بسم الله الرحمن الرحيم
الحلقه ال 63
فى الحلقه السابقه ارضت ايمي زوجها على حساب كرامتها واحتسبت نيتها لله سبحانه وتعالى بينما صارحت منى محمد بما اراد ان تقوله وتفعله ولكنه تركها دون ان يرد عليها وحاولت جاهده الاتصال به ولكنه لم يرد على اتصالاتها ولا رسائلها واغلق هاتفه وفى اليوم التالى استيقظ خالد على اتصال من انس ليخبره خبرا مفزعا تعالوا نعرف ايه الخبر ده
انس : خالد ايه يا بنى فين ك نايم طبعا كالعاده
خالد: اهه صحيت اخبارك ايه ؟؟؟؟
انس : الحمد لله بخير
خالد : اللى مصحيكى كده بدرى ........
انس: اصلي عايزك تباركلى .....
خالد : الف مبروك بس على ايه ......
انس : النهارده افتتاح الصيدليه الجديده بتاعتى ايه رايك فى المفاجأه دى ........
كانت فعلا مفاجأه لخالد بس مش زى ما كان متوقعها انس خالد عمره ما خبي حاجه عن انس وكان بيحكيله حاجات كتيره فى حياته بادق التفاصيل كان بيعتبره اخ وصديق وقريب وزوج اخته فكيف فعل كل هذا دون ان يخبره وفقط يخبره بموعد الافتتاح كانه غريب بيعزمه على مناسبه ..........ثم افتتاح صيدليه جديده ليه وباسمه ده هيخليه يسيب الصيدليات التانيه واللى خالد كان معتمد عليه فيها ....حس خالد انه خانه ومش عارف ليه مش قاله على الاقل كان ساعده ماديا معنويا اداريا ثم انس علشان يعمل صيدليه هيحتاج فلوس كتير قوى لانه مشروع مكلف فى بدايته وانس مادياته على حسب معرفته مش أد كده اكيد ملك ساعدته بس ازاى ملك مش تقول لخالد كل ده دار فى رأس خالد واحس انه تاخر فى الرد ولكن بماذا يرد
خالد: اكيد جميله ربنا يوفقك بس ليه مقلتش قبل كده كنت ساعدتك فى اى حاجه ........
انس: حبيت اعملها مفاجأه ..... بذمتك مفاجأه مش حلوه ؟؟؟؟؟
خالد : اكيد ان شاء الله هنجيلك الافتتاح بس ياريت تدينى العنوان
اخد خالد العنوان واغلق التليفون ثم جلس مسهما ....
ايمي : مالك يا خالد فى ايه ؟؟؟؟؟انس قالك حاجه ضايقتك
خالد: مش عارف المفروض ازعل ولا افرح
ايمي : ليه فى ايه ؟؟؟؟؟
خالد: افتتاح صيدليه انس النهارده تخيلي وانا معزوم كاى واحد غريب ميعرفش حاجه عن اى حاجه مع انى اى خطوه بشاور فيها انس لانه مش بس جوز اختى وبقي من العيله لا لانه صاحبي واخويا حاسه ان الخبر ده كانه سهم جه على
ايمي : من زمان وانا بقول ان انس مش سهل ومن زمان وانا حاسه انه وصولى من خلال كلامه وفعلا غريبه جدا انه مش يقولك وهو متاكد انك كنت هتساعده مش هتحجر على فكرته
خالد: بالعكس والله انا انس اديله عيني ........المشكله بقي ان انس اكيد هيشوف صيدليته وهيسيب الصيدليات المسئول عنها كان مفروض يبلغنى قبل كده علشان اخد استعدادى واحط بديل ليه لانى مش هقدر اتابع الخمس صيدليات والله انا مش مضايق انه فتح واحده جديده بالعكس ده انا فرحت بس انه يكون فجأه وانى ابقي زى الغريب ويكربس على الشغل وينسحب فجأه ..........دى كلها علامات استفهام
ايمي : حبيبي مش تضايق نفسك وان شاء الله هتتلم وشوف حد من الدكاتره اللى تثق فيهم جدا وعينه مكان انس وزود مرتبه وحاول انك تطب عليهم كل فتره من غير ما تقول علشان تعرف راسك من رجليك
خالد مسهم : ان شاء الله ثم اخد الموبيل واتصل بملك اللى كانت امبارح موجوده ومش قالت اى حاجه عن الموضوع ده نهائي
خالد: الف مبروووك يا ملك لسه عارف الخبر دلوقتى من انس
ملك : وانت كمان انا برضه كان عملهالى مفاجأه بس كان خبر جميل قوى
حس خالد ان انس مش قالها الا دلوقتى او امس وحس انها مبسوطه فمحبش يضايقها باسئلته وقفل الخط وبعدين لبس الروب على البيجاما وراح على امه وهناك حكى لامه مكالمه انس وقالتله انه اتصل بيها واستغربت ان ملك مش قالتلها وخالد قالها انه اتصل وبرضه هى كمان اتفاجأت وحكى خالد لامه انه مضايق جدا وسالها هل من حقه ان يزعل ولا ده شعور مفروض مش يشعر بيه ؟؟؟؟ لكنها قالت لا طبعا من حقك تتضايق بس ده جوز اختك ووقف جنبك كتير ولازم تقف جانبه فى الافتتاح وكانها بتاعتك لانها برضه بتاعه اختك وابنها وافق خالد على مضض ونسي هو وامه موضوع الشقه
فى الشقه بقي وصل احمد اولا وانتظرهم ثم صعدوا الى الشقه وهناك كنت تدخل من الباب لتجد ريسبشن كبير جدا يقسم الى اربع قطع مش تلاته ثم ارج بيدخلك على الاوض وفى حيطه محطوط فيها شباك بيطل من المطبخ على الريسبشن وفى واجه المطبخ تواليت صغير للضيوف ثم تبدأى على الاوضه وكانت اربعه نوم واحده من جانب المطبخ والحمام والماستر فى الواجهه وغرفتين بجوار الحمام التواليت وكانت الماستر بها حمام خصوصي في الحجره وطبعا كانت الشقه مبهره جدا ولم تكن ام ساره متوقعه الشقه بهذا الكبر الفظيع وكل تفكيرها ودى هتتفرش ازاى .....؟؟؟؟ واكيد مهما جابت فرش مش هتملاها وهتبقي فاضيه عليهم المنطقه جميله طبعا وراقيه والشقه اخده تلات نواصي اخدت ام ساره والدها فى حجره وبتقله
أم ساره : ودى هنفرشها ازاى دى ....دى كبيره قوى ومهما جبنا فرش مش هيقضيها وساعتها هيبقي شكلنا وحش قوى
ابو ساره : طب هنعمل ايه الراجل عنده شقه محدش يحلم بيها نقله لا دى كبيره والكبيره نقله لا دى صغيره
ام ساره : احنا ندورلهم على شقه جانبنا تكون ايجارها خفيف وتكون على أد فرشنا وكده افضل والا نقله يبقي علشان نفرشها يستنى سنه بص سبنى انا اللى اتكلم معاه
فى الوقت ده كانت ساره مبسوطه جدا بالشقه وبكل حاجه فيها ومبوسطه اكتر بانها هتجمعها هى واحمد ......وده الاهم كان احمد بيبص لساره وهى بتتفرج وشايف بالبريق الجميل اللى فى عينيها وأد ايه هى مبسوطه قوى
احمد : ايه رايك يا ساره ؟؟؟؟حلوه
ساره : .....جميله ومكانها رائع والاجمل انها هتجمعنا سوا
احمد : يااااااااااااااااه يا ساره أناأ...........
دخلت ام ساره قبل ان يكمل احمد كلامه وسالها
احمد : ها ايه رايك يا ماما ويا عمى فى الشقه
ام ساره : جميله يا بنى بس انا مش عايزه اضايقك بس مضطره
احمد قلق : خير ....ليه ربنا ما يجيب زعل ان شاء الله
ام ساره : الشقه كبيره قوى يا بنى وبصراحه فرشها يحتاج سنه ولا اكتر وكمان بعيده قوى عننا
احمد: بس ده مكانها تحفه ومش ضرورى تتفرش كلها يعنى اللى نقدر عليه نعمله وانا وساره نبقي نكمل بعد كده براحتنا
ام ساره : طب يا بنى مش انت هتدفع لها ايجار طب ماتاخد ايجار جنبنا واهه اقدر اساعدكم انتم بتيجوا متاخرين من الشغل تعدوا على تلاقوا الاكل جاهز تاخدوه او حتى من غير ماتعدوا على انا اعمله واسيبهلكم فى البيت تيجوا تسخنوه وكمان ساره دى الكبيره وهى سندى لو تعبت مش هتبقي جانبي .........ولو بتحب ساره فعلا وافق وانا اشوفلك شقه جنبنا ايجارها 300 او 400 بالكتير واهى تبقي على أدنا وجنبنا وصدقنى مش هتحتاجو الشقه الكبيره فى حاجه انتم هتكونوا بطولكم ولا فى عيال ولا حاجه ولما العيال تيجى ابقوا وسعوا على نفسكم ها قلت ايه .....وخد بالك انك لو اخترت الشقه دى يبقي احنا هنضطر ناجل الفرح لحد ما نقدر نفرش الشقه لانى مش هدخل بنتى على شقه اغلبها فاضيه .....
حس احمد ان حماته زنقته فى خانه اليك .....طب يعمل ايه رد عليها بعد ما بص لساره
احمد : طب سيبينى افكر وارد عليكم ان شاء الله
والد ساره : طيب يالا بقي وانت هترجع معانا نهى هى اللى مجهزه الغدا النهارده
احمد : لا يا عمى مش هينفع اصلي معزوم عند ايمي .......وبقالى فتره بعتذر فاخاف تزعل لو مش رحت النهارده
والد ساره : طيب يابنى زى ما تحب
سلم عليهم ومشيوا واحمد بيتحسر على الشقه ومش هيقدر يصبر لحد ما يفرشها طب ليه العذاب ده بس ياربي اتصل بايمي وقالها انه مخنوق وعايز يعدى عليها شويه فاتحرجت ايمي انها تقله انهم خارجين علشان افتتاح صيدليه انس فقالت تعالى هنستناك وبعد ساعه وصل احمد وحكى لايمي وخالد اللى حصل على اد ما احمد كان زعلان الا ان ايمي حست ان ربنا بيحبها جدا وانه استجاب لدعائها فحفزت احمد انه الافضل ليه انه ياخد شقه قريبه من امها ده هيريحه هو كمان شخصيا وهيريح ساره نفسيا وبدنيا واقنعته واقتنع وقرر انه يوافق ويسيب ليهم مهمه البحث عن شقه بمنطقتهم استأذن احمد وايمي كان مبسوطه جدا وبعد ان اوصلت احمد للباب استوقها خالد وقالها سبحان اللهاتحلت لوحدها
ايمي : الحمد لله كان هم وانزاح وياريت تبلغ ماما ان احمد هو اللى سبها علشان بس تعرف اننا مش بنحاول نستغلك
خالد: تانى يا ايمي خلاص بقي هنرجع نعيده تانى احنا في ايه ولا في ايه ؟؟؟
ايمي : اهه اتصدق انا هروح البس نور والبس واجهزلك انت كمان لبس علشان الافتتاح
خالد: حاسس انى مضايق يا ايمي ومش عايز اروح
ايمي : وبعدين احنا مش اتفقنا ان ده حاجه طبيعيه وعادى جدا والمهم انك تتعلم انك تعلم على صحبك من عدوك
خالد: طيب يالا علشان مش نتاخر ونرجع بدرى بدرى
استعدوا وراحوا الافتتاح وكانت ملك منوره فى الحجاب بجد كانت اموره قوى اما انس فكان طاير من الفرحه بس تحس انه مكسوف من خالد وكانه عامل عمله بس خالد لرحابه صدره كلمه عادى وباركله ووقف جنبه وسلم ع الناس وعلى اهله وكانه واقف فى ملكه وكانت الصيدليه جميله جدا وكبيره وطريقه التوزيع محترمه والاضاءه والنضافه والديكور لا بجد كانت حاجه حلوه جدا بس خالد بدأ يقلق على فلوس ملك لان استحاله انس من شغله يعمل كل ده اكيد انس معاه حساب ملك وبيسحب منه على العموم بالتوكيل اللى معاه من ملك هيقدر يعرف الموضوع ده ويتاكد وعلى الساعه 11 بالليل استأذن خالد لان نور كانت نامت من ساعه وايمي كمان صدعت وسلم على انس وباركله وبارك لاخته وباس خالد اللى كان منتشر فى المكان واخد مامته ومشي وفى العربيه
ايمي : صح ياماما شقه العجوزه فاضيه لو حبيتى تعملى المشروع
ام خالد: ليه هو احمد مش هياخدها .....ولا ايه ؟؟؟؟
ايمي : لا مش عجبته
سكتت ايمي وهى حاسه بالانتصار وخالد كان سامع وساكت مرضاش يزعلها وكده كده امه هتفرح مع انها اضايقت من اسلوب ايمي لانها اول مره تكلمها بالاسلوب ده
وصلوا البيت ودخلت ايمي تنيم نور وخرجت لقت تليفونها رن اربع ولا خمس مرات وكانت منى هى اللى اتصلت بيهم بس الوقت كان اتاخر فقالت هتبقي تكلمه بكره لما تصحى ويارب يكون خير راحت اوضتهم لقت خالد غير لبسه ونام فغيرت هى كمان ونامت
فى الوقت ده كانت منى بتحاول تتصل بمحمد ولسه برضه مش راضي يرد عليها
بينما كان احمد اتصل بساره وقالها انه موافق على قرار مامتها بس هو مش يعرف المنطقه كويس فهى تدور وهو يبقي يجي يشوفها لما يلاقوا شقه مناسبه بس حدد لها ان الشهر ده يكونوا بالكتير مخلصين موضوع الشقه
فى الصباح اتصلت ايمي بمنى علشان تعرف ايه اللى تم والاخبار وصلت لايه ....؟؟؟وايه سر اتصالها كده
ايمي : الو ............ازيك يا منى معلش مكنتش سامعه الموبيل وشفت رقمك بس كان الوقت اتاخر طمنينى خير .........؟؟؟؟
منى : انا صارحت احمد بكل حاجه وقلتله اللى فى نفسي مردش على وسابنى ولحد الان قافل موبيله ومش بيرد على رسايلي ولما بتتصل بيهفى البيت ياما نايم يا خارج يعنى بيتهرب انه يكلمنى اعمل ايه ايمي ...........انا بحبه ومش عايزه اخسره بس مش عايزه اخسر نفسي كمان وبدأت تبكى ..........
ايمي : لا اله الا الله .......... انا سبق وقلتلك الكلمه دى لا طاعه لمخلوق فى معصيه الخالق ..........وانتى كده مخيره نفسك فى شئ مش محتج انك تتخيري بينهم ربنا سبحانه وتعالى بملكوت ه وجنته وناره وبين العبد الضعيف محمد ............تختارى مين اكيد هتقولى ربنا بس من كلامك ده مش واضح نهائي
........................
ايمي : منى يا حبيبتى والله انا حاسه بيكى جدا وعارفه اد ايه انك بتتعذبي بس لو بصيتى للاجر والثواب اللى هتاخديه هتلاقيه ميجيش حاجه جنب عذاب قلبك .........وعايزاكى تصبري ومش تراسليه تانى ....واكيد بكره هتتقابلوا واكيد هو هيكلمك لانه محتاج يحدد موقفه ..........اصبري وشجعى نفسك لاى قرار هو هياخده لانه ملوش غير قرارين ياما الاستمرار على المحبه فى الله ياما الانفصال وفى الحالتين والله انتى اللى كسبانه المهم انه مش يلاحظ ضعفك وخلى قوتك فى صمتك ......
منى : حاسه انى مش هقدر ...........لو حسيتى انك هتتضعفى رنى على وانا هكلمك واقويكى ........ وان شاء الله ربنا هيوفقك للخير والله واللله انتى الكسبانه وبجد انا حاسه انك انسانه حلوه قوى وطيبه قوى فارجوكى اصبري وانا معاكى للنهايه ان شاء الله ...........
اغلقت منى مع ايمي ثم اغلقت موبيلها وحاولت ان تكمل يومها وكان شيئا لم يكن ولكنها حاسه بتخبط بين مشاعرها وكلام ايمي اللى كانت مقتنعه انه صح .......وانتظرت الى اليوم التالى
مر اليوم عاديا على كل الناس لكنه كان مختلف بالنسبه لخالد فلقد وجد نقص شديد فى حساب ملك ....استنتج ان اللى سحب المبالغ دى هو انس ودون علم ملك لانها متعرفش الا اليوم اللى قبل الافتتاح بس يا ترى قالها الموضوع ده وهل يبلغ امه ولا مش يكبر الموضوع ويكلم انس ............... احتار وشاور ايمي فى الامر فقالتله كلم اختك مش يمكن هى الى قالتله خد براحتك وانس ساعتها مش هيكون غلطان
خالد: يا ايمي المبلغ المسحوب اكتر من نص مليون .........يعنى كل حاجه هو عملها كانت من حساب ملك فعلى الاقل كان يكتبها باسمها او يعوضها او حتى يقولها
ايمي : قبل ما تستنتج كلم اختك الاول أن بعض الظن إثم
اتصل خالد بملك واللى اكدت ليه انه قالها لو احتاج هيسحب فلوس بس مكنتش تعرف انه سحب اغلب فلوسها الى فى البنك وقالت انها هتبقي تكلمه وتشوف هو سحب كام وليه مش قالها وهتبقي تكلم خالد تانى
فى المساء رجع انس مبسوط وحاسس انه ملك زمانه وانه بقي بيشتغل فى ملكه ولكنه حس بان ملك متاهبه له
انس: ها ايه رايك يا حبيبتى فى الصيدليه ............مش تتصورى مبسوط اد ايه ......
ملك : ربنا يبسطك كمان وكمان ......انس هو انتى سحبت فلوس من رصيدى فى لبنك ؟؟؟؟
انس: اه ليه يا حبيبتى اتزنقت فقلت اكمل من معاكى ..........
ملك : لا اصل البنك بعتلى جواب بانى سحبت مبلغ كبير نص مليون الا شويه امال هى اتكلفت كام الصيدليه ؟؟؟؟؟؟؟؟؟؟
انس : اتكلفت كتير وانا بنكى مصفر على الاخر
ملك : امال الجواب ده كان من اسبوع جالك على هنا وبيقول ان حسابك فيه 163 الف جنيه .......هو انت صرفت المبلغ ده فى اسبوع
انس اضايق انها تستجوبه بالشكل ده مع انها هى اللى عرضت عليه انه لو احتاج يسحب بس غلط انه ماخدش باله من الجواب بتاع البنك اللى بيجي كل فتره ده فقال الحل انه يحسسها انه مضايق من اسئلتها ويسيبها وينام غضبان وكده مش هتتكلم تانى معاه فى فلوس
انس: فى ايه يا ملك من ساع هما دخلت استجواب استجواب ايوه اخدت منك فلوس علشان اكمل حلم حياتى بان يكون لى او لينا صيدليه باسمنا تنفعنا وتنفع خالد لما يكبر ولا حلال لخالد انه يكون عنده بدل الواحده خمسه وحرام على انى يكون عندى واحده على لاعموم يا هانم فلوسك هتتردلك على داير مليم ومش عايز كلام فى الموضوع ده تانى
وسابها ودخل ينام دخلت وراه علشان تراضيه وتقله بس انها بتستفهم مش اكتر بس هو مردش عليها وعمل نفه نايم وهى حاست انها غلطت فى حقه وقالت انها هتصالحه بكره وتجبله هديه حلوه للصيدليه وهتبقي تكلم خالد بكره وتقله انها هى اللى قالتله ياخدهم بس كانت ناسيه بس فكرت ازاى فى رصيد فى حسابه هو سحب الفلوس دى وحطها فى حسابه وبعدين دول اللى اتبقوا اههههه بس تعرف ازاى تعرف ازاى .............؟؟؟؟؟ حست ملك ان من كتر التفكير جالها صداع فراحت نامت .....
فى اليوم التالى وكان الاحد راحت ايمي وامانى الكليه ........وهناك شافوا منى واقفه لوحدها فراحت تطمن عليها
ايمي : ازيك يا منى عامله ايه دلوقتى
منى: الحمد لله احسن شويه
اامانى : هو انتى كنتى تعبانه وفين محمدانتم مش بتيجوا مع بعض
منى : لا انا بس حسيت انى اتاخرت فمشيت لوحدى وهو كمان اتاخر على العموم شويه وجاى
امانى : مال عنيكى تحتها اسود انتى تعبانه ولا ايه
منى : اهه شويه مجهده معرفش ليه
ايمي : محمد اهه جه طب احنا بقي هنسيبكم ونروح نحجز مكان فى القاعه .........
التفتت منى لمحمد وحاولت ان تبتسم فى وجهه ولكنه كان ظاهر عليه الغضب جدا
محمد :لو سمحت .. عايز اتكلم معاكى شويه بس بره الكليه
منى : زى ماتحب .........
وبعد ما خرجوا من الكليه واستقروا فى مطعم قريب منها .........
محمد : بصي انا فكرت فى كلامك كله وعايزه اقولك انك انتى اللى ابتدينى انا عمرى ما فكرت المسك بس انتى اللى كل مره كنتى بتلمحى وشويه تخبطى فى ايدي وشويه مش بعرف اعدى الشارع الزحمه وكنا ممكن نقعد بنص ساعه مستنين الشارع يفضي انتى اللى شجعتينى انى اعمل اى حاجه ..... وبعد ما انا بقيت مقدرش استغنى عنك ولا عن التفكير فيكى تيجي انتى تعملى فيها شيخه وتحسسينى انى انا الشيطان لا يا ماما انا معملتش اى حاجه الا بتشجيعك ورضاكى التام ومن ساعه ما رسمتى على وشك البراءه الكاذبه دى وانا جوايا فى حاجه مكسوره من ناحيتك وياعالم هتتصلح ولا لا وبصراحه بقي انامش يشرفنى انى اكمل معاكى انتى اخرك كده بوستين على حضنين وتترمى فى الشارع ومتفتكريش الوش ده هيخلينى اغير رأى فيكى حتى لو رجعنا لبعض لا.......... .......وسلام وهى وبيحط الدبله على التربيزه
المشهد كان كئيب جدا منى كانت بتسمعه وهى مش مصدقه اللى بيقوله وايه اللى بيحصل ده يااااااااااااااااااه انا حقيره قوى كده مكنتش اعرف انى رخيصه قوى وانه من السهل يسيبنى بالشكل ده لالالالالا.......هو انا ايه .....زباله قوى كده ........كانت كل الكلمات هذه تدور فى راسها لم تعرف كيف سترد عليه ولم يعطها فرصه للدفاع عن نفسها وعن حبها ليه ............ بس انا اللى غلطانه انى سمحتله يقول ويعمل ويتصرف بحريه انااللى شجعته كنت فاكره ان الحب كفايه انه يربطنا رباط ابدى بس واضح انى كنت غلطانه قوى
روحت منى البيت وقالت لامها انها فسخت الخطوبه مع محمد ولما اصرت امها انها تعرف السبب ..........زقالتلها انه كان عايز يمسك ايدي وانا رفضت فتخانقنا فادانى الدبله ........فرحت امها بيها وانها ربت بنتها صح وايوه كده وهو زى الكلب هيرجع هو انتى شويه ربنا يحميكى المهم انك مش تزعلى انتى الكسبانه .....وبجد فرحتينى وان شاء الله ربنا هيوفقك بالافضل منه
لاحظت ايمي ان محمد رجع لوحده وان منى مش باينه استأذنت امانى علشان عايزه تعمل تليفون واتصلت بمنى واللى حكت اللى حصل ايمي حست انها السبب فى الموقف ده بس هى شايفه انها مش غلطت انها منعت منى انها تأذى نفسها اكتر من كده واذا كان على محمد فهى هتشوف خالد وتستأذنه انها تكلمه انه يقدر منى واللى عملته يمكن يرجعوا لبعض بس لما حكت لخالد رفض رفض تام انها تكلم محمد
امانى لاحظت ان محمد رجع لوحده وانه مش بقي لابس الدبله ومنى روحت فقالت اكيد فسخوا الخطوبه كان باين جدا من شكلهم الاتنين الصبح .....ومش عارفه ليه امانى حست انها فرحانه من فسك الخطوبه دى وشايفه ان محمد مش يستحق منى ولكن يستحق واحده زيها كده ..... فبدون ما تفكر نادت على محمد
ياترى كانت عايزه تقوله ايه .....؟؟؟؟
ده اللى هنعرفه الحلقه القادمه ان شاء الله
