الحلقه ال 54

الحلقه ال " 54 "

فى الحلقه الماضيه بدأت  ملك انها تعيش  عيشه تانيه حست بيها من خلال  تعاملها مع  زوجها  بالحسنى قررت  انها  هتكون  شخصيه جديده   ولكنها تفكر ان  نصائح هذا الرجل هى  السبب وذاك هو خطأها تعالوا نشوف  بعتتله يه فى الرساله


اخى الفاضل / الاستاذ وائل

اتمنى ان  تكون بخير  وعافيه ان شاء الله  انتظرت باقي  نصائحك ولكنك لم تجبنى  فاتمنى ان تكون بخير  وأحببت ان اشكرك  فنصائحك كانت لى كمفعول السحر غيرت بي وبحياتى  الى اشياء جميله  واتمنى ان ربنا يكرمك فى  زوجتك ان شاء الله


ملك


وقبل ان تخرج  من  المنتدى والذي قالت ان تتصفحه قليلا  لتتعلم  شيئا جديد وجدت  رساله قادمه من  هذا الرجل  ففتحتها بسرعه


اختى العزيزه  / ملك 

اسمك  جميل جدا  وانا اسف على التاخير فى الرد ولكن هذا  لمشكله  تؤرقنى  مع  زوجتى والتى لا اعلم  كيف  احلها  فاذا لم يزعجكى الامر اتمنى  ان  تفيدينى  برأيك فيها  والمشكله هى

علمت ان  زوجتى  بالصدفه تكلم  صديقا لها ع الخاص  ويقولوا فيه كلام صعب جدا ان  يقال  ولا اعرف كيف اتصرف  هل اواجهها  ام  ماذا  افعل  ؟؟؟؟لا احتمل  منها ان تفعل  هذا معى ولكنى  ايضا  لا  اريد ان  اهدم بيتى  باشياء  غير موثوق  بها  فما  رأيك ؟؟؟؟؟

وكيف  اتصرف  ...؟؟؟؟؟

اخيكى وائل


 قرأت  ملك الرساله  ولم تعرف كيف ترد ولكنها  تضايقت  كثيرا مما تفعله تلك الزوجه  وهنا  سمعت  صوت انس  يغلق باب الشقه فقررت غلق المنتدى   ثم  جريت عليه وحضنته وسألته  ماما عاجبها الاكل النهارده


انس: ومين مش يعجبه اكلك  ....بس ماما معجبه بيكى انتى  وبتقلي مراتك مالها بقت زى القمر كده ليه ربنا يهديها هى بس فاضلها تلبس الطرحه وتبقي تمام والله


ملك : انش ...ماما قالت كده بجد ؟؟؟؟

 انس :  اهه ...قالت كده وفعلا انتى النهارده كنتى مختلفه معاهم  تماما

ملك: وانت  عايزنى البس الحجاب ؟؟؟؟

انس: ياريت يا   ملك من زمان  نفسي  اكلمك عنه بس مش حابب انى  اضايقك نفسي انتى اللى تطلبيه  انتى جميله  بيه او من غيره بس عايزك تلبسيه عن اقتناع مش لانى قلتلك

ملك :  النهارده اخر يوم لى من غير حجاب  انا فكرت قبل كده وخفت اسالك تقلي لا  لا بس طالما مش معترض يبقي  البسه فورا

انس يحضنها ويحط ايده على خصرها  وهى تعلق ايديها على رقبته

انس:  ملك بس انتى اختلفتى  قوى  وبجد  جميله جدا

ملك: لاننا محتاجين اننا  نتغير  وقبل ما نتغير من بره لازم نكون اتغيرنا من جوه وده اللى انا بدأت بيه  وعن اول  غلطه اتمنى انك تنبهنى وانت كمان و....

قاطعها خالد اللى  جه عند رجلها وعايزها تشيله  وشالته  وباسته  و

ملك :  خلودى يالا  ادي بابا  بوسه  وقوله  انت اخدت ايه فى الحضانه  النهارده

خالد : واحد  ...انيين

وكان  بيحاول  يطلع صابع على صوابعه وهو بيقول  واحد وبعدين طلع صباع تانى  وقال انيين

انس: لالالالالالا انين مره واحده  انت كبرت خالص وعرفت  واحد وانين


ملك : واحد  واتنين يابابا خالد شاطر  حبيبي

انس: اكيد شاطر  طبعا  بس ممكن  نطلب من ماما تعمل لبابا كوبايه شاي من ايديها الحلوين دول ؟؟؟؟؟؟

ملك : حاضر يا حبيبي  ثوانى  واجبهولك

انس: وانا هلعب مع خالد بلعته اللى جبتها ماما 

وبعد  دقيقتين خرجت  ملك وفى ايدها ينيه  الشاي  واللبن  بتاع خالد   وراحت جع على دماغها فكره  ؟؟؟؟ انها تسال انس عللا مشكله الراجل ده

ملك : صحيح يا انس  الموقع اللى انا بدخل عليه دلوقتى  لقيت فيها واحد  باعت موضوع  غريب وبصراحه استغربت ازاى ياخد راي الناس فى حاجه زى دى


انس:  ايه بيقول ايه ؟؟؟

ملك : بيقول ان مراته بتكلم واحد تانى  وكلام صعب جدا لا يقال  و....انه مش عايز  يهدم بيته  وفى نفس الوقت مش مستحمل هل  يواجهها ام لا ؟؟؟؟؟

انس : ههههههههههههه ده راجل  نطع  عرف ان مراته بتكلم  راجل غريب  وسؤاله عن الكلام الصعب  المفروض انه فى الاساس  يطلقها لانها بكل  بساطه متستحقوش  لانها كلمت واحد غريب  اساسا  حتى لو  صعب  ولا مش  صعب  ويسال  نفسه هو  قصر معاها فى ايه  انا لو مكانها  اطلقها  طبعا

بعد  كلام  انس  حست  ملك  بانقباضه نفسيه  حست انه بيكلمها هى انها اتكلمت مع واحد غريب فيما  لا يليق  لو عرف انس كان فعلا هيطلقنى  لالالالالالا انا مصدقت انى احسن علاقتى  بانس  وان بيبتى يبقي جنه  عايشه فيها انا وهو خالد  لا انا  هانسي الموضوع ده  وعلشان  انهى الرسايل مع الراجل ده   غدا  سارسل  له رساله تفيد انى مش هعرف اساعده وشكرا على النصايح   واتمنى ليه كل التوفيق واطلب منه عدم مراسلتى واى مشكله يعلنها على العام  علشان كل الناس تقدر تساعده   فى مثل بيقول ابعد عن الشر  وغنيله  وده القرار اللى اخدته ملك والبركه فى انس  واللى من غير ما يقصد لحق  مراته قبل ما تقع فى براثن  رجل  غريب والحمد لله انها  تخلصت منه  بارساله رساله  سريعه له قبل ان تذهب الى النوم

فى الوقت  ده بدأت  ايمي  التفكير فى  عيد  ميلاد  نور الاول حابه انه يكون  مميز  وكان اول سؤال  اعمله فى البيت  ولا بره  فاستقروا انهم هيعملوه فى البيت   طيب مين  هيكونوا  المعازيم  ؟؟؟؟ ماما  وبابا واحمد وخطيبته وعيلتها ومحمد  وام خالد  وملك وانس  واكيد خالد الصغيروطبعا جدتها والمربيه طبعا و وخالد كان قال انه هيعزم  بعض من  اصدقائه  فى الكليه  وايمي قررت انها هتعزم امانى  لاول مره فى بيتها   وكمان عزمت خيلانها اللى موجودين فى القاهر ه
 مر اسبوع  واتنين وهى كل يوم تنزل تشتريلها حاجه   تروح الكليه الصبح وترجع  على المحلات   ولحد ما جه يوم 25/3وفى اليوم ده جهزت البيت كله بالزينه  والورود  وجت  مامتها  وام خالد بدرى علشان  يساعدوها   وعلى الساعه 6 دخلت ايمي  اكلت نور  وحمتها  وبعدين لبستها  كانت  لابسه  طقم جميل قوى لونه احمر  ومنطقها وحطط لها فى شفتها روج احمر حاجه بسيطه والبنت  بصراحه مش محتاجه تبارك الرحمن عليها  وبدأ المعازيم  فى الوفود  فاتى  والدها واخواتها  ثم   اهل  ساره  وساره كانت متالقه جدا  وخصوصا انها خلال الفتره اللى فاتت كانت متعبه جدا  لانهم  مش بيقولوا لبعض اى كلام خارج وبالعكس بقي احمد بيرحب  بوجود اى حد من عيلتها  علشان  لا ينفرد بهم الشيطان  كان اوقات  بيبقي على لسانه كلمه حب ليها نفسه يقولها  مع مشاعره ناحيته بس كان  يذكر نفسه بقول لا اله الا الله محمد رسول الله  فيتراجع عما ما كان سيقول  ودائما ماكان يدعى لنفسه ولساره ان يثبته على  موقفه  فهو يريد الثواب  وان يكون رجل  أد  كلمته   وان يفي بالوعد وحتى ساره نفسها  كانت  تشتاق منه لسماع كلمه واحده  ولكنها  تريد  ان يكون لها لوحدها  بطل  احمد يسمع اغانى  بمساعده  ساره  واللى قررت انها  بعد الشغل انها  تروح دار تحفيظ القران  وبدأت بالفعل  وحفظت  جزء عم  فى خلال الشهر  ده  وفرح احمد وبدأ هو يراجع على حفظع كانت تقرأ فى الفقه  والسيره  وهو ايضا يقرأ فيها  ويناقشها فيما قرأته  ارادت ان تفتح بينهم معبرا للحديث  حتى  لا يخلون بهم  الشيطان  فيخرجا عن عهدهما  كانا  يحملان لبعضهما كثير الحب  ولكنه كان يظهر فقط فى نظراتهم حينما  تتلاقي  اعينهم  كلاهما  يعرفان ما يجول فى  عقل  وقلب الاخر  ولكنهما دون ان  يتحدثا عنه اصبح  احمد لا  يأتى الا كل  اسبوعين  يوم واحد  وساعتين فقط  كان قرار  صعب  بس كان لابد منه فانه يراها فى الشركه صباحا   واذا اراد شيئا يستطيع ان يحدثها جلست  ساره بجوار  احمد  ونهى كانت الى جوارها  وجوارها كانت  والدتهم   بينما كان هناك من  ينظر لنهى  من  بعيد  والتى  تأنقت هى الاخرى  فلقد  كانت ايمي فى اتصالها بها قالت انها ستتيح  لهم فرصه للكلام  سويا  ولكن من الواضح انها مشغوله جدا فهى ام العروسه  ...أأأه العروسه   كانت  تتمشي في البيت  وتدخل بين رجلين والدها وتبحث عن خالد  لتشد  شعره بينما هو  يوقعها  وترجع مره اخرى  لتجرى وراءه  مره  تقع  وتبكى  ويطبطب عليها والدها  والمره الاخرى  تقع  وتقوم مره اخرى  لتشتكى  لامها  وتشاور على خالد  انه اليوم عيدها الاول فى  ظل  والدين محبين  لم  يبخل خالد على ايمي   فى اى  شئ  فلقد اعطاها  كل ما تريد  وهذا  جزء بسيط  مما يريد  اعطاءه لها  فالمقابل الذي  تعطيه له لا يقدر  بمال   ايمي  البنت الجميله الرقيقه التى خبطها بعربيته فى اليوم التالت لها فى الكليه تذكر  للحظه  شكلها وهى نائمه  كيف كانت  انها محبوبته  معشوقته  ثم نظر الى  ابنته  الصغيره التى تجرى وراء  خالد  وكيف كانت  جريئه  فى افعالها  بعكس والدتها   جرى  خالد على ابنته ورفعها لاعلى  ونادى على  ايمي فى الداخل  وقال لها  ايه رأيك فى  هديه  نور  ؟؟؟كانت  ايمي نزلت واشترت  سلسله  رقيه  على اساس  انها هديتها  هى ووالدها  ولكن خالد اراد ان  يعطي  لابنته شيئا  اكبر  فاتى لها   بسبيكه  ذهبيه  50 جرام  انها ابنته الوحيده  وهذا اول عيد ميلاد لها  ولابد ان يكون هديته لها  شيئا مميزا  فرحت  ايمي جدا  وقبلت خالد  وطبعت علي وجهه  بالروج  فحاول هو ان  يمسحها  ثم  قبل  ابنته وامها  وخرجوا  حتى  يبدأ  عيد الميلاد  وقفت  نور على  كرسي وبجوارها والدتها  ووالدها  ومن حول السفره كان الجميع بينما احمد يصور وهو اعلى الكرسي  كانت  تتوسط  السفره  تورته  مستطيله الشكل عليها صوره لنور وهى  تجلس  وتمسك  دبدوبها الصغير فى  حضنها  وكانت  ترتدى  زيا  لبنى الشكل وكان  اطار  التورته  باللون اللبنى  وكان شكلها  أد ايه جميل  وكان على جانب لاتورته وضعت  شمعه  بها رقم واحد  اطفئوا الانوار  وضغط خالد بالريموت فاشتغلت تلك الاغنيه

http://www.youtube.com/watch?v=0trkHvyydUk  

http://www.youtube.com/watch?v=F379PKY7Hns

http://www.youtube.com/watch?v=MW-VtJ3m1UE&feature=related

http://www.youtube.com/watch?v=F379PKY7Hns&feature=related


وبدأ الجميع  بعد اطفاء الشمعه  فى تقبيل  نور ومن  ثم  فى اعطائها الهدايا  واللى كانت  حلق دهب من  جدتها ام  ايمي وخاتم  دهب من جدتها ام خالد  ودباديب والعاب وعرائس من  باقي المعازيم كانت  امانى  قد أتت لنور بهديه بسيطه على  أدها  ولكنها كانت فى داخلها وعلى  رغم حبها  لايمي كانت  تحقد على عيشتها  وان ليس  عندها  مثل  تلك الاشياء الجميله التى عند ايمي زوج ذو مكان مرموق ووشقه كبيره فى احسن مكان بالقاهره  وابنه زى القمر  متفوقه فى كل  شئ كانت تتمنى  لنفسها  تلك العيشه الجميله رات اخواتها  كيف يحبونها  وكيف هى  ملاك يسير على الارض انها تتمنى ان تكون مثل ايمي فى جمالها ورقتها فى عقلها  وتفكيرها  فى  ثقتها بنفسها  فى تفوقها فى  حب الناس لها كانت  ايمي قادمه نحوها  لتعطيها  طبق من التورته والجاتوه  وتقبلها   ثم لاحظت ايمي  ان نهى  تنظر فى الارض وان محمد متابعها من جديد فجهزت طبق لام  ساره وطبق لنهى   وقعدت  تكلمهم وترحب بيهم  وكلمت  نهى  وسالتها عن كليتها  فتذكرت  ان محمد اخوها كان ليه  صديق فى نفس الدفعه ونادت على  محمد واجلسته مكانها  وقالت  له 

ايمي: مش زميلك محمود طلع نفس دفعه نهى 

محمد: بجد  هو  اسمه محمود السيد عبدالرحمن فى  سنه تانيه  أداب  قسم انجليش  تعرفيه ؟؟؟؟

نهى مكسوفه :بصراحه انا  مبخدش بالى قوى لانى  مش بكلم  شباب فى الكليه نهائي

محمد: اهه طب على العموم  لو احتجتى اى  شئ انا  ممكن  اكون  وسطتك ليه وهو انسان محترم جدا 

ام نهى : وانت اخبارك ايه فى الكليه  يا محمد  فاضلك كام  سنه

محمد: سنتين  ان شاء الله 

ام نهى : ربنا  يوفقك يابنى

محمد : امين  يارب  نهى  هو انتى  مشتركه فى اى  جماعه فى الكليه ؟؟؟؟

نهى : لا  بصراحه مليش اى نشاطات هى  الدراسه وبس

محمد: كنت  هقولك لو عايزه تشتركى  فى اى  جروب فى الكليه انا  عندى  اصدقاء كتير وممكن افيدك

كان محمد بيحاول  يجذب اى  طرف حديث بينهم  وده كان واضح للاسف لام نهى كمان فشجعت  بنتها انها تكلمه

أم نهى : مش كنتى  بتقولى  فى ماده  مش عارفه توصلي لورق الدروس بتاعتها  اصل  نهى  مش  بتاخد دروس وبتاخد ورقها من  زمايلها  ففى ماده مش عارفه تجيب الملخصات

محمد:  ماده  ايه  وانا  اتصرفلك فيها وممكن ابقي ابعتها  مع احمد فى الشغل  لساره واى حاجه  قوليلي عليها محتاجاها

كانت  نهى  بتبص لمامتها   ازاى تعمل كده راحت  قالتله اسم الماده وهو  سجله فى الموبيل  وقالها ان شاء الله بعد بكره بالكتير  هتكون موجوده عندك ان شاء الله 

كان  محمد  فرحان  جدا  ويكاد  قلبه  يقفز من  مكانه  لمحادثته لها  ولكن  ماذا بعد الان  

كان خالد اغلب الوقت بين  أصدقائه الدكاتره فى الكليه  واللى انبهروا بشقتته وموقعها  وببنته اللى زى القمر  وبين  والد ايمي  واحمد  وحماه  واللى اندمجوا بعد كده  مع بعضهم   ولقي محمد نفسه  قاعد من غير  لازمه  فراح  قعد مع الرجاله  وبعد ساعات قليله بدأ الناس فى  الذهاب  الى ان مشي  الجميع  ماعدا  اهل ايمي  احمد ومحمد ومامته  وباباه وام خالد

فخد محمد ايمي على جنب  وقالها   نهى  دى ملاك  بجد  عايز  اتعرف عليها  بصي هو حصل  كذا  وكذا  وكذا وانا  بفكر اروح بنفسي الكليه  ادهوملها  وطبعا ايمي رفضت  تماما  وقالتله بكره الصبح انا  هتكلم  مع ماما  فى الموضوع ده وارد عليك  واتقل بقي بلاش  الخفيه اللى انت فيها  دى  وسابته  وراحت  تشوف  مامتها  وباباها  واصرت انهم يباتوا بس هم رفضوا  علشان جدتهم  مش  بترتاح الا فى بيتها   وبعد   ما مشيوا  وانفرد  خالد  اخيرا   بايمي وكانت المربيه اخدت  نور  ونيمتها 

خالد:  ايمي .... عايز اطلب منك طلب 

ايمي :  من غير ما  اعرفه انا موافقه 

خالد:  متاكده  ....

ايمي :  اهه متاكده  طبعا ....

خالد:  انا  نفسي في  نونه  تانيه  وتكون شبه  ايه رايك ؟؟؟؟

وقع الكلام على  رأس  ايمي  كالصاعقه  فبماذا  ترد عليه  وهل  ستوافق  ام  انها  ستطلب منه الانتظار  ........وماذا  سيكون  رد فعل  ام ايمي عندما  تعلم  بموضوع محمد  ونهى ؟؟؟؟؟


ده اللى هنشوفه الحلقه القادمه ان شاء الله  

برنامجي فى رمضان

السلام  عليكم  ورحمه الله وبركاته

كل عام  وانتم  طيبين  وبخير   ونقول  لشهر الصيام حللت اهلا  ونزلت  سهلا على الامه  الاسلاميه  اجمع   واتمنى  من العلى القدير  ان يتقبل منا دعائنا  وصيامنا  وسائر اعمالنا  فهو  السميع العليم  الرحيم  الصبور على عباده

اليوم هو المتمم لشهر  شعبان  ان شاء الله  وغدا هو  اول ايام  شهر رمضان العظيم

سيبدأ  شهرنا  الفضيل  فماذا  جهزنا له ؟؟؟؟؟

سؤال  يتبادر على  ذهنى  دائما كل سنه ومع حلول  الشهر الكريم


ومع بدايه هذا الشهر  العظيم  نبدأ بوضع الخطط  والبرامج التى  سنسير عليها  دعنا  نفكر  سويا  سأبدا  بخطتى  فى  هذا الشهر  يارب اجرنا الثواب ان شاء الله

1- ختام  القران الكريم على الاقل  مره واحده ان شاء الله

2- فعل كل  الاعمال الصالحه من صدقه وذكر  وعباده  ودعاء  وصله ارحام  وووو.......

3-قبل  ذهابي  الى النوم  فى كل يوم  وقبل  ان أضع راسي على  الوساده  احاسب نفسي  (هل صليت  الصلوات الخمس فى  اوقاتها  .....؟  هل  صليت النوافل التى اوصانا بها رسول العالمين  ..... ماذا قرأت اليوم من القران  ؟؟؟؟ ماذا  قرأت عن دينى  وماذا  تعلمت ؟؟؟؟؟ هل  افدت احدا  ودعوته  الى القيام بالخير ؟؟؟ هل  علمت ابنى  عمر  كيف يكون  عمر بن الخطاب ؟؟؟؟ هل  اغتبت  احدا  هل  نممت على  أحد  ؟؟؟؟  ثم  اقوم بالاستغفار  وقول دعاء  )

4-ساجعل  لى  وردا  أقوم  به  اعتدت  اانا  واختى  الكبري على  عمل  جدول  وتعليقه على  احط ابواب  شقتنا  ولكل  منا جدوله  بالتلاتين  يوما   ونضع  علامه صع على ما فعلناه  وما لم  نفعله  نضع علامه غلط  وكنا نحاول دائما ان  نختم القران  سويا  كنا  نلتف  فى دائره  وكل منا  تقرأ حزبا من القران  ويالها من  أيام  جميله  اتمنى ان  افعلها مع ابنائي  كما استمريت افعلها  مع زوجى 



أحبائي  هذا هو   برنامجى  الصغير  من غير  مسلسلات  او  اى  اشياء اخرى  فقط  العباده  ويارب  بلغنا  رمضان  وكفر عنا  سيئاتنا وما فعلناه من قبل  وتقبل منا  اعمالنا  ووفق  الجميع 

فهل  من  سيزيد  عليه  ؟؟؟؟؟؟

كل عام  والكل  بخير 

المحبه  لكم  فى الله  

بوسي  

(أم عمر )

الحلقه ال 53

الحلقه ال" 53"

 فى الحلقه السابقه  توقفنا عند  ان  ملك  بعتت رساله  لانس وقالتله فيها  انها  مستنياه على نار وهو  راح ياب الشغل وراح ع البيت  وهناك ......تعالوا   نشوف اللى حصل


دخل انس البيت  فأحس انه ليس  ببيته  وانما    هناك تغيرات  كثيره جدا به  فلقد تغيرت الستاير بالوان اخرى  وكما ان  نظام الشقه كله  كان متغير  ولما  دخل  ومع  اذبلاله  شاف  نور احمر هادى  يخرج من  حجره نومه  فسارع على الدخول  لهناك  فوجد ملك  تجلس على  السرير  وترتدى  لبسا غريبا  فلقد كانت  ترتدى قميص نوم لونه  بمبه  من  النوع الاسترتش مخطط بخيوط  فضيه  ومفتوحين  من الجانبيت  لحد فوق الركبه بشبر ونص وكانت على  اطراف الفتحات  ترتر لونه فضى  اما إذا  صعدنا لاعلى  فنجد  تدويره الصدر كبيره جدا من الامام والخلف  وتظهر جميع مفاتنها وكانت  تجلس على السرير فارده  رجل والاخرى  متنيه  كانت مغريه فى جلستها  اما الاضاءه فلقد غيرت ملك  أضاءه الاباجورتين حولين السرير بدلا من اللون اصفر  جعلته لونا احمر  فاعطى اضاءه جميله وخصوصا ان اللون الاحمر معروف انه  يثير  الغرائز  سواء حلوه او  سيئه   اما عن  وجه  ملك  فلقد  غيرت  تسريحه شعرها  لاول مره  فلقد كانت اغلب الوقت  تضعه مفردوا على ظهرها وكانت فقط  تغير لونه  اليوم  فقط رفعت  شعرها  لاعلى  راسها  على هيئه ديل حضان  وفارقت  بين شعيراتها  وكانت فقط  تنزل منه  خصلات  قليله على  وجهها  والذي كان  موضوع عليه ميكب خفيف  باللون الوردى والازرق فوق عينيها  واللون  البمبي  على  شفتيها  كانت مختلفه  عن اى يوم  واخيرا  تحدث انس بعد ان دخل  وراها

انس:  لالالالا احنا اتغيرنا خالص 

ملك : حبيبي انت جيت انا مش حسيت بيك وانت داخل

انس وهو يرمي   البدله  على  الكرسي بجوار السرير  ويأتى ليجلس بجوارهها  على السرير 

انس:  مش مهم المهم  انى  جيت  وشوفتك

ملك :  وبعدين معاك  انا  هروح  اجهز  العشا

انس: لالالالا عشا ايه  ؟؟؟؟ انا نفسي مفتوحه  لحاجه تانيه

ملك :  هههههههههه لا اتقل شويه

انس: اكتر من كده مش هستحمل

وقام انس واخدها فى حضنه  وملك دى كانت  حاجه  بتضايقها قوى انه ياخدها قفش كده  وافتكرت كلام الراجل لما قالها  انها تصارحه على اللى بتحبه  وانها  تحاول  تتمنع عليه  شويه  علشان  يزيده رغبه فيها

ملك :  حبيبي  انت وحشنى موت  بس انا بجد محتاجه اسمع منك  كلام جميل  كلام يخلينى ادوب وانا بين ايديك كلام  يفكرنى باحلى ايام حياتى فاكر يا حبيبي اول  يوم جوازنا

انس:  ههههههههههههه اكيد فاكره   كان نفسي اعرف انتى  بتضحكى  قوى كده ليه

ملك : انا كنت  بضحك  حرام عليك انا كنت  ميته فى جلدى  وكنت بعيط  وكلامك الجميل خفف عنى  حاجات كتير  ارجوك  متحرمنيش منه 

انس: حبيبتى احنا اتعدينا المرحله دى من  زمان 

ملك: لا  يا  انس  ارجوك انا عايزها  تبدأ من جديد  محتاجه تعرف ايه اللى انا بحبه  واعرف ايه اللى انت  بتحبه  عايزين نغير  من رتابه حياتنا  الخاصه والعامه بجد  يا انس قلت ايه

انس: طب هو انا عمرى ضايقتك فى حاجه او مش عملت اللى انتى  بتقولى عليه  مانا بلبي كل طلباتك

ملك : حبيبي  انا مش  بتكلم عن ماديات انا  بتكلم عن احاسيس  عايزه احسها  منك  فى كلامك وافعالك  عايزاك تحسسنى انى  ست مرغوب فيها من  زوجها  عايزاك تقلي ايه اللى بيعجبك وايه اللى مش  يعجبك محتاجه ليك  قوى  يا انس  بجد انا  ....انا ....بحبك ....وعايزاك  ...معاك انا بكون واحده تانيه  واحده قلبها  فيه أحاسيس كتير  قوى نفسي توصلك  ونفسي اسمعها منك  مش حابه  ان تفضل ساكت وانت  بتحضنى لا عايزاك تهمس فى ودانى وتقلي  كلام  ينسينى  تعب اليوم وبعادك  عنى  حبيبي  وانت فى الشغل انا ببقي وحيده  شريده من غيرك  ببقي في اخر اليوم محتاجه لحضنك  مش تعتبرنى مخده  بتحضنها وانت  نايم ومضايق انك مش نافع تاخدنى معاك الناحيه التانيه زى المخده  والمشكله انك بدل ما  تحسسنى بحاجتك  لى  زى مانا  محتاجاك لا  انت محسسنى  ان بتعمل كده بس  علشان ده  حق  من  حقوق الزوجيه لا  يا انس ارجوك  انت مش تتخيل  لمسه ايديك لو خطبت فى ايدي وانا قاعدين جنب بعض بتعمل في ايه 

انس: خلاص يا ستى  هبقي اخبط فى ايدك  كل  يوم  هههههههههههههههههههه

اضايقت  ملك لانها بتكلمه عن حاجات مهمه بالنسبه لها  وهو بيتريأ عليها  وعلى احاسيسها كان هايز عليها تخبطه  بحاجه  بس افتكرت ان الصبر  وهو مفتاح الفرج  وانها مره فى مره  هتصيب  ابتسمت فى وجهه

ملك : يعنى بتتريأ  طب شوف  بقي هتمسكنى  ازاى  جريت  وخرجت بره الاوضه  فى الصاله  وهو  يلف وراها  على السفره   لحد ما مسكها  واخيرا  قال وهو بيضمها

انس:  وحشتينى جدا  والبتاع اللى انتى  لابسه دى جميل قوى عليكى

ملك : بجد  عجبك  انا قلت  اغير   واجيب حاجه  مش تقليديه

انس: حبيبتى  انتى  اللى بقيتى مش تقليديه  وده بجد اللى انا محتاجه 

ملك :  انس ارجوك  قلى  بتحب ايه فى ومش بتحب ايه فى

انتهز  انس فرصه  سؤالها  وفكر انه يقولها شويه حاجات بس  هى حلت اغلبهم

انس:  كنت  زمان  بضايق منك لما بحس انه مش همهتمه بي ولا بالبيت ولا بخالد  بس دلوقتى  انتى  بقيتى حاجه حلوه جدا  وبتهتمى بكل حاجه مقدرش انكر انى مبسوط جدا بكل  لمسه جديده  حطيها فى حياتنا  وبجد نفسي  تبقي كده على طول  الاول كنتى بتحبينى وبعدين بعد ولاده خالد حسستينى انى انا بقيت عبأ عليكى  وبدأتى تبعدى عنى واحده واحده  وده خلانى اغلط  مره  بس رجعتى  ودلوقتى انا بطلب منك  انك تستمرى   تقربي منى  عايز احس بحبك لى  مش نفورك منى  مش اول ماارجع هلكان زى الولد الصغير  على الحمام وانتى ماسكه مناخيرك وكانى  كنت  بلعب فى المجارى مع انى حاطط برفان  فى العربيه علشان قبل ما اطلع البيت   عايزك  تدينى  برستيجي وسط الناس مش تتريأى  على  قدامهم  وتعدلى ع كلامى  وتحسسينى انى كداب  ويوصلهم الاحساس ده مع ان الكلام بيبقي كله تهريج  ملك ارجوكى  خليكى  جانبي  ومعايا 

حضنها ولاول مره انس يبكى  ودموعه تنزل  ندما على اللى فرط فيه حست  ملك انها كانت وحشه قوى معاه فى تعاملاتها فى اهمالها  لمشاعره  قدام الناس  بس هو غلط  بس  كفايه كده  وقت الحساب  ادينا  عرفنا غلطتنا  ولازم نصلحها  ودلوقتى جه الوقت اللى لازم نعوض اللحظات الكتيره اللى كانت  بينا   وضيعناها فى مهاترات

ملك :  حبيبي  ... انا  محتجالك  قوى  ...انس ...بحبك

انس:  مش اكتر منى يا ملك

ضمها ليه تانى  وبصلها  و....


وهناك  سكتت  شهر  زاد عن الكلام  المباح  والغير  المباح 

كانت اول ليله  جميله  بينهم  ليله بدأ  فيها انس وملك  يعدلوا من حياتهم  والليله دى  هى البدايه  لاحلى  سنين العمر

وفى نفس الوقت  كانت  ساره عماله تفكر فى الرساله اللى مفروض   تبعتها  لاحمد  ففكرت  ازاى تقيم نفسها هى واحمد

فارسلت تلك الرساله

:بتحبنى جاوبنى بسرعه فى رساله

احمد رد  فى  رساله

بحبك  وبعشقك وبموت فيكى

ابتسمت  ساره  وارسلت رساله اخرى

" وانا كمان بحبك  بس ايه رايك  لو  بطلنا نقول الكلام ده لبعض  ونكون  الافضل احبه فى الله نعين  بعض على طاعه  الله  ؟؟؟منتظراك مش تتاخر على

احمد قرأ الرساله ومكنش عارف يرد هو اكيد عايز كده  بس محتاج انه يعبر عن مشاعره  وكراجل محتاج  يسمع منها انها مبسوطه من انها معاه فرد فى رساله

:أكيد طبعا  حابب كده

ساره فرحت من رده  وردت برساله

" يبقي نبدأ من  النهارده حب فى الله فقط   صلي  ولو مش قلت اذكار الصباح والمساء  قولها ونام   وبكره نكمل ان شاء الله 

احمد رد :
اوك  بس ادعيلنا  يا ساره  ادعيلنا كتير  ان ربنا  يجمع  شملنا على خير

ساره ردت  :

أمين يارب العالمين  اسيبك انا بقي  واشوفك الصبح   تصبح على خير 

احمد : وانتى من اهل الخير 


رمي احمد  الموبيل  ع السرير ودخل البلكونه بتاعه الاوضه بتاعته  وحس انه مش عارف  يعمل ايه  الصح اللى عايزاه  ساره  وهو مقتنع بيه جدا  بس .....اتنهد تنهيده كبيره  وراح  داخل  يكمل نوم

فى اليوم  التالى  كانت ايمي مقرره  انها تخير  امانى بينها  وبين فادى  زى ما قالها  خالد  وقابلت امانى واول  ما قبلتها

ايمي :  امانى حابه اكلمك فى حاجه بعد المحاضره بس  ضرورى

امانى : طيب  بس  ايه اللى عايزانى فيه

ايمي :  هينفع  لان المحاضره هتبدأ ودى حكايه كبيره عايز  اخد رايك فيها

امانى : طيب  هى  بخصوص ايه

ايمي : بخصوصي انا

 امانى : طيب

وبعد  محاضره ساعه ونص  خرجوا  وطبعا لزق فيها فادى  ولكن  ايمي  طلبت منه انها محتاجه  امانى  فى حاجه  فاستأذن ومشي 


امانى : خير انا طول المحاضره مش عارفه اركز  بسبب  بفكر فى الموضوع ده

ايمي :  بصي يا امانى انتى عارفه كويس جدا جدا  انى بحبك  جدا ومقدره مشاعرك جدا جدا  بس انا حاسه انك  بتعملى حاجه غلط   وممش هقدر  مش اقولك  لانى  محبش  اسكت عن الغلط وانتى اكيد عارفانى وخصوصا لما يكون من اعز الناس على قلبي

امانى :  غلط .... غلط ايه

امانى  اكيد حاسه باللى  عايزه تقوله ايمي  ومكسوفه من نفسها  بس  هى  زى اى  بنت   نفسها تحب  وتتحب 

ايمي :  انا هكلمك الاول عن محمد ومنى  فاكره هم كانوا بيعملوا ايه زمان قبل ما يتخطبوا كانوا بيخرجوا مع بعض وبيمسكوا ايد بعض وبيوصلها لقريب من البيت كل ده قبل ما يتخطبوا  ودلوقتى  بعد ما اتخطبوا  بيعملوا حاجات  ميعملهاش الا اللى كاتبين كتابهم  ومع انهم محط انظار من الدفعه الا انهم  مش شايفين اللى احنا  شايفينه دول  ياماما هينفصلوا  ياماما هيفضلوا يشكوا فى بعض طول عمرهم  بصي  الاحترام  واجب ومن البدايه لازم  تعرفي ان لازم يكون فى حدود لاي  علاقه بين اتنين  ولا انتى مش معايا ؟؟؟؟؟؟

امانى  معاكى  بس ايه الغلط بتاعى  مش فهمت ؟؟؟؟

ايمي : طيب يعنى انتى الاول معايا  وعلى الرغم ان منى  بالنسبه لى مش  زيك بالنسبالى  الا  انى رحت وكلمتها ونصحتها بما يرضي الله  وعملت اللى  على  لكن انى  اشوف  صديقتى الوحيده واختى   تبدأ فى حاجه هى  مش من  طبعها يبقي لازم انبهها  وبصراحه انا ششايفه ان فادى  ده مش يستحقك انتى اكبر من كده  بكتير  انتى تاخدى  دكتور  زيك او صيدلي  او مهندس بس يكون راجل تعتمدى عليه مش هو اللى يعتمد عليكى  اوعى تهينى  نفسك فى يوم من الايام وتاخدى اقل منك  لالالالا انتى  ليك نصيب هتاخديه  ومش تتنزلى عنه بس كل حاجه فى وقتها  وصدقينى مش هتندمى  انا حاسه بيكى والله

امانى  :  ايمي ....انتى مش حاسه بي انا زى اى بنت  نفسي احب  واتحب  نفسي  اعيش مغامره افضل  فاكراها طول حياتى حتى لو مش  استمرت  عندى  فراغ   ومش فراغ  مادى لا فراغ عاطفي  عندى احاسيس كتيره  نفسي افرغها فى حد  ونفسي اشحنها بحب حد تانى   محتاجه انى  اعرف حد  واتعرف  على حد نفسي في حاجه جديده تدخل  حياتى  ونفسي احس  انى موجوده وان مطلوبه وان حد محتاجنى  من زمان  وانا  مهمله من كل الناس من  امى واهلى واخواتى  ولو  تفوقى اللى  ظهر  مكنش حد عبرنى فى البيت   بشوف كل البنات ببتعاكس   وانا امشي  محدش  بيقلي حتى كلمه واحده سواء حلوه او وحشه

ايمي :  طب  ودى  حاجه  تزعل  انتى بتهرجى  دى  تفرحك  مش بتاخدى  سيئات  وانك  محافظه على حشمتك وعلى نفسك  وبتبلبس زى  شرعي  والله يا بنتى انا متاكد انك  قبلما هتخلصي كليه هتلاقي نفسك اتخطبتى ومش لاي حد لا  لدكتور كبير كمان بس انتى اهدى بس كده  واركزى وسيبك من فادى والكلام الفاضي ده قربى من ربنا  وادعيله كل يوم ان ربنا يكرمك بالزوج اللى تتمنيه يكون  صالح عاقل  يكون  ليكى طريق للجنه  هو ده اللى مفروض مننا اننا نعمله  انا عارفه ان كلامى  يمكن مش  يكون على هواكى وانك عايزه كل حاجه دلوقتى  من ربنا   بس انتى عملتيله ايه علشان هو  يتقبل منك دعائك  امانى  صدقينى اول طريق  للى تتمنيه هو الدعاء  فانتى اعملى اللى عليكى وادعى كتير  وربنا هيكرمك بس امانه عليكى حافظى على نفسك   وبجد لو  لسه عايزه تكملى اللى بتعمليه  للاسف انا مضطره انسحب  لانى مش هقدر اجاريكى فى حاجه انا متاكده من فشلها


امانى  :  ايمي  ....انا منكرش ان كلامك  صعب جدا   بس  بحمد ربنا عليكى  انه كرمنى  بصديقه تراجعنى دايما فى اخطائي واذا كان على فادى  فمين هو

ايمي :  الله ينور عليكى  وبجد فرحتينى جدا  وربنا ما يحرمنا من بعض

حضنوا بعض  وراحوا صلوا الضحى بسرعه ورجعوا ع المحاضره التانيه كانت ايمي  مبسوطه جدا  انها مش بعدت عن  صحبتها  اللى  بتحبها فى الله  وانها قدرت تعملها حاجه  وقررت انها تقول  لخالد لو حد عنده  نفسه يتجوز فى الشغل  تخليه يشوف حد لامانى عنده او فى احدى صيدلياته   وربنا يوفقها يارب  

فى الوقت ده كانت  انس  صحيت من النوم  نشيطه على الشقه فطرت  خالد  ونزلت وديته الحضانه وقعد  يصرخ انه عايزها وكان  صعبان عليها بس  هى قالت انها  لازم تتعلم  وبدأت  تفكر فى  العزومه بتاعه حماتها  وقالت للبواب  يجبلها شويه حاجات  علشان  تبدأ  من دلوقتى  لانها بطيئه جدا فى المطبخ  وبعد  ما بدأت  افتكرت  الراجل اللى  اسمه وائل  وانه كان قالها انه هيكملها فى  رسايل تانيه الراجل ده فعلا  حط ايده على الجرح وهى  اتعلمت منه ازاى  تخيه وتحط عليه البلسم جريت فتحت الكمبيوتر   وفتحت رسايلها  وللاسف مش لقيت اى رساله منه  وبقت  زى المجنونه كل شويه تروح  تشوف  هل فى رساله جت ولا لا  انتظرت  لحد الساعه اتنين  لبست  ونزلت تجيب خالد من  الحضانه  ورجعت  وكان مجهد من اللعب  فنام  وبدأت هى تجرى ع الجهاز ها بعت حاجه النهارده ولا لا  ولسه مش بعت  بقت قلقانه ياترى مش بعت ليه  ؟؟؟؟ طب هل المفروض  تسال عليه  ولا  تتطنش  وقريت اخر رساله منه علشان تتاكد  انه  يمكن قالها انه هينتظر منها رساله الاول  بس لا  مفيش  وفضلت كده رايحه جايه من المطبخ  للجهاز لحد  ما جت الساعه 4 خلصت الاكل  واتصلت بانس  علشان يرو ح يجيب اخته وحماتها  وهى  تاخد دش  وتحمي  خالد  وبعد ما خلصت  الحمام وجهزت الشقه ونفسها وخالد  وباقي بس انها تحط الغداء دخلت تشوف  هل  رد عليها  ولا لا ؟؟؟؟

جم اهل جوزها وعلى غير العاده قامت  رحبت  بزياده وبقت  تهزر مع سمر اخت انس  الصغيره  وامها  بتبوس فيها  وتخلى خالد يجري عليها  وضحكت وهزرت وانس معاها  وحس انس انه سعيد جدا من تغير زوجته   وفى لحظه كده  استأذنت تشوف حاجه دخلت على المنتدى علشان  تشوفه رد  ولا لا ؟؟؟؟؟

ولكنها لم تجد منه ردا   فقررت انها  بعد ما يمشوا تبعتله رساله  تشوف ماله  وع الساعه 9 بالليل  نزل انس يوصل اهله  واخد معاه خالد وهى جريت  تكتب  لوائل  رساله  يا ترى  كانت ايه ؟؟؟؟ده اللى هنعرفه ف الحلقه الجايه  وكمان  هل  ساره واحمد هيقدروا يستمروا ع الوضع ده  ومن  هيبدأ الحديث  والى اللقاء فى حلقه قادمه وعيد ميلاد نور

الحلقه ال 52

الحلقـــه  الـــ  "52"

فى الحلقه  السابقه  كانت الاحداث  بين محمد  ومنى  متفجره وغير مقبوله  ولكن من  يفرض في نفسه يستحق ما

يفعل به  وعرفنا ايضا  ما حدث لملك وغلتطها  بان تجاوبت  مع  هذا الرجل   والذي  لا نعلم حتى الان ما هى 

نيته  من تلك النصائح  ومن هو  هذا الراجل  تعالوا  نعرف ايه اللى هيحصل 


استيقظت  ملك  لتجد  نفسها  تبدأ  يومها  بالجلوس على الكمبيوتر  لتعرف  اذا ما كان تلقت  ردا من  هذا  الرجل 

ام  لا وبالفعل  دخلت  ووجدت  ردا  منه  مطولا  وكان كالاتى


عزيزتى  /

(تخيلي  لم  اعرف  اسمك  حتى  الان  واتمنى ان اعرف  اسم من  اخاطبه )


ثانيا  :لا  شكر الا  على واجب  وانا لم  افعل  شيئا  غير  ان قلت  ما  يمكن لاى  زوجه  تفعله مع  زوجها  

ولكنى  أأسف  انى لم اكمل  لضيق الوقت  لدى   وساكمل ان شاء الله

ثالثا :  نصيحه منى  لا تفعلى المساج مره اخرى  اجعليه هو من  يطلبه بعد ان يكون قد اعتاد عليه  واراحه

رابعا :  الان سأكمل ما كنت  قد  بدأته من  قبل  ولكن  ساعيد الخمس  نقاط التى  سبق  ان قلتها  من قبل


1- اختيار  الوقت المناسب  للتتدلل على الزوج 
2- عندما  يدخل من الباب  لا  تنهمرى عليه  ما  حدث فى اليوم  كله  لك  ولكن  انتظرى حتى  يسألك هو  وان

لم  يسألك لا  تقولى له شيئا 
3- لا تحكى له عن  مشاكلك مع الاولاد  الا عندما يكون باله رايق  وشاركيه  فى حلول لتلك المشاكل  ولكن

بهدوء  ودون  تعصب
4-كرجل  أحب  من زوجتى  حينما أرجع من  عملى  ان  تدلك قدماى   وظهرى  (مساج) فانه  يعطى  راحه

شديده  ولا تنسي  ان تلعبي في شعره  فهذا ماكانت امه تفعله  وهو  صغيرا 

5-لا تندفعى  عندما  يطلبك  زوجك  ولكن  تتدللى عليه قليلا وامتنعى عنه  قليلا  لزياده الشوق اليكى (فالممنوع

مرغوب )

6-اذا  لم  تكونى  تدلعيه  فابدئي الان  او  اذا كان  اسمه غير قابل للدلع  فانطقيه دوما  بطرق  مختلفه  بطريقه

تجذبه اليك وهذا  لا عيب فيه

7-تجهيز  نفسك  جيدا  له  ودوما  تكونى  على استعداد لملاقاته  بالبرفيوم  وده  ضرورى  جدا  واختارى 

الغير نفاذ حتى  لا  يضايقه  ولن  اتكلم  عن اللبس  لانه  يتبع  زوقه وانتى  ادرى الناس به   والتنوع دوما 

مقبول  منه القصير  والطويل  والوسط  وذو  اكمام  ومن غير

8-طالبيه  بما تريدين  فهذا  سيريحك  جدا  بدلا  من ان  يفعل  ما لا  تحبين  وتزهدى   فيكون  مجرد  واجب 

فقط  من  قبلك  ولكن  حتى  تستمتعى  طالبيه بما تستمتعى بيه وما  لا تحبيه   وهذه ليست  جراءه 

9 - الاهل  ....أذا  احببتى من  يحبه   فسيحبك  بمعنى  والدته كونى لها الابنه  حتى ولو كانت هى  تعاملك 

كالخدامه  ... وقبلي  يد  والده اذا هو كان يفعل 

10- أظهرى له مدى حبك  فى الكلمات والافعال  ولكن  لا  تكرريها كثيرا  حتى  لا يزهد وغيري  فى

التعبيرات

11-  هناك  بعض الاشياء الهامه   مثل  الاتصال  اليومي  فقط  للاطمئنان  عليه  وهو  بالعمل   او  برساله

 قصيره  افادتها  انكى مشتاقه اليه  فانها  ستجعله يهرع الى البيت 


للاسف  انا مضطر  اتوقف هنا  وسأكمل  فى رساله  لضيق الوقت  

سلام  مؤقت  وفى اتنظار التطبيق   والنتيجه ان شاء الله


اخوكى 

وائل


قرأت  ملك  الرساله المطوله منه   ولا  تعرف  ماذا  تفعل  هل  ترد عليه  أم  ان  تنتظر  وتفعل النصائح فلقد  كان  لها  مفعول السحر  على  انس بالامس  وبدأت  تعد  خطتها  كانت فرحه جدا  بما قد  توصلت  له بالامس  مع  انس  وستبدأ فى  استخدام  باقي النصائح من  الواضح جدا  ان  هذا الرجل خبير   على الرغم  انى لا اريد ان  اكلمه  ولكنى فقط  سأخد فقط  خبرته فى  هذا المجال  فقط للتقرب  من زوجها 
وبدأت  تعد  عدتها   ونزلت  لتشتري ملابسا  جديده  وايضا  اشتركت  لخالد  فى  حضانه  حتى  يكون  لديها الوقت  لفعل  اى شئ بالصباح  فتره عدم وجوده بالبيت  وحتى  يستيفيد هو اجتماعيا  وبدأت  يومها  بالاتصال  بحماتها  وعزمتها على الغداء فى الغد  هى  وابنتها  الغير  متزوجه  ووالده  فى محاوله منها للتقرب من  اهله  فهى لم  تكن  يعجبها اسلوب  الحياه الغير نطى  ولكنها  مضطره   وبدأت  تعد العده  وابلغت  انس  بما تنويه وانها  قد عزمت  والدته على الغداء  فاستغرب  ولكنه لم  يعلق  وبدأ يومها  الاول 


فى  هذا  الوقت  التقى  محمد  ومنى  فى الكليه  

منى :  امبارح كان  قلبي  وقع فى رجلى  لما  سهير  دخلت الاوضه

محمد :  لا  انا وقع فى  حته  تانيه  وقلت مش هلقيه  لانه كان بين ايديكى يا حبيبتى

منى :  وبعدين  بقي معاك احنا فى الكليه

محمد: وحشانى اعمل ايه  وامبارح  امك واخواتك طب  وقعدوا على  انفاسنا  وقت  طويل  قوى  والواحد  ملحقش

منى :  ملحقتيش ايه بالضبط

محمد :  اقعد معاكى  يا جميل  دانا فى  كلام كتير  كنت حابه انى  اقوله

منى : كلام  ايه قول

محمد : لا  خليه لما  اجيلكم  المره الجايه بس مشكلتى اما ببقي قدامك بنسي كل حاجه

عديت  من  قدامهم  ايمي وامانى   سلمت  امانى  على  محمد  ومنى  بينما  ايم ي هزت راسها من  بعيد  ومشيت  ولما  امانى  حاولت  تسال  ايمي 

امانى :  هو انتى  مش ناويه تكلميهم ولا ايه ؟؟؟؟

ايمي:  لا  من  بعيد لبعيد  بس انا الشخصيات  دى  مش تستحوزنى  المهم تعالى  بقي قوليلي انتى امبارح  كنتى  واقفه مع  مين  فى الجنينه

اتخضت  امانى  ايه ده  هى  شافتنى  امتى  ؟؟؟؟

امانى :  ابدا  ده  واحد   معانا فى الدفعه

ايمي: مانا عارفه  بس كنتى  بتكلميه فى ايه  وكان  بيضحك  قوى كده

امانى : لا  كلام عادى اصله  ظريف جدا

ايمي:  على العموم  متقفين معاه لوحدكم  لاى  سبب علشان القيل  والقال  انا عارفه انك  محترمه  ومش بتاعه الكلام ده  بس  فى ناس متعرفش  وكمان  خدى  بالك  ان الولد  ده  ملوش  صديق  من الاساس دايما  بيطنطط فى كل  جروب شويه فده كفيل  اننا  مش  محتاجين  نعرفه


امانى : لا  والله ده  لذيذ جدا و.....

ولسه هتكمل  كلامها  سمعت حد بينادى  امانى  ...امانى  ....

امانى :  فادى  ....ازيك  كنت  لسه بقول  لايمي عنك   اعرفك  بايمي   ايمي    فادى


فادى :  ايمي  اشهر  منار على  علم اكيد عارفها المهم  هى  عارفانى ولا لا معتقدش

ايمي:  اهلا  وسهلا  دكتور فادى  مش يالا علشان المحاضره هتبدأ

فادى  :  طب  احجزولى  جنبكم  انا جاى 

وجرى ميعرفوش رايح فين  وطبعا  ايمي  كانت  مضايقه جدا  منه  ومن  شكله وهو عامل  شعره وملزقه  بشكل غريب  وشكله فنكى  خالص

ايمي :  ده  شكله  هيلزقلنا   لالالالا مينفعش اتصرفي  واصرفيه

امانى : ههههههههههههههه هو عفريت  ههههههههههههه والله لو عرفتيه هتلاقيه  لذيذ جدا  ودمه خفيف


ايمي  : لا  يا ستى مش عايزه اعرفه


جه والدكتور  وامانى  كانت حاجزه  اللى  جنبها  ليه   وهو دخل فى ديل الدكتور  بس للاسف  اول ما دخل  وقعد معاهم كانت  ريحه السجاير  بتفوح منه  بشكل فظيع  اتاريه كان   راح  ياخد سجاره ع الماشي

انتهت  المحاضره  وكانت  ايمي طول المحاضره مضايقه من  فادى  وهو  عمال  يتكلم  فى المحاضره   مع  امانى  واللى مكنتش  مركزه خالص فى  المحاضره  واكيد طبعا  معتمده عليها انها  هتديلها المحاضره  وهتشرحها لها  كمان وحاسه انها  مش عايزه تزعلها  وعارفه هى  بتعمل  كده  ليه  ومش عايزه  تواجهها  علشان  مش  تضايقها   وانه فادى  ده  لا  بتاع جواز  ولا  نيله  واخره ان يلزق شعره  بالكتير  قوى  وبينجح  بمقبول  من الدروس اللى بياخدها  مش اكتر  تتصرف  ازاى  ...هتبقي  تاخد  راي  خالد   ....خالد  اهه  صحيح  عايزه اكلمه  استأذنت  ايمي  امانى  واتصلت بخالد  وكلمته  وقالتله ان  جدتها  عازماهم  النهارده عندها على العشا  وزعلانه اننا مش بنروحلها   وافق  خالد مع انه عنده شغل مهم  بس علشان مش  يزعل  تيته ولا ايمي 


فى الوقت  كانت  ساره فى الشغل  وكانت  بتتكلم مع  زمايلها  ولقت  تليفونها بيرن 

احمد :  ساره انتى ايه اللى موقفك مع محمد وبقالكم ساعه  بتتكلموا  وبتضحكوا ممكن  اعرف  بتضحكوا على ايه

ساره :  براحه بس  اولا  انا  مش  واقفه معاهعلى  جنب  وبتكلم معاه كلام عيب  لا سمح الله  ثم  محمد  ده  متجوز  ومخلف   وكمان  مفيش بينا  اى  كلام  نهائي  الا فى الشغل  وانا اسفه  اذا  كنت  ضحكت  لما  قالى ان المشروع بتاعى جميل  ومبتكر  ومش فاضل بس  غير انى  احط  المبانى بالمشقلب  فضحكت  وضحكه بريئه   بس مش اكتر 


سكت احمد ومش  رد  وكان  ماسك  راسه  ولما  بصتله  كان واضح جدا انه مضايق 

ساره : احمد  مالك  يا حبيبي فيك ايه  شكلك  مضايق جدا  ....انت   بتغيير على  ؟؟؟؟

احمد:  امال المفروض بقي  اغير على مين  لو سمحتى  متقفيش مع اى راجل فى الشغل لوحدكوا  ولا الموضوع ده ممنوع بس معايا  ومع الناس التانيه لا

ساره  مقدره  موقف  احمد  ومش عايزه تزود من الطين بله  بانها  وهى  غضبان   كده  تروح تدافع عن نفسها 

ساره:  اوك يا احمد زى ما تحب 

كان  هدفها انها  تمتص  غضبه مش  تزيده وبعدين  وعلى  روقان تبقي تفهمه  انه غلط فيها  او  مش واثق فيها 

احمد:  اوك

ساره:  اوك وبس  .....مفيش  معاها كلمه حلوه

احمد ابتسم :  لا  بلاش  دلوقتى لما اروق علشان تطلع فعلا حلوه

ساره: اوك يا حبيبي  زى ماتحب

احمد :  ساره  ....انتى حلوه قوى

قالها الكلمه دى بتلقائيه شديده  ابتسمت له ثم  اغلقت الخط

كانت  تريد ان  تلف  حول  نفسها وتطير مثل الفراشه  بكلمته البسيطه  فى مجملها  والقويه فى معناها 

اكتمل اليوم  وكانا  ينظران الى بعضهما البعض بين الفتره والاخرى الى ان تلاقت اعينهما  وهنا  اتصل احمد بها


احمد : ساره  انا  هوصلك للبيت  النهارده  ممكن

ساره :  بس  انت  كده  هتتاخر 

احمد :  لا  مش مهم  عايز  اتكلم  معاكى  شويه واحنا فى المواصلات  ممكن

ساره :  اوك  زى ماتحب

احمد:  الكلمه دى  النهارده  سمعتها تلات  مرات  وبجد جميله جدا جدا

ساره :  انهى  اوك ؟؟؟؟؟

احمد :  اكيد  لا  ....كلمه  زى ماتحب   حسستنى   احساس حلو

ساره :  خلاص يا حبيبي  هقولهالك  لما تخيرنى على اى حاجه

احمد :  لالا  لازم يكون انتى كمان  ليكى  رأى  وتشاركينى  فيه  لانى  كمان  عايزه اقولك  زى ما تحبي 

ساره : طب  بص  علشان  المواضيع مش  تكبر فى التليفون  قدامنا  نص  ساعه  وهاستناك  تحت  اوك

احمد : اوك  زى  ماتحبي 

ابتسمت  ساره  وقفلت الخط   وقعدت تفكر فى كلامه  اد ايه احمد انسان  طيب قوى  بس حاسه انه  عصبي كده  ويا خوفى من الموضوع ده  بعد الجواز  هابقي احاول اكلمه فيه 

انتهت النص  ساعه  ونزلوا  وركبوا مع  بعض  مينى  باص 

ساره :  ايه اللى كنت عايز  تكلمنى فيه

احمد:  بصراحه  مش فاكر بس اللى متاكد  منه  انى كنت محتاج اركب معاكى  ونتكلم شويه  لانك  وحشانى جدا جدا

ساره : احمد  ...صوتك عالى

احمد  بيهمس:  وحشانى جدا جدا

ساره : لا انا مش بقولك علشان تقولهالى تانى انا بس علشان  عيب  واحنا بره كده

احمد:  انا لا عارف اقولها بره ولا جوه اعمل ايه  بس يا ناس  عايز اصرخ  واقول  بحبها  بحبها  وفى قلبي  ساكن حبها  ياريت  يا شوق  توصلها  ويحس بيى قلبها  بحبها  بحبها

ساره : وبعدين معاك  انت  بتسمع اغانى ؟؟؟؟

احمد :  يعنى   ليه ؟؟؟

ساره : انا بطلت اسمع من  زمان  ونفسي بجد انت كمان  مش تسممعها ممكن ...؟؟؟

احمد : اوك  زى ما تحبي 

ساره : ههههههههههههههههه  طيب  يالا علشان  قربنا

احمد :  طيب  يالا  بس قبل ما تقومى  هتوحشينى  ونفسي فى رساله منك  قبل ما انام  بالليل  ممكن  ؟؟؟؟


ساره : هحاول بس  موعدكش

احمد :  لا ارجوكى  اوعدينى

ساره :  حاضر  ويالا  علشان نلحق ننزل قبل ما يمشي


نزلوا  وشاورلها  وراح هو  يركب  مواصلات للبيت  بتاعه  رجع البيت  لقي جدته قلقانه عليه لانه  اتاخر  ساعتين  عن معاده  ومن  غير ما يقولها  انه هيتاخر  وان محمد  اتصل بيه  ومردش عليه  واحمد  ناسي  خالص  التليفون سيلنت   واعتذر  لجدته  وقالها انه ميت  من الجوع وقالت  طب  بسرعه  غير  لان  اختك وجوزها قدامهم ساعه  ويكونوا هنا

احمد : والله   طب  ممتاز هى  خمس دقايق  واكون  جاهز  ان شاء الله 

اتغدى  احمد  ورن  على ساره انه وصل البيت  وهى اتصلت بيه  واطمنت عليه  وبعدها  انتظر  ايمي  وخالد ونور  واللى  جم  وقعدوا يحكوا  ويهزروا  ويتكلموا فى الشغل  وفى السياسسه  وفى  الرياضيه  ومحمد  كان مشترك فى الحديث وطبعا  سال  ايمي  اذا كانت  اتصلت  بنهى تانى ولا  لا  ؟؟؟وطبعا قالتله  اتقل   وفى حوالى  الساعه 10 مساءا  قام خالد  وايمي  وروحوا البيت  وفى الطريق كان ايمي حكت  لخالد اللى حصل مع امانى لكنه  هو  قالها  خيرها بينك   وبينه لانى مش حابب انك  تكونى فى مكان موجود فيه واحد تافه  زى الواد ده وقالت انها هتنفذ الكلام ده  وهتشوف امانى  هتختار ايه  ؟؟؟؟؟؟

فى  الوقت ده كانت  ملك  بعتت رساله  لانس  بتقوله  فيها

"وحشنى  ...يا زوجى  العزيز  ....منتظراك على احر من الجمر   ....don`t be late   miss u  honey"


وعندما  قر أ الرساله  انس  تاكد انها  اولا من  ملك لانه مكنش مصدق انها  تعمل  كده  فاتصل بيها  وقالها انا جاى   نص ساعه واكون فى البيت 

واول ما دخل  حس انه مش في بيته  ودى مش ملك  ياترى   ايه اللى  حصل  وايه اللى كانت  عملاه  ملك  ؟؟؟؟؟


ده اللى هنعرفه فى الحلقه القادمه ان شاء الله 

الحلقه ال "51"

الحلقه  ال "51"

فى الحلقه السابقه   توقفنا عن ان  ملك  كلمت والدتها وكانت  بتطلب  النصيحه   وانها  قامت  بالبحث من خلال  الانترنت عن  كيفيه  اسعاد الزوج  واشياء  اخرى كثيره  ونشرت مشكلتها فى احدى المنتديات  وقرأت كل الردود والتى كانت  نصائحهم  متماثله الى حد كبير   الى ان  جاءت  لها  رساله على الخاص وكانت من  رجل تعالوا نشوف فحوى الرساله كانت ايه ؟؟؟؟؟؟


سيدتى  ان  ما تعانين منه  هو نفس ما  اعانى  منه  ولكنى حللت بعض الامور  واعطيكى فيها خلاصه  تجربتى  زوجتى  مثل  زوجك  من منطقه شعبيه ودائما ما تحرجنى  بتصرفاتها والتى  للاسف  لا يقبلها بعض اصدقائي  وللاسف سمعتهم من ورائي  يقولوا انها بيئه ومش تاخدوا على كلامها  وبجد ضايقنى جدا هذا التعبير  ولكنى احبها  وبشده  ولا استطيع البعد عنها  فقررت  ان  اغير  بها  هذا  الامر   بدأت معها  بالكلام  الغير صريح  فلم تفهم  ثم  بدأت فى مواجهتها  باخطائها ومما يمكن ان يقال عليها من قبل  اصدقائي  فامتنعت عن الخروج معى طالما هم  موجودين  فاصبحت كالشريد مقطع بين زوجتى واصدقائي ولا اعرف  كيف اتصرف   فطلبت من  زوجه صديق  ان تكلمها وتحاول ان  تعلمها الاتيكيت  استجابت  زوجتى لمحاوله  زوجه صديقى ثم بدأ الامر يستهويها  واصبحت كائنا  غير الذي كان  ارق  واجمل انسانه فلم تعد  تقول تلك الالفاظ التى  تقولها  ولكن  بدأ  الامر الاخر  انها  لا تريد ان تجلس معى  بل تريد ان  تجلس على الشاتنج مع اصدقاء لها على النت   وكان الامر  يدوم بالساعات الطوال  فحاولت ان الهييها عن اصدقائها بالخروج والفسح  ولكنها كانت متعلقه بهم جدا لدرجه انى  دخلت معها الشات  باسم  اخر  وحاولت ان اتواصل معها  ولكنها كانت  تنبذنى  لانى  لست من  اصدقائها  ففكرت ان  انضم للجروب  واحاول اصادق اصداقئها  وارى ماذا تكتب  ولكنها كانت الست المحترمه والتى  تربت  تربيه جميله جدا  كانت  تستفيد منهم وهم يستفيدوا من خبراتها  فاحببتها وحاولت ان اراسلها ولكنها  ردت على رد جميل انها متزوجه  ولا  تقبل  باى  طريقه للتعارف وهى لا تتكلم على الخاص بل على العام واذا اردت محادثتى  فتكلم وسط اصدقائي   احترمتها  اكثر  واكثر    والى الان  اتحاور  معها واجلس معها على النت  فقط  وهى لا تعلم انى انا من احادثها مع  اصدقائها   وفى  انتظار ايجاد حل لها  ارجو  ان اكون قد  أفادتك فى اى شئ  واعذرينى  اذا كنت قد ارسلت لك رساله  ع الخاص  فزوجتى  مشتركه فى نفس المنتدى  ولا اريد ان  تضايق منى بان اضع هذا الكلام على العام 


ملحوظه : لم اتحدث عن  علاقتك الخاصه  مع  زوجك  ولكنى  كرجل  اريد منك ان تسمحيلي فى رساله اخرى ان  انصحك  ولكنى لن ارسلها الا عندما تقولين لى انك موافقه على ان  اعطيكى نصائح هامه جدا  استخدمتها مع زوجتى  مع العلم انه كلام  علمي بحت  وأتت بنتيجه والحمد لله

أخوكى فى الله 

وائل



انتهت الرساله قرأتها  ملك بتمعن  وحاولت ان  ترد عليه انها تريد  ان تعرف  ماهى النصائح  التى يريد ان يقدمها  لها  ولكن الموضوع شائك وخصوصا انه  رجل وعلى الخاص  فارسلت له رساله تشكره فيها  وانها  ستحاول  مع اخوها لانه  صديق  لزوجها  ان يعلمه الاتيكيت   ولكنه رد عليها برساله


اختى الفاضله


ارجوكى  لا تدخلى اهلك  فى الامر حتى لا يكبر  بدون داعى  انت  من بيدك الامر  ابدائي بالكلام  الغير صريح ثم  الكلام  الواضح الصريح ومواجه اخطائه  ثم بعد  ذلك  استخدمى  اسلوب  الزعل   فتجهزى له غدائه وملابسه وكل شئ حتى اذا طلبك فى الفراش  ولكن  حسسيه ان هناك  شيئا مكسورا بكي   وان بيده  هو فقط  اصلاحه

اخيكى فى الله

وائل



احست  ملك وهى تقرأ رسائله انه  زوج محب لزوجته  وهى ايضا  تحب  زوجها  واكيد لن  يتمادى اى شئ بينهم  فارسلت رساله  تشكره وتقول انها ستنفذ ما قال  واذا  تفضل  بذكر النصائح ولكن دون  ان  يكون كلام صريح  وانها فقط تريد اسعاد  زوجها  ليس اكثر 


انفرجت  أسارير   وائل   فجلس مفرود الظهر  وشبك  يداه بالاخرى  وشدها  اماه  ثم  شمر عن  أزرعه  وبدأ  الكتابه  فكتب الاتى


أختى الفاضله 

لا  شكر الا  ع  واجب  واتمنى ن اكون قد  أفدتك  فى هذا الامر  وبالنسبه للنصائح من  موقعى  هذا وكرجل  اريد ان اقول ان  اى رجل  يقيم علاقه مع زوجته  يكون يريد  اسعادها هى الاخر  ولكن  انهاك العمل   والمشاكل  وضغوطات  الحياه تجعل  منه  انسان اناى  بع ضالشئ  فينهى  سريعا ما يود عمله لان  فى الصباح الباكر  سيذهب فى دوامه  فارجوا منك  عمل الاتى :

1- اختيار  الوقت المناسب  للتتدلل على الزوج 
2- عندما  يدخل من الباب  لا  تنهمرى عليه  ما  حدث فى اليوم  كله  لك  ولكن  انتظرى حتى  يسألك هو  وان لم  يسألك لا  تقولى له شيئا 
3- لا تحكى له عن  مشاكلك مع الاولاد  الا عندما يكون باله رايق  وشاركيه  فى حلول لتلك المشاكل  ولكن بهدوء  ودون  تعصب
4-كرجل  أحب  من زوجتى  حينما أرجع من  عملى  ان  تدلك قدماى   وظهرى  (مساج) فانه  يعطى  راحه شديده  ولا تنسي  ان تلعبي في شعره  فهذا ماكانت امه تفعله  وهو  صغيرا 

5-لا تندفعى  عندما  يطلبك  زوجك  ولكن  تتدللى عليه قليلا وامتنعى عنه  قليلا  لزياده الشوق اليكى (فالممنوع مرغوب )


كفايه كده النهارده وسأكمل لك فى الغد لانى مضطر  اخرج الان

سسلام مؤقت  وطمنينى  على ما  حدث بعد  تطبيق الارشادات

اخيكى فى الله

وائل


قرأت  ملك الرساله  واحست انها  تفعل كل ما  شئ سئ فهى اول ما يدخل  انس  تحكى له عما فعله خالد وانه كسر  كذا بالكوره  ورمى ايه من البلكونه  و انه  كتب ع الحيطه  وانه بهدل هدومه  وغيرتله وانه وقع  واتعور  وانه تعبان وعنده برد وكحه وسخونيه  وراحت بيه المستشفي  وانت  ولا هنا  ولا  بتسأل  ولا بترد على الموبيل  وكانت اول ما بيدخل  تقريبا  كانت بتهزأه بكلامها   فقررت انها اول ما يدخل  هتقابله بابتسامه ومش هتقوله على المكرر اليومي  واللى دايما  بتذكر فيه الحاجه الوحشه بس  امممممم الراجل ده  نصايحه ممتازه وهفكر فى الموضوع ده  واناقش فيه  ايمي  لما تيجي   يووووووووووووه الساعه  بقت  6 عايزه الحق اجهز  نفسي  بسرعه  واحمى خالد  قفلت الصفحه وجريت  بسرعه  بقت  زى النحله  فى البيت  بتلف  روقت الصاله  والشقه على السرير  وخبت الغسيل  وقفلت عليه الاوضه وحمت   خالد  واستشورت  شعرها  وكان  انس يادوبك داخل  وشكله تعبان حست بيه  راحت  حضنته  واديتله بوسه على السريع

ملك:ازيك يا حبيبي عامل ايه  ؟؟؟

انس : الحمد لله   حاسس انى عايز انام بس مش هلحق  خالد وايمي  جايين  كمان شويه

ملك :  طب  خد  دش  وريح  وانا هاجى اعملك  مساج يريحك شويه

استغرب  انس  ....مساج  ومن امتى  هى  فكرت تعملى  مساج ادينا بنجرب  يمكن امها نصحتها  واخيرا  نصحتها بحاجه عدله

انس:  ياريت والله ياايمي  بس بتعرفي  تعملى  مساج

ملك متعرفش بس قالت : جرب  واديك هتشوف

انس: طب  هادخل اخد دش وانتى جبيلي  غيار  داخلى

كانت ملك  نفسها تقوله اسمه  اندروير  بس  اتكتمت وقالت مش مهم ما احنا كده كده لوحدنا

ملك : اوك يا حبيبي  وانا هجهزلك  لبس 

اخد أنس دش وخرج قعد يلعب مع  خالد  ابنه  وكان بيعلمه  ازاى  يركب  لعبه  وكانت ملك فرحانه  بانه  اخيرا  هيلعب  اى حاجه مع خالد    وبعدين طلبت منه انه يريح على  الكنبه  وحطت  رجليه على رجليها وهى قاعده  وبدأت تعمله مساج فرح قوى  كان  بيتأوه لان رجليه كانت وجعاه بس  بجد  ايديها مريحه جدا 

انس:  ملك  ايديكى جميله قوى

انبسطت ملك جدا  مش معقول اول مره من  زمان  تسمع  كلمه حلوه  يظهر ان كلامها مع الراجل ده  جاب  نتيجه لا  دى لازم تتابع معاه

ملك : بجد 

انس:  يااااااااااااااااااه  ايديكى  مش جميله بس  دى  فظيعه  كملى  كملى 

بدأت  تضغط  براحه ع  كعب الركب  وعلى بطن الرجل  والصوابع  ودخلت على الساق  ضغط  خفيف  ومن ثم السمانه ثم  مسكت الرجل الاخرى  وهكذا  وهو  عنده احساس جميل جدا   وحاسس انه  شكله هيبدأ يرتاح فى بيته  افتكر فتحيه  ولكنه  طردها بسرعه من  تفكيره وفكر انه  لازم ينساها وينتبه  لبيته ولمراته  ولابنه  بص على خالد  وهو بيحاول يلعب  ويركب  المكعبات فى بعضها  فحس بفرحه انه عايز ينزل ويركب معاه المكعبات بس  ملك ايديها  فظيعه جدا  ومش عايزها  تسيبه  وتسيب اللى  بتعمله    ورن التليفون  وقامت  ملك  تجيبه لانس  وكان خالد المتصل  بيساله فى البيت ولا لا علشان هم بالطريق  وقفل معاه  وبدأت  ملك  تجهز  العصاير  والبيتفور والكعك  وغيرت لبسها  ورجعت لقت انس بيلعب مع  خالد  وبيركب معاه  وبيضحوا مع بعض حاست لاول مره بالفه جميله بينهم  وانهم اسره واحده  نزلت ولعبت معاهم  وكانت  فرحانه جدا


كان فى الوقت ده كانت  ايمي   حضرت الغدا  بعد ما جت  وخالد جه واتغدى  ولسه هتحكيله اللى حصل قالها تعالى احكهولى وانا نايم كده  لانى بجد الاكل كابس على انفاسي  ومخلينى محتاج انام جدا  وردت عليه وانا كمان والله عايزه انام  وناموا الاتنين وصحيت على 6 جهزت نفسها   وجهزت  نور  ولبستها  وبعدين صحت خالد  واللى لبس  وجهز نفسه  واول ماركبوا  السياره علشان يروحوا لانس اتصل خالد  بانس وساله اذا كانوا  مستعدين ولا  لا  وبعدين  قفل معاه  وقال  لايمي  ابدأى بقي من الاول  ايه اللى حصل  وحكتله ايمي عن اللى حصل  بينها وبين  منى  وهو قالها غلطانه دى حريه شخصيه ومش من حقك انك  تعملى كده واحنا بقينا فى عصر  كله ماشي  فى حاله وملوش دعوه  وطبعا ايمي مكنش عاجبها  كلامه  وقعدت تناقش فيه لحد ما  اقنعته بالايات القرأنيه  وبالاحاديث  وبعدين حكتله على حكايه محمد ونهى  وكان  مبسوط جدا من ان فى علاقه جميله وهاديه هتنشأ فى بدايتها بين اتنين  اد ايه الحب ده جميل وافتكر اليوم الى  شاف  ايمي فى الكليه اول مره فى المكتبه  وازاى  كان باين عليها الارتباك   وبجد كان   الاحساس جميل وكان لاول مره يحس بخفقان قلبه اول ما شافها  كان فى حاجه بتربطه بيها  وبتجذبه ليها قوى  ولحد الان  لسه بتجذبه


سرح  خالد مع  ذكرياته وايمي  كانت بتتكلم ونور كانت نايمه فى كرسي العربيه بتاعها   وفجأه  حس خالد ان ايمي  بتنادى عليه

ايمي :  خالد ...خالد  انت معايا

خالد: اهه معاكى  ...ايه فى حاجه ؟

ايمي :  فى حاجه  ....لالالالا  داانت مش معايا خالص  رحت فين اعترف

خالد:  بعترف قدام عنيك  من النهارده انا عمرى ليك 

افتكرت ايمي  اغنيه عمر دياب 

http://www.youtube.com/watch?v=yVrAJ92n5Zc

ايمي : لا  بجد

خالد:  افتكرت   اول مره اشوفك فى المكتبه كنت شايفك  مرتبكه  وفى اوقات بشوفك  بنفس الطريقه دى  أد ايه كنتى ولازلتى  جذابه يا ايمي  واتمنى  تفضلي كده على طول

ايمي : ياه حبيبي   ....ان شاء الله  ده اللى بدعى بيه دايما انى  افضل كده  قره عينك

نور  صحيت  وعيطت  وقطعت اللحظه الجميله دى   اخدتهاامهها  ورضعتها   واخيرا  وصلوا عند  ملك 

كاناحمد وساره فى الوقت ده  انهوا شغلهم  وهو  وصلها لحد المواصلات واطمن  عليها  وشاورلها انها تتصل تطمنه انها وصلت   وفعلا  وصلت بالسلامه  واتصلت عليه  وطمنته  واتغدى ونام  وهى كمان اتغديت ونامت  شويه

فى الوقت ده كان محمد  راح  عند  منى  نظره  للمكان اللى بتعيش فيه منى  ....منى دى عايشه  فى حاره  في شبرا الخيمه  المنطقه كلها  عارفين بعضهم كويس جد ا بينما محمد  كان من  شبرا المظلات مش بعيد عنها كتير وده اللى  قربهم لانهم كانوا بيروحوا سوا  فى نفس المترو   وقرب بينهم وخصوصا انها نفس العيشه   ولو دخلنا  الحاره بتاعه منى  هنلاقي انها  ساكنه فى تانى بيت  على اول  الحاره  بيتها مكون من  اوضتين  وصاله صغيره  والتلفزيون موجود فى الصاله فكانوا لما بيحبوا يقعدوا مع بعض  كانوا بيقعدوا فى الاوضه   بتاعتها هى واختها   و كان  الباب بيبقي شبه مردود يعنى لا مقفول ولا مفتوح   المهم وصل محمد سلم على  امها  واللى كانت قاعده فى الارض هى وبنتها  واخوها اللى كان مريح على الكنبه   وبيتفرج على التليفزيون فتحتله منى  وسلم عليهم ودخلته على الاوضه وكانت  لبسه اللبس الى طلبه منها  محمد على الرغم من ان امها  قالتلها  انتى لسه كنتى لابساه هو هيقول ايه معندكيش لبس غيره  بس هى قالتلها لسه هكوى  هو كده حلو  وسكتت امها 

محمد:  امممممممممممممممم فظيعه يا منى  بجد اللبس عليكى فظيع جدا  هياكل منه حته

منى: بجد عاجبك 

محمد: عاجبنى موت   وانتى عاجبانى اكتر

منى:  اممممممممممممم

محمد:  امتى بقي نخلص الواحد مش قادر يصبر 

منى:  يصبر على ايه ؟؟؟؟؟؟؟

محمد:  يصبر  عليكى وعلى بعدك عنى انتى قاعده بعيد ليه ما تقربي

منى ك لا  امى  تشوفنا 

محمد: طب اجى انا كده  هنكون ورا الباب  ومش هنبان

منى : لا  لحد يدخل فجأه

محمد:  معتقدش   وكمان الباب عندكم بيزيق من اقل حركه  هنعرف يعنى 

منى :  طب انت  اخبارك ايه ؟

محمد:  انا طول مانا جانبك كده   ببقي  فى قمه السعاده 

مسك  محمد ايديها وبصلها وهو بيبوس  ايديها  وهى عايشه فى حلم جميل بس قلبها  بيدق جامد لسببين للى بيعمله محمد ولخوفها ان حد من اخواتها ولا امها يدخل  يجبلهم عصير  او حاجه فقالت تقوم هى  تسبق   وتجيب العصير علشان محدش يدخل 

محمد: رايحه فين

منى :  ثوانى وجايه خرجت  غابت شويه ورجعت بصينيه عليها عصير

محمد: يا ستى هو انا قلتلك  انى عايز  عصير  انا عايزك انتى

منى :  استنى بس لما يبدأ المسلسل  علشان ابقي متاكده انهم مش هيجوا  يبصوا علينا

محمد: يا لئيمه   والمسلسل ده قدامه أد ايه  ويبدأ

منى : انا سامعه الموسيقي  بتاعه البدايه بتاعته 

محمد :  طب  خير هانت يعنى  اكون انا شربت العصير

منى : اهه

محمد:  منى .....وحشانى قوى ببقي هتجنن عليكى فى الكليه

منى :  هتتجنن على ازاى 

محمد:ببقي  نفسي  اسند ايدى على كتفك  واضمك لى كده

منى:  بتهرج استنى بس شويه شيل ايدك لما يبدأ المسلسل

محمد:  اعمل ايه اصلك مغريه خالص   وشكلك فى البيت مختلف عن بره

منى : انت شايف كده ؟؟؟

محمد:  انا  نفسي  اشوف اكتر من كده

منى  بتضربه على ايده   وبتقله : بطل  قله ادب 

محمد:  طب اعمل ايه انتى قوليلي  وحشانى وحشانى جدا 

منى :  اصبر  قدامنا الترم ده وسنه كمان

محمد : انتى  ناسيه الجيش ولا ايه ؟؟؟؟؟

منى :  ربنا يسترها ومش تلبس  ظابط

محمد :لالالا متفوليش  ثم انتى  ليه كده  بتنكدى  على  وتفكرينى بالحاجات الوحشه دى  خلينى  استمتع  بلحظتى معاكى 

منى : كده برضه انا نكديه

محمد  يمسك ايدها  تانى  ويبوسها  :  اسف يا حبيبتى بس انا مش بحب السيره دى   ياريت نغيرها

منى : طب  نتكلم فى ايه؟؟؟؟

محمد:  فى حبنا فى  عشقنا  فى لمسه اديكى  اللى بتخلينى  عايز اقرب اكتر واكتر 

زحف الصينيه اللى كانت  بينهم على السرير   وقرب منها   وحط ايده حوليها  وبدأ  يضمها عليه فسمع الباب  بيزيق  راح  سايبها وباعد عنها  وعمل نفسه بيتكلم فى  محاضره النهارده 

كانت  اختها جايه تجيب حاجه من الدولاب  وخرجت


ومنى  قلبها وقع فى رجليها ومحمد كمان   وكان قلبهم بيدق بشكل فظيع وكان باين عليه التوتر جدا


وبعد دقايق كان المسلسل خلص وجه اخوها وامها  قعدوا معاهم  وشويه ومشي محمد  بس منى لسه فاكره اللحظه الجميله اللى عدت عليها وهى فى  حضن حبيبها محمد  وراحت على سريرها وغمضت عنيها علشان  مش تنسي  اللحظه دى  وتحفرها فى  ذاكرتها 


فى الوقت ده كانت  ايمي  وخالد  وصلوا  لانس  وملك   وكانت القعده جميله جدا  وضحك وهزار  ولعبوا  سوا  ستميشن وكانت  نور  بتلعب مع خالد  وهو بيزقها وهى عايزه تلعب  معاه  وهو مش راضي   وكانت مره ملك  تفض المشكله ومره ايمي تاخد نور  قبل ما يهبشها فى  وشها  وشويه  وهديوا الاولاد قدام  قناه طيور الجنه  وملك  وايمي  اخدوا  جنب  واتكلموا  بينما خالد وانس  بيتكلموا فى الشغل واحوال  مصر 

ملك:  ايمي  لو مش  يضايقك ممكن اسالك على حاجه

ايمي : اكيد اتفضلي

ملك: بصي  هو انتى  بتعملى مساج لخالد

ايمي  ابتسمت  ومش حبت تحرجها  مع انها مش بتحب  انها تتكلم فى خصوصياتها هى وجوزها  وردت بس لانها حاسه ان ملك محتاجه  لمساعدتها

ايمي :  ايوه 

ملك :  بجد  وليه  تأثير حلو ؟؟؟؟

ايمي : اكيد بعا ليه  تأثير جميل والدليل ان اى راجل بيطلبه من  مراته 

ملك :  اصلي  قريتها النهارده على النت   فقلت اسالها

حست  ملك انها مش هتقدر تقولها انها سالت راجل على الحاجات  دى وان شكلها هيبقي وحش  فقررت انها مش هتقول  لايمى  وبعد ان انتهى اليوم  دخلت  ملك على النت  علشان تكتب  للراجل ده رساله  شكر   وفعلا  شكرته  وقفلت الجهاز  ونيمت خالد  وراحت لانس   وكان سبقها على  السرير  فبدأت تمشي ايدها على  ظهره  وجسمه  وهو  فجأه وبدون مقدمات اخد  ايديها  وباسها  حست  بانه بيشكرها  بطريقه جميله


وهنا اسدلت  شهر زاد الستار  على انس وملك  وسكتت عن الكلام المباح وغير المباح 


فى الحلقه القادمه هنعرف الراجل  ده هيكتبلها ايه رد على  رسالتها  وهنعرف  كمان  ايه المشكله اللى هتحصل بين ساره واحمد   وامانى  اللى  اتغيرت  180 درجه وهل  هتستعيد نفسها بمساعده ايمي ولا قررت انها  هتكون  مع نفسها 



اشوفكم الحلقه الجايه  ان شاء الله

الحلقه  ال "50" من  الجزء الثالث

فى الحلقه السايقه عرفنا  ان  احمد وساره   سمحولهم ببعض الخصوصيه بعد ما  راحلهم  خالد واحمد  وايمي  واللى اتكلمت  مع  نهى على انفراد  وحست انها معجبه هى كمان  بمحمد اخوها  زى ماهو معجب  بيها  واديت لنهى  رقم تليفونها علشان  يتواصلوا مع بعض  وكان  المفترض  ان ساره هتبعت لاحمد رساله   ياترى كان ايه فحواها


اغلقت  ساره الخط مع احمد وهى  تفكر ماذا ترسل له  تصفحت  رسائلها وجدت ان اغلبها دينيه او تهنئه بالعيد او ما شابه  ففكرت انها  تاخد  موبيل اختها  وتشوف فيه رسايل حلوه


كانت  عايزه تكتبله حاجه  تفرحه  وفى نفس الوقت مش  تبقي  مبتذله  وبرضه تكون بتعبر عن احساسها

للاسف لم  تستطع الحصول على رساله جاهزه  وتكون معبره  فقررت انها تكتب احساسها هى   فكتبت 

"بحثت كثيرا فى عقلي عن كلمات تصف ما اشعر  به  تجاهك  ولكنى لم  فوجدت قلبي  يدق   وينبض ببعض الكلمات  التى  اعجز عن وصفها  ....لذا  سأجمعها فى  كلمه  واحده  .....أحبك ....أحبك فهل تحبنى بقدر ما  احبك أنا "

هكذا كانت  رسالتها  فكرت كثيرا  وانتظرت ان  يرسل لها الرد ولكنه لم يرسل  انتظرت ساعه  واتنين    ولم  يرسل لها رساله  تضايقت  كثيرا  لماذا لم يرد عليها   نظرت الى الساعه فوجدتها الساعه 1 بعد منتصف الليل فقررت ان تتصل بيه لتعرف لماذا لم يرد هل  الرساله لم تصل ؟؟؟؟؟


ترررررررن تررررررررررررررررررن

احمد :  ساره  ...انا مش مصدق نفسي  بجد  مش مصدق

ساره:  زعلانه منك

احمد: منى  ليه بس  ده انا فى قمه سعادتى  دلوقتى

ساره : بعتلك الرساله من ساعتين  ومش رديت على هى مش عجبتك

احمد: ساره  ...حبيبتى انتى  نسيتى انتى  اللى  قلتلى  ارد عليها بكره  بلاش دلوقتى وقلت اكيد خايفه من بابا  مع انى كنت هتجنن وارد على  اجمل كلام  قريته فى حياتى  وبجد نفسي جدا  اسمعها منك

ساره : بجد انا قلتلك  مش ترد على  ....وانا اللى قلت ان الرساله مش عجبتك

احمد:  لا طبعا دى  عجبتنى  قوى بس اخر كلمتين  مش عرفت  اقراهم  ....ممكن  تقريهملى  حابب اسمعهم منك

ساره  فاكره ان اخر كلمتين  كانوا احبك احبك  بس  تقولهاله ازاى دى   صعب جدا 

ساره:  انا ممكن استهاجاها وانت جمعها

احمد:  لا انا عايز اسمعها منك  بجد  خليها اخر كلمه ترن فى ودانى قبل ما اروح فى النوم واخدك معايا فى حلم جميل  بدون عوازال   مكان مفهوش الا انا وانتى وبس محدش شايفنا ولا احنا  شايفين حد  شايفين بس حبنا  انا وانت

اللى  موجود وهيفضل موجود وكل يوم وكل لحظه بيزيد اكتر واكتر 

ساره:  احمد انا مش حمل الكلام القوى ده ارجوك

احمد: كلام ايه هو انا اتكلمت  ثم انتى  هتهربي يالا  قوليلي اخر كلمتين

ساره : أ  ح  ب  ك

احمد: جمعيها وانطقيها واقفلي 

ساره: مش قادره يااحمد  مش قادره اقولها

احمد:  اوك  ....يا حبيبتى  زى ما تحبي   ويالا علشان فى شغل الصبح  تصبحي على خير

حست   ساره انها ممكن تكون  ضايقته

ساره: وانتى من اهل الخير  .....بحبك

واغلقت الخط  كانت   فرحانه جدا  على الرغم انها كانت رافضه تقولها بس حست احساس حلو وخصوصا ان احمد  اكيد فرح  اما احمد بقي  فكانت حالته اصعب جدا  سمعها  وكان  نفسه تبقي موجوده قدامه  علشان  يضمها ليه  فحضن  مخدته  ونام هو كمان  على  تمنى  بلقاء غدا 

فى صباح اليوم التالى  ذهبت ايمي للكليه  وهى تقل  امانى واللى  حست انها متغيره حبيتين   ولبسه  لبس  كانت  قالت  انه ضيق عليها ومش تلبسه علشان  مش زى اسلامى  ولما  سالتها  ايمي  عن انها قالت مش هتلبس اللبس ده تانى   فردت عليها  وقالت  انها خست  فحست انه وسع  مع انها ولا خست ولا حاجه  المهم سكتت  ايمي ووصلت للكليه  وللاسف الشديد اتكرر موقف  امس مره اخرى بين محمد  ومنى  ولاحظت ان كريم كمان  لاحظ  وامانى  باين عليها جدا انها مخنوقه من اللى بيحصل ده  بس محدش بيتكلم   فقررت ايمي انها   تكلمها من باب  حب لاخيك ما تحبه لنفسك  وانه هتغير   بلسانها لان قلبها مش كافي  وبعد المحاضره


ايمي : منى  ....لو سمحت ممكن اكلمك فى حاجه

منى  :  اوك    واستأذنت محمد والبنات  وراحت مع ايمي 

ايمي :  بصي يا امنى انتى حد كويس قوى  وبجد من ساعه ما جيت  وانا شايفه انك عاقله  بس  بصراحه ولانى بحبك فى حاجه انتى  بتعمليها غلط كبير قوى  وكنت خايفه جدا ان ده يأثر على  علاقتى بيكى 

منى:  حاجه ايه؟؟؟؟؟

ايمي :  طريقتك فى التعامل مع محمد  غريبه جدا    وكون اننا مسلمين  فده  يخلينا  منعملش الغلط

منى  مضايقه جدا:  من الاخر عايزه تقولى ايه؟؟؟؟

ايمي :  عايزه اقول ن محمد  زيه زى كريم  زى اى حد تانى بس فرقه عنهم انه فى نيه  عنده بالزواج منك  ولانها نيه  مش مثقله بكتب الكتاب  فبالتالى هو اجنبي عنك  ومش مفروض تمسكى ايده  ولا الحركات اللى بتعملوها فى المحاضره وتحت البنش وعلى فكره مش انا بس اللى ملاحظه كده


منى : بصي انتى مش شيخه علشان تيجي تكلمينى كده  ومش من حقك انك تتكلمى على او على اى شئ  يخصنى  ولو  سمحت  انا مش طلبت نصيحتك  ومره تاني ه انصحي حد غيري


وسابتها ومشيت حست ايمي انها  رمتها بجردل ميه ساقعه على وشها   جتلها امانى بعد ما  مشيت منى  وبتسالها

امانى : فى ايه مالك   ومنى كمان مالها  ؟؟؟؟؟

ايمي : كنت بنصحها  نصيحه لوجه الله بس  واضح انها استقبلتها بشكل معاكس للى كنت متوقعاه منها  على العموم الواحد  حب انه  يغير  مش  بقلبه بس  وربنا  يتولانا برحمته يارب


امانى : وانتى مالك  تعمل اللى هى  عايزه تعمله ليها اهل ورب  بيحاسبوها   ومحمد اللى هيتجوزها  عاجبه الحاجات دى  خلاص بقي


على الطرف التانى كانت منى  مشيت وسابت  ايمي ونادت على محمد ومشيوا لوحدهم 


محمد:  مالك ايمي  ضايقتك فى حاجه

منى :  بتقلي انا وانت بلاش الحركات اللى بنعملها تحت البنش  ومسك الايد  وانك اجنبي عى وان  نيتك للزواج منى  يا راحت ياجت


محمد:  وهى  شافت  الحركات اللى تحت البنش ازاى

منى :  ماهى مش بتقعد جنبي 

محمد : سيبك منها المهم انا عايز  اجيلكم النهارده هينفع 

منى : اكيد هينفع

محمد:  طب بصي   فاكره الطقم اللى لبستيه تانى يوم الخطوبه

منى: اهه ماله؟؟؟؟

محمد:  ابقي البسيه لحسن بحبه قوى عليكى


منى : بجد  ....بتحب فيه ايه؟؟؟؟

محمد:  كل حاجه بحس انى  حاسس بكل حته فيكى  وحتى بنبض قلبك  بيكون باين فيه


منى:  اكمنه ضيق   انا مبحبش اجى بيه الكليه بسبب الناس اللى زى ايمان دول


محمد: ابوكى هيكون موجود


منى: لا   بالليل انت عارف  بيروح القهوه

محمد:  يعنى امك  واخواتك بس

منى  : اههه 

محمد : قشطه

منى :  انت  فظيع  بس بجد  انا مضايقه جدا من ايمان


محمد:  سيبك منها  دى  دماغها  شاته  المهم   هجيلكم ع الساعه 7 كده  ظبتى بقي

منى : طيب  هتوصلنى ولا  هاروح لوحدى


محمد: لا طبعا هاجى معاكى   علشان اطمن عليكى


فى الوقت ده كانت   ساره  راحت الشغل  واحمد  كان وصل قبلها  وهناك اول  شافته سلمت عليه وراحت على مكتبها  ويدوبك قعدت  فلقت التليفون بيرن  وكان احمد طبعا

احمد:  صباح الورد والفل  والياسمين 

ساره :  ايه ده كله صباح الخير

احمد :  ده انتى  تستاهلى احلى صباح  على اللى قلتيه امبارح ده

ساره : وبعدين معاك احنا فى الشغل

احمد: طب  وايه المشكله مش  يعنى لازم اطمن عليكى

ساره : لا انا عايزاك توفر الكلام والمكالمات لحد ما  نتجوز  

احمد:  مش قادر

ساره: احمد : هو احنا لازم نكمل سنه  خطوبه ؟؟؟؟؟ انااعتقد ان عندك الشقه وممكن  تعمل جمعيه  وتقبضها الاول  ونشتري  الاساسيات 

احمد:  طب  وافضل بعد كده  ادفع فى الجمعيه طب  ناكل ونشرب منين ؟؟؟؟

ساره : مانا هكون مراتك  وساعتها بقي  انا وانت واحد

احمد: حبيبتى  ....ارجوكى مش تقولى كده تانى لاى سبب من الاسباب  وان شاء الله قبل ما هنكمل سنه بس ادعيلنا 

ساره :  يارب يجمع شملنا فى اقرب وقت ممكن

احمد:  بجد مستعجله انك تكونى معايا

ساره :  متحرجنش  وكفايه كده علشان  الشغل

احمد : تنهيده كبيره   : زى ما تحبي   سلام


وبعد دقيقتين لقت رساله منه  فبصت عليه وضحكت  وكملت  شغلها  كان  فحوى الرساله

" بحبك اعمل ايه وبجد مش قادر  احس انك جانبي  وقاعد بعيد عنك  شعورك ما يوريه لحد ابدا  بحبك  ..."

كانت  امانى  استأذنت  ايمي  وقالتلها هتجيب حاجه من الكافتيريا  وتستنى والدها  لما يجي  وكانت ايمي راحت  تصلي الظهر   وبعدين هتروح  ولكنها  وفى طريقها للعربيه  وجدت  امانى  تقف مع احد زملائنا فى الدفعه  وتضحك وهى تكلمه  فاحسست ان امانى  متخبطه فى مشاعرها  وانها  ستبدأ فى  رحله البحث عن عريس  من  زملائهم   فأحست بالشفقه  عليها  ثم انتبهت الى جرس الهاتف وهى  بتشغل السياره وكان  رقم  غريب شويه فردت


ايمي : السلام عليكم ورحمه الله وبركاته مين معايا

الطالب :  وعليكم السلام ورحمه الله وبركاته  انا نهى اخت ساره خطيبه احمد اخوكى

ايمي :  ايوه يانهى  اخبارك ايه  معلش  مش  سيفت الرقم امبارح انتى عامله ايه

نهى : انا بخير المهم انتى ونور اخباركم ايه ؟؟؟؟؟

ايمي :  الحمد لله  تعرفي  انك فكرتينى اتصل بمحمد واطمنه  لحسن رجعت بالليل متاخر  ونسيت اتصل بيه

نهى :  اممممم

ايمي : المهم انتى طمنينى اخبارك ايه واخبار كليتك ايه ؟؟؟؟؟؟

نهى :  الحمد لله بخير  اهى ماشيه

ايمي :  انتى هاديه  قوى عن ساره  صح ؟؟؟؟؟

نهى : يعنى 

ايمي :  ان شاء الله  يوم 25/3 هيكون  عيد ميلاد نور ان شاء الله واتمنى بجد انك تشرفينى  وطبعا هعزمكم كلكم  وبصراحه مش هنكر هحاول  ان يكون فى كلام  بينك انتى  محمد  يعنى علشان   لو فى  خير  اتكلم انا مع الاهل  يعنى  تتعرفوا على بعض  ووسط الاهل  قولتى ايه ؟؟؟؟

نهى : بالسبه لعيد الميلاد  ان شاء الله هاجى لو الاسره جت  اما بالنسبه لموضوع محمد  فمش عارفه  انا اصلي مش بعرف اتكلم وجها لوجه خالص فاعتقد انه مش هينفع نهائي  ممكن انتى تكلمينى عنه

ايمي :  اصل ده اخويا فاكيد كل حاجه فيه كويسه تربيته اخلاقه  شكله  نظامه مش هقدر اقولك على اى حاجه فيه وحشه  وكمان الموضوع بينك انتى وبينه طب  هاقترح اقتراح  ايه رايك انى اديكى رقمه وتكلميه انتى 

نهى : لالالالالالالا لا طبعا  مقدرش 

ايمي :  طب اللى انا استنتجته دلوقتى ان فى  قبول بينكم وده فى حد  ذاته خير  سبينى انا  هشوف الوضع  عندنا  ايه وارد عليكى

نهى :  اممممم اوك  واتمنى انى مكنش ضايقتك باى كلمه

ايمي : لا  والله بالعكس ده يشرفنى جدا  انى اتكلمت معاكى   اسيبك انا بقي  واشوفك على خير


نهى : ان شاء الله  مع السلامه

ايمي : مع السلامه

اغلقت ايمي الخط مع  نهى واتصلت بمحمد  واللى رد عليها

محمد:   ايه يابنتى فينك من  امبارح  ولا  سالتى ولا عبرتى

ايمي : معلش انشغلت  بص يا سيدى  انا كلمت نهى  امبارح  و

محمد : بجد  كلمتيها قالتلك ايه ؟؟؟؟؟

ايمي : اصبر  بس هو انا حسيت ان فى قبول مبدئي  عليك بس طبعا لما رحتلها الكليه  هى اساسا مش بتكلم شباب  فخافت  تكلمها فحد يقول عليها حاجه  فمشيت  وحاولت تهرب منك   بس عاما  هى  موافقه مبدئيا عليك

محمد: طب  ماخدتيش رقم تليفونها ليه  واكلمها 

ايمي : هى  الناس دى  بالساهل  لا طبعا  بقولك مش بتكلم  شباب  نهائي  اروح اديك رقمها لا طبعا  ثم هى رفضت  لما  قلتلها تتعرفوا على بعض  المه انا هعزمها هى واهلها  فى عيد ميلاد نور   وهحاول اخليكم  تتكلموا مع بعض  وان يكون فى حوار  ولو  اتكلمتوا مره واحده  وحسيتوا انكم  متوافقين  مع بعض  هاتكلم انا فى البيت عندنا   قلت ايه ؟؟؟؟؟؟


محمد:  طب  تفتكرى هيوافقوا عندى او عندها 

ايمي : دى محاوله  والمحاوله تعتمد فى الاساس عليكم انتم الاتنين ومدى  اصراركم  تكونوا مع بعض  ومش  نسبق الاحداث  مش يمكن  ترفضك بعد ما تتكلم معاك

محمد:  بس عيد ميلاد نور ده بعيد قوى

ايمي :  تقريبا شهر  هانت  يعنى

محمد: وانا هصبر شهر كامل بتهرجى  طب ما تعزميهم عند فى البيت

ايمي : هى هيصه لا  انا ولا خالد فاضيين 

محمد : طب  خلاص    ادعيلي يا ايمي  بس انتى  حاسه  انها ممكن توافق  على  ؟؟؟؟

ايمي : احتمال كبير  اهه

محمد :  الله يبشرك بالخير   هاجبلك هديه جميله بس لو  اتاكدت من  الكلام ده

ايمي : طب هستنى الهديه  بقي  وانت رغاي على  فكره ويالا سلام

محمد: طب متزقويش  سلميلي على  خالد  وبوسيلي نور كتير


ايمي : اوك يوصل وانت خد بالك من   نفسك سلام

محمد: سلام

 قفللت  ايمي  واتصلت  بخالد

ايمي :حبيبي  ونور عيونى  اخبارك ايه وحشنى

خالد: ايه الروقان ده انا كويس  يا جميل

ايمي :  مش روقان ده اسمه لامورى يا حبيبي

خالد:  اممممممم لامورى  لالالا انتى شكلك عايزانى اجيلك دلوقتى


ايمي :  ههههههههههههه  مش  بشبعك منك مانت عارف النهارده كان فى احداث كتيره جدا 

خالد:  طب استنى لما اجى واحكيهالى  المهم بقولك  انس  وملك عازمنا النهارده على العشا عندهم  فى البيت  قلتى ايه ؟؟؟

ايمي :  اوك  مفيش مشكله بس انت مش كان عندك مشوار مهم 

خالد: لا  اجلته لبكره ان شاء الله

ايمي :  طب اوك  مفيش مشكله  بس تفتكر ايه سر العزومه دى 

خالد: مش عارف  ومش فارقه

ايمي : اوك انا  وصلت البيت اهه  هاركن العربيه  واطلع

خالد:  طب  اوك يا حبيبتى  بوسيلي نور وانا قدامى ساعه كمان واكون فى البيت


فى الوقت ده كانت  ملك  بتكلم امها  وتسالها تتصرف  ازاى  مع انس  وانها محتاجه للرومانسيه  وهى بقي بيعاملها بجفاء حتى فى  علاقته معاها  بيكون زى ما بيقضي واجب عليه وخلاص وانها بدأت  تضايق منه قوى  ومش عارفه تتصرف معاه ازاى


ام خالد:  ملك  ....حبيبتى  .... بصي  الصراحه بينكم مهمه جدا صارحيه قوليله  انا بحب كذا  ونفسي فى كذا  وبتمنى كذا  ومره فى مره  فى حاجات هتتغير  والزمن  كفيل انه يغيرها

ملك: خايفه قوى ياماما  على  جوازنا ده

ام خالد:  انتى اللى بايدك  تحافظى عليه  اعملى اللى عليكى واكتر   وهو  هيرق ويحن

ملك:  طب  هتيجي النهارده ولا لا ؟؟؟؟؟

ام خالد: لا انا النهارده مش هينفع اجى  عندى مشوار مهم

ملك : طيب   اسيبك انا بقي

ام خالد: خدى بالك من  نفسك  وسلي  نفسك

ملك : اوك ياماما

قفلت ملك الخط مع امها  ومكنتش عارفه تعمل ايه  وخالد ابنها  عمته جت اخدته  يقعد معاهم شويه  ففتحت الكمبيوتر  ودخلت  على جوجل وعملت  بحث  عن كيفيه اسعاد الزوج  وكيفيه التقرب منه وما هى احتياجاته  وقعدت  تقرأ كتير قوى قوى  لدرجه انها محستش بالوقت  ولقت نفسها  اشتركت فى منتدى وكتبت  ماتعانى منه مع  زوجها  وانتظردت   وقرأت الردود  ووجدت  رساله  على الخاص  كانت من  رجل  وفحواها .........


ده بقي اللى هنعرفه الحلقه الجايه  بس تفتكروا  ايه اللى ممكن يكون فى الرساله ومين الراجل ده ؟؟؟؟؟؟؟

من منـــا .........من اهل الجنــــــــــــه؟؟؟

بقلم دكتوره  فله   (أم أحمد)

(أرجوا الدعاء لها  ولاولادها  وجعله فى  ميزان  حسناتها  يارب اللهم امين )

..ماذا نفعل لنكون من اهل الجنه..

ملهيين فالشغل والبيت والاولاد ومسافة ماتصحي من النوم مسافة متلاقي نفسك راجعة السرير تاني

________وبعدين ؟؟؟؟________

عاوزين نلحق نعمل حاجة فيومنا قبل ما نتفاجئ انه بيخلص

انا بتكلم عن نفسي وكتيير زى طيب فيه ايه ممكن نلتزم به بشدة

انواع العبادات كتيييرةمن صلاة وصيام وقيام وصدقة وكفالة يتيم وطلب علم ووو

ومنهم كمان طاعة زوجك وتربية اولادك تربية حسنه عالدين واخلاق الرسول صلي الله عليه وسلم

متنسيهمش واحتسبي النية فيهم مش هنبقي تعبانين وكمان مبناخدش عليهم حسنات طب نعمل ايه

من منـــا .........من اهل الجنــــــــــــه؟؟؟

لما سأل رجل النبي ان يوصيه بما يلتزم فالعبادة لان شعب الايمان كثرت عليه

اوصاه....((لا يزال لسانك رطبا بذكر الله))

..وذكر فان الذكري تنفع المؤمنين..

هنحاول مع بعض نلتزم واسمحولي فالتشبيه

((ما خف عمله وعظم اجره))

من منـــا .........من اهل الجنــــــــــــه؟؟؟

** الصلاه في وقتها..(احب الاعمال الي الله)

اللي عليها صلوات فايته تصلي فرض مع كل فرض بتصليه

** قراءة ورد قران يومى جزء عالاقل..(من اراد الدنيا فعليه بالقران ومن اراد الاخرة فعليه بالقران ومن ارادهما معا فعليه بالقران)

** اذكار الصباح والمساء والنوم..(حفظ ليكي ولاولاد وبيتك من كل سوء ومن الشيطان)

** اية الكرسي..(من قرئها دبركل صلاة لم يمنعه من الجنه الا الموت)

دول اساسي جدا جدا طبعا الله المستعان

من منـــا .........من اهل الجنــــــــــــه؟؟؟

تعالي بقيها بتعملي اية..فالمطبخ..بتنشري هدوم..بتنضفي البيت..بتتفرجى علي حاجه(مفيدة)فالتلفزيون..قاعدة عالنت..رايحة الشغل او مشوار..قاعدة مريحه مبتعمليش حاجه..

((عالسبحه ال100حبه))

او

((علي ايدك))

..الصباع الصغير3تسبيحات 3مرات باقي الصوابع 3تسبيحات مرتين بقو 33 كررى الموضوع مرتين بقو 99+تسبيحه=100بدون لخبطه..

من منـــا .........من اهل الجنــــــــــــه؟؟؟

.....سبحان الله وبحمده سبحان الله العظيم.....

((كلمتان خفيفتان علي اللسان ثقيلتان فالميزان حبيبتان الي الرحمن))

.....سبحان الله والحمد لله ولااله الا الله والله اكبر ولا حول ولاقوة الابالله.....

((من افضل الذكر وكنز من كنوز الجنه))

.....لا اله الا الله وحده لا شريك له له الملك وله الحمد وهو علي كل شئ قدير.....

((افضل ما قال الانبياء والرسل))

.....اللهم صلي وبارك علي سيدنا محمد واله كما تحب ان يصلي عليه.....

((احدى صيغ الصلاة علي النبي اللتى بها يصلي الله وملائكته عليك وترزق البركه))

................استغفر الله..............

..الاستغفاروسحره نعم سحره..

((طوبي لمن ملئت صحيفته بالاستغفار))

((من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب))

ودة حاولي يكون 500 فاليوم مش كتير جربي امسكى السبحةمش هتكملي 10 دقايق ولو زودتى يابختك هتحسي بتغير غريب فحياتك امورك ان شاء الله بتتيسر حتي اصغر الاشياء ودة سهل يبقي فلسانك فاى وقت واى مكان.

.......سبحان الله وبحمده ..عدد خلقه ورضاء نفسه وزنة عرشه ومداد كلماته.......

((اعظم اجرا من ذكر متواصل من بعد صلاة الفجر فوقتها لحدبعد طلوع الشمس))باحاول احافظ عليها فالسجود.

........اللهم لك الحمد والشكر كما ينبغي لجلال وجهك وعظيم سلطانك.......

((عجزت الملائكه ان تكتب اجرها فأمرهم الله ان يكتبوها كما هى وهو يجزى قائلها يوم القيامه))

باحاول احافظ عليها بعد القيام من الركوع بعد سمع الله لمن حمده

وعند تذكرك لاى نعمه فحياتك..شكر النعمه يزيدها..وقليل من عبادى الشكور.

........... حسن الخلق ........

..احتسبي نيه كل تصرف مهذب, كل كلمةطيبة, كل ابتسامه طيبه..

بنيه حسن الخلق والاحسان

((يبلغ المؤمن بحسن خلقه درجة الصائم القائم))

((انا صاحب بيت في ربض الجنه اي في اعلي الجنه لمن حسن خلقه))

((اتقو النار ولو بشق تمرة فان لم تجد فبكلمة طيبة))

((الكلمه الطيبه صدقة وتبسمك في وجه اخيك صدقة))

المهم احتساب النية لابتغاء مرضاة الله واحتساب الاجر خالصا لوجهه

من منـــا .........من اهل الجنــــــــــــه؟؟؟

وعشان تزيدى الهمه تعالي نشوف صفات اهل الجنه اسأل الله ان يجعلنا منهم

من منـــا .........من اهل الجنــــــــــــه؟؟؟ صفات اهل الجنه من منـــا .........من اهل الجنــــــــــــه؟؟؟

..الرجال..

يبعث الله الرجال من أهل الجنة على صورة أبيهم آدم جرداً مردا مكحلين في الثالثة والثلاثين من العمر

على مسحة وصورة يوسف وقلب أيوب ولسان محمد عليه الصلاة والسلام .

..النساء..

ونساء الجنة صنفان :

الحور العين :

وهن خلق مخلوقات لأهل الجنة وصفهن الله تبارك وتعالى في كتابه العزيز بأنهن

( كأنهن الياقوت والمرجان ) سورة الرحمن 58

( كأمثال اللؤلؤ المكنون ) سورة الواقعة 23

( كأنهن بيض مكنون ) سورة الصافات 29

وهن نساء نضرات جميلات ناعمات لو أن واحدة منهن اطلعت على

أهل الأرض لأضاءت الدنيا وما عليها وللمؤمن منهن ما لا يعد ولا يحصى أرض.

نساء الدنيا المؤمنات :

اللاتي يدخلن الجنة برحمته

وهؤلاء هن ملكات الجنة وهن أشرف وأفضل وأكمل وأجمل من الحور العين

وفي حديث رسول الله صلى الله عليه وسلم لأم سلمة رضى الله عنها

أن فضل نساء الدنيا على الحور العين كفضل ظاهر الثوب على بطانته

وقد أعد الله لهن قصورا ونعيما ممدودا أعطاهن الله شبابا دائما وجمالا لم تره عين من قبل

..الغلمان..

وهم خلق من خلق الجنة وهم خدم الجنة الصغار يطوفون على أهل الجنة

بالطعام والشراب وقائمين على خدمتهم .

وهم من تمام النعيم لأهل الجنة فرؤيتهم وحدها دون خدمتهم من المسرة.

( ويطوف عليهم ولدان مخلدون إذا رأيتهم حسبتهم لؤلؤاً منوراً ) ـ سورة الإنسان

( لهم ما يشاءون عند ربهم جزاء المحسنين ) ـ سورة الزمر

اللهم ارزقنا رضاك والجنه وما يقرب اليهم من قول وعمل

واجرنا من سخطك والنار وما يقرب اليهم من قول وعمل

اللهم اغفر لي ولوالدى وزوجى واولادى وذريتنا ليوم الدين

والمؤمنين والمؤمنات والمسلمين والمسلمات

الاحياء منهم والموات


منقول للافاده