد  فى البيت  بين اربع حيطان اليوم كامل او اقعد فى بوظ امه  واللى هى  من دلوقتى مش طايقانى  ..........انتى  شوفتى قله  زوقها  بتقول قدامى  طويله ورفيعه  وتمصمص كل شويه  دى قله  ذوق  ...........وحاسه انى مش مرتاحه انى اكون معاها فى بيت واحد  بس  مقدرش اقول حاجه على ضضا

نورهان  متعرفش ازاى  طلع منها الاسم كده  ..........ضضا بدل  رضا   

دخل عماد فى الكلام  :  هههههههههههههههههه ضاضا  ههههههههههه ضاضا العضاضه  ........هههههههههه هو انتى اخرك  ضاضا فعلا  

ويضحك  ومبسوط  قوى  بس موبيله رن  فاكيد  كانت خطبته  واختفي فى  ساعتها  ودخل اوضته وقفل على نفسه  ...... امتى انا كمان يجيلي تليفون  واتكلم مع خطيبي بقي  كانت بتكلم نفسها  

الكل  بدل ما كان فرحان ان فى عريس جه  بقوا مهمومين  ان العريس مش مناسب ............ نام الجميع 

وتانى  يوم الصبح  الساعه 10 رن تليفون البيت  وكان  ضاضا العضاضه  .......

الام :  ايوه يابنى موجوده  .....ثوانى اناديها  .......

نورهان  نورهان  كلمى  رضا  على التليفون  ...............

عماد: ههههههههههههههههه ضاضا اتصل  ............والله خير  بس عايز ايه هنعرف لما  يخلص .......

قعد عماد وراها بس علشان يرخم عليها  وهى  تقوله اطلع بره وهو  بيغلس ويزغزغ فيها  

نور: السلام عليكم  ....(قالتها بالعافيه  وبتمنع نفسها من  الضحك لان  عماد مش سايبها)

رضا :  وعليكم السلام  ورحمه الله وبركاته  ...............

نور :  معلش يا رضا  ثوانى بس  

نور:  ياماما  ياماما  عمماد  بيغلس على  وبيزغزغنى وانا بتكلم ومش عارفه ارد منه خليه  يمشي ...................

ام عماد:  ياعماد  كلم  بابا عايزك  .............ياعماد  ..............

نور:  اسفه يا رضا ......خير 

رضا :  مش عارف حسيت انى مخنوق ......وعايز اتكلم معاكى ونكمل  كلامنا  امبارح ده لو امكن  ..........

نور: اتفضل ...........

رضا :  انتى موافقه على كلام بابا  وانك لازم تشتغلى  ولا تقدرى تستحملى بس معايا  لحد ما اقدر اوفر  شغل  دوام واحد ويكون مرتبه كويسه انا تعبت من التفكير لوحدى  ومحتاج ردك علشان اقدر اقرر انا بصراحه مرتاح ونفسي اكمل  بس اخوكى حسسنى انى  لو اخدتك  هعذبك  بدل ما اسعدك  ومش عارف .............اخد قرارى ..........الا لما اعرف  هتقدرى  تستحملى معايا  .........على الاقل  سنه  ...............؟؟؟؟؟

نورهان :  سؤالك  صعب جدا  لانى انا كمان  مش عارفه  واحساسي انك عايز  تتجوز بعد  شهرين بالكتير ده قلقنى جدا  ............لانى ماخدتش عليك ور اعرفك علشان  احدد انى  استحمل  الدنيا كلها علشانك ولا لا ...........

رضا : طب ينفع اجيلكم  يوم الاحد الجاى  ...؟؟؟؟

نورهان :  معرفش ..... بس هاستفسر  من ماما  ...؟؟؟

سالت امها  .ووافقت 

نوران  : اتفضل  تشرف وتأنس ده رد ماما  ............؟؟؟

رضا :  وردك  انتى ...........؟؟؟

نورهان: ايه  .......اتفضل  ..........؟؟؟

رضا : طب احلام كانت  حابه  انها تبقي تكلمك فى مشكله  ........؟؟؟؟

نورهان : لا بالعكس اختك لذيذه جدا  ...........؟؟؟؟

تنهد رضا  :  عقبالى  ما اخد اللقب ده  ............؟؟؟؟

سكتت نورهان  

رضا:  طب  استودعك الله  واشوفك يوم الاحد على خير  ........

خلصت نورهان من هنا  ولاقت والدها وعماد  ومامتها  منتظرين  وفى  صوت واحده  : ها  كان عايز ايه ....؟؟؟

نورهان فى نفسها :  ضيعتوا على اللحظه الحلوه  بخضتكم دى  

نورهان: ابدا  بيقلي هتقدري تستحملى الوضع ده لمده  سنه لحد ما ربنا يسهل  ..............ولا لا وانا قلتله معرفش........... وسالنى  اذا كان ينفع  يجي ولا لا يوم الاحديقلتله اه ماما  وافقت وسالنى اذا كان ينفع  اخته تكلمنى ولا  لا  .....؟؟؟؟وقلتله  مفيش مشكله بس  خلاص ..........

وفى  يوم السبت اتصلت  اخته  .......وحكتلى عن  شويه مواقف وان  رضا متخانق مع جوزها بسببي لانى  يعنى اطول منه  وان جوزى علق على الموضوع ده ومن  ساعتها وهم متخاصمين  وبرضه عامل مشكله مع امى  لانها  بتقله  اصبر وهى  مش راضي  ............ وبصراحه هو مخنوق جدا  ومش راضي يتكلم مع حد  ..............من  ساعتها  الا  بس اتكلم معايا  وبصراحه صعبان على  لان التفكير  هيموته  ..........

حست  نورهان بالذنب  لانها  عامله مشاكل عنده فى البيت  ............ز وطلبت  منها  انه يكلمها  ضرورى  النهارده 

اتصل بيها بعدها بساعه  وردت عليه  

رضا:  السلام عليكم  

نورهان:  وعليكم السلام  ورحمه الله وبركاته 

رضا :  كنتى قلتى  لاحلام انك عايزك تكلمينى ............

نورهان: بصراحه  اه  ........انا حاسه انى عامله مشاكل بدون داعى  وانا حاسه ان  الموضوع متأزم مأقدرش اقول انك وحش ولا فى اى  شئ يعيبك  لا  سمح الله بالعكس انا طول عمرى  نفسي فى شخص ملتزم جدا يساعدنى ويعنى على طاعه الله  ............بس  انا  مش عايزه اسبب ليك اى  مشكله  .........وبجد اسعدنى جدا  انى اتعرفت على  عيلتكم  وربنا  يوفقك  مع عروسه تكون مناسبه  وموافقه على كل  ظروفك  .......... وهاستأذنك  .............مع  السلامه  .

اغلقت  نورهان الخط  وحست بكده  انها  انهت  عذابه  وعذابها هى  كمان لو ارتبطت  بيه   يااااااااااااااااااااااااه هو الموضوع بتاع الجواز  صعب كده ليه  ..........

وبعد  ما مر  حوالى  شهر  لا تعلم عن هذا الامر  شئ شاهدت  رضا فى الشارع  وهى  بتدور على  لبس  مع صاحبتها   نظر اليها  نظره حسره  ومشي ........ وبعدها بشهر  من العذاب فى البحث عن عمل بمؤهلها  لقت اخيرا  شغل  بس  فين  وهتتعرف علي مين هناك  ............واتى  هيبدأ  تحميل  الزوج من على الانترنت  ده اللى هنعرفه فى الحلقه الجايه  ................