الحلقه الرابعه

 بسم الله  الرحمن الرحيم 

الحلقه  الرابعه 

عرفنا ان  زهره  كانت عايزه حاجه  من  نورهان  هنعرفها  الحلقه دى  تعالوا  نشوف

زهره تخبط على الباب  المفتوح  وتقول

زهره :  الجميل فاضي شويه  ...................؟؟؟؟

نورهان :  اهلا مدام زهره اكيد فاضيه ولو مش فاضيه افضالك  .............؟؟؟؟؟

زهره : اولا يا جميل بلاش  مدام دى انا مش ناقصه انى احس انى كبيره اكتر منا انا زهره على  طول اتفقنا  ....؟؟؟؟

نورهان :  اتفقنا  ...........

زهره :  بصراحه انا حابه اطلب منك خدمه كبيره قوى  واتمنى انك تعرفي تساعدينى  .............؟؟؟؟؟

نورهان :  خير  احكيلي  .........ومش هتأخر  لو  فى ايدى  ............

زهره :  انتى عارفه انى  مطلقه وعندى  بنتين وبصراحه انا خايفه على نفسي من الفتنه  وخايفه انى  اعيش لوحدى وخصوصا ان جوزى بيهددنى انه ياخد البنات كل ما اطلب منه  نفقه وانا تعبت وانا لوحدى ونفسي اتجوز تانى الاول لما اطلقت   الكل  عارضنى  لما  كنت  هوافق على  واحد اتقدملى   والكل سمعنى كلام  زى  السم  وتعبنى جدا  والكل  قالى عيشي  لبناتك  .........دلوقتى  واحده فى ثانوى والتانيه فى اعداديه   وبجد انا تعبت وانا شاايله الحمل ده لوحدى  ونفسي اتجوز ويكون لى راجل  اتسند عليه مش قادره اسيب الشغل  علشان البنات  مع ان الشغل مجهد ومتعب بس مضطره  ...........فكنت عايزاكى تساعدينى  ..............

نورهان :  طب  انا معنديش مشكله بس اساعدك ازاى اصل الجواز  ده  نصيب  وليه وقت مانا اهه  ولسه  مش اتخطبت  .......

زهره : لا انتى فهمتينى غلط انا قصدى  تدورى معايا على  زوج من ع النت  ..................

نورهان : فى حاجه كده  ...............

زهره : اههه فى مواقع للزواج  وعايزه تسجلليلي فيهم  لانى مش بفهم ولا بحب الكمبيوتر  ..............

نورهان  دخلت على جوجل  وبأت  تكتب  مواقع للزواج  طلع  مواقع كتيره  جدا  وبدأت  اتصفح واحد واحد  واشوف واحد  يبقي  ليه مصداقيه  ويكون معروف بس للاسف كلها مواقع عمرى ما سمعت عنها  دخلت على موقع عجب  زهره  وسجلت  وللاسف  مكنش معاها اميل  فاضطريت احط اميلي  بس الاميل اللى  بشيت بيه مش الاميل بتاع  صحباتى  والمقربين  المهم  كملت اجراءات التسجيل  وبدأت  نبص لاقينا شباب كتير  واغلبهم صغيرين فى السن  فقلت اقلص النتائج بانى اعمل بحث متطور  بالسن   وطلع  نتائج كتير بدأنا  نشوف  ونقرأ الكلام اللى مكتوب  لحد ما لقت  واحد  اسمه شريف

زهره : ايه رايك فى ده  عنده  51 سنه  وعنده  ولدين  ومطلق  من  زمان  ويرغب فى الزواج  ومواصفاته كويسه  طوله مناسب لى   ومرتبه اللى حاطه كويس  وكمان المواصفات اللى عايزها فى الزوجه مناسبه لى 

نورهان : بس ده من القاهره ...............عادى  يعنى ممكن يتجوز هناك

زهره  : طيب يعنى ايه المشكله لو جوزك من القاهره مش هتروحى  وراه  ................ابعتيله  صفحتى يقراها ويرد على  ........بعت  بناء على  طلبها  ................

زهره : كملى  نشوف واحد تانى 

فضلنا  نشوف لحد ما عينى اتمققت  ونبعت دعاوى  وكانت  بتحسب ان الرد  هيجي فى  ساعتها  بس مفيش حاجه  جت  ............ وانا  كانت  راحتى  خلصت  وعندى  محاضره فطلبت  منى  ............انى اتابع  وابقي ارد عليها  .................انهيت المحاضره  وروحت  وانا فى البيت لقيت  زهره  بتتصل 

نورهان :  زهره  ازيك  يا جميل خير  ...........

زهره : لا  خير  انا بس كنت حابه اسال  لقيتى حاجه  كويسه ولا  لسه ...........؟؟؟؟؟؟

نورهان  : بصراحه انا  لسه واصله البيت ومش فتحت الجهاز  ولو لقيت حاجه  هاتصل بيكى ده رقمك  .........

زهره : انتى عندك  اظهار  ...............لو عندك ايوه ده رقم البيت 

نورهان :  خلاص يا قمر  حفظته  باسمك لو  فى حاجه هارد عليكى ان شاء الله

طبعا نورهان كانت  هتتجنن وتنام  لان عندها مجموعه تانيه بالليل  ...........اتغدت ونامت  ونزلت  الساعه  5 لان عندها  محاضره الساعه 6.30 بس الطريق ممكن  ياخد اكتر من  ساعه لان  المواصلات قليله  فى  منطقتها  لانها تسكن  فى  سكن إدارى  تابع لشركه والدها  .............

الحمد لله  وصلت نورهان بدرى  نص ساعه  عن معادها  ......... فدخلت القاعه  وبدأت  تتصفح  وافتكرت دريه  وفتحت الميل  لاقيت فى رد من  شريف ..........

اتمنى  انى  اتكلم معاكى عن طريق الاميل  وده اميلى  وانا  هطلب من الموقع انه يبعتلك الميل  .............بتاعى على  الهوت ميل  ومنتظر  ردك  ...........

اتصلت  نورهان  وبلغت  زهره بالرد  ............

زهره :  ماسينجر ايه انا معرفش فيه  ...........ومش عندى ميل اعمل ايه  واتصرف ازاى  ...........

نورهان :  متقلقيش  سهله  ان شاء الله انا هعملك اميل واعلمك ازاى تدخلى عليه وازاى تستخدمى الماسينجر  ...........

تانى يوم  كانت  زهره  مستعده وجايبه ورقه وقلم  وحاجات كتير  مجهزاها  وشاربه كوبايه قهوه علشان تصحصح .......... عملت اميل  وعلمتها ازاى  تدخل بيه الماسينجر  وازاى  تضيف حد عليه  وازاى تتكلم  وضافتلها شريف  ........ ولقته موجود .............

ولقيت  زهره  اتحولت لواحده تانيه خالص واحده مكسوفه  وكانها بنوته  هتكلم واحد  متقدملها لاول مره واكن الموضوع ده معداش عليها  ولانها بطيئه فى الكتابه  طلبت من نورهان انها تكتب هى  وترد عليه  ................وطبعا  نورهان  كانت  مضايقه  من  الحوار الرتيب  ده وخصوصا ان واضح ان  شريف ده  داس فى النت قبل كده

شريف :  السلا م عليكم ورحمه الله  وبركاته

زهره :  وعليكم السلام ورحمه الله  وبركاته 

شريف :  حضرتك مدام  زهره  .............

زهره :  ان شاء الله ..............

شريف : طب ممكن تعرفينى عليكى  ..............

بدأت  زهره  ترتجف ومش عارفه تقول ايه بس اللى كانت بتقوله كانت  نورهان  بتكتبه مكنتش تعرف ان زهره  هبله كده  المهم  انتهى الحوار  وطلبت منى انى اعملها ازاى تدخل من البيت  وفضل الموضوع مصدعنى  اسبوع لحد ما بدأت  تستوعب  وكل شويه تتصل  بي  تقلي ايه اللى حصل  وانهى الامر  بانه طلب  انه  يشوفها  وقالت انها  هتروح  زياره لاخوها  فى  القاهره يوم الخميس  وانها ممكن  تقابله فى مكان عام  وهناك  اتعرف عليها  وتبادلوا  الارقام  وبدأت تتكلم معاه  بس للاسف  مش كمل الموضوع  بسبب اكيد هبل  زهره وتصرفاتها التى لا تنم انها  تخرج من سيده عندها هذا العمر  وانتهى الامر وبدأت تبحث عن اخر وهكذا وطبعا انا رحمت نفسي  وغيرت الاميل  وخليته اميلها علشان تتعامل هى  بحريه ومع نفسها  .............

وفى يوم من الايام  ...........وجدت فى موقع  احبه جدا واتصفحه دائما  وله مصداقيه عاليه جدا (موقع اسلام اون لاين  ) رابط  اسمه شريك الحياه  ................. ساقنى الفضول  ودست  ع الرابط ودخلت  بس الفضول  زاد لما طلبوا منى التسجيل  سجلت  وهناك  رأيت  شباب  كثيرون منهم المهندس  ومنهم الطبيب  ومنهم  المحاسب والمحامى  والفنى  ولقيت الكلام اللى كاتبينه  أد ايه كلام  اخلاقي   لحد  ما لقيت  تامر مهندس بترول  وسنه  24 يعنى اكبر منى  بسنه  ...............واااااااااااااااووووووووو وكاتب  كلام جميل جدا  عما يريده وعن النبذه عنه  معرفش ايه اللى خلانى ابعتله  وكان الموضوع من البدايه كان مجرد تجربه  .............

رد على  بعد ان قرأ  الصفحه  اللى كتبتها  عن نفسي  بانه سيتواصل معى عبر  الموقع لحين  موافقتى على  التحدث معه مباشرتا   أد ايه انا احترمته  ...............واحترمت  طريقته المهذبه فى الحديث وكانت دايما رسائله لا تخلو من الاحاديث والايات القرانيه .............ودى كانت اول  رسائله

السلام عليكى اختى  الفاضله  / نور  (او كما تسمين  نفسك)

اعرفك على نفسي  اناتامر عبد العزيز  .............مهندس بترول حديث التخرج  وانتظر  فرز الجيش ان شاء الله 

الحمد لله  ظروفى كالاتى  وانا جاد جدا  واؤمن  بالزواج المبكر 

لدى  شقه فى بيت والدى ينقصها فقط  الدهان والكرانيش اللى هتطلبه العروسه  والفرش برضه على اساسا الاتفاق 

لدى  تلات  اخوان واخت   متزوجه  انا  من الاخوان المسلمين  ومعتدل  دينيا والحمد لله  ............

واتمنى من الله عز وجل ان  يوفقنا واياكم  ان شاء الله

واى  سؤال انا حاضر  ............

اخيكى  فى الله  (حاليا )

تامر 

حسيت وانا بقرأ رسالته انه انسان محترم وواضح انه لسه مش اشتغل لانه  زى حديث التخرج مع انه اكبر منى   ومش عرفت ارد عليه بايه  غير انى  اقول

اخى فى الله  \ تامر

اسمي نورهان مهندسه كمبيوتر حديثه التخرج اعمل  محاضره فى معهد خاص ..............(كورسات كمبيوتر)

لدى  اخ سيزوج قريبا ان شاء الله  واخت  متزوجه  ولله الحمد  ..........

 معتدله  دينيا  ..........

واى  سؤال انا حاضره  

اختى فى الله  \ نور 

اسعدنى  جدا  ردك  ولكن اريد ان اعلم لماذا سجلتى فى هذا الموقع  وانتى لازلتى  صغيره بالسن  ...........

ومنتظر  ردك  واى سؤال 

تامر

اخى فى الله

لا  اخفيك  سرا  انى  اتصفح هذا الموقع يوميا وانى  رأيت فيه من المصداقيه ما يجعلنى  انظر الى هذا الرابط  وسجلت على  سبيل التجربه  ولا اعلم  ............هل اثق فيه  ام لا  .............

اختى  فى الله 

 ارغب فى التواصل المباشر معك واتمنى  ان اتحدث معك  عما قريب  ..............

اخى فى الله

ساسمح لك  بان تتحدث معى مره واحده فقط  لمده ساعتين  ليس اكثر  ............وبعدها  يتحدد اذا كننا  سنكمل الطريق  والذي غايته الزواج بان تاتى الى البيت ام لا  ..........

اختى فى الله 

اوافق  ولو انى ارى ان ساعتين غير كافيه  ولكن خوفا منى  ان تظنى بي  سوؤا بطلبي  فانا  ساوافق  بالساعتين ..........

حددنا الموعد  وبدأنا الحديث  على الماسينجر  أد ايه كان  مريح جدا ورائع  ...............

تامر : السلام عليكم ورحمه الله وبركاته

نور:  وعليكم السلام

تامر : كملى علشان تاخدى  الثواب كله  وغذا حييتم بتحيه فردوا باحسن منها  او  ردوها  ولا ايه ..........؟؟؟

نور : اكيد طبعا  ....وعليكم السلام ورحمه الله وبركاته

كنت احس ان يدى ترتعش  وانا اكتب وان اصابعي  كالتلج ...............

تامر : حابه تعرفي ايه عنى  .............؟؟؟؟

نور :  عايزه بس فىى  الاول اعرف  سبب اننا نتكلم مع بعض ايه  ...............؟؟؟

تامر :  اننا نتعرف على بعض  ..........ونشوف هنكمل الطريق ولا لا

نور : لا  سببه  هو  التعارف بغرض الزواج  ان شاء الله  .................

تامر : اكيد  واحلفلك  بالعظيم ان هذا هو غرضي  والله اعلم 

نور : لا  انا  بس حبيت انوه  ............   

تامر :  فى  مشكله لو ارسلت ليكى صورتى  ولا اطلب منك المثل .........

نور : براحتك زى ما تحب 

ارسل لى  صورته  وقبلتها  ....وووووووووووووواااااااااااااااااااااااوووووو عيونه  رمادى  وشعره اسود  وكبير  وشكله ناعم  قوى  وكان لابس بدله كان  شكله شيك شيك ..........

تامر : وصلت ............

نور: وصلت  ....

تامر : شوفتيها

نور:  شفتها

تامر : عديت اول  اختبار  وهو القبول ...............

نور اتحرجت ترد تقول ايه..................: عديت  ..........

تامر  : طب الحمد لله 

تحدثا كثيرا عن العمل  وعن انه لا يعمل فكيف يرد ان يتزوج بعد سنه  اتكلمنا كتير وكان عنده امال كبيره بس مشكلته كانت فى الجيش وان الفرز  بتاعه فى شهر  واحد  ومنتظر  حتى يبدأ البحث  وربنا  يسهل  .............انتهى  الحديث  على طله لرقم البيت  واسم الوالد  والعنوان  علشان يجي  ويتقدم هو الاول وبعدين اهله لو حصل  قبول 

نورهان فى نفسها  بالسرعه والسهوله  دى لالالالا هى مش مصدقه  ......

نورهان:  طب هى فى مشكله  ممكن تقابلنا قبل ما اديك  الرقم

تامر : خير 

نورهان : انا بصراحه مش حابه ان اهلى يعرفوا انى اتعرفت عليك ع النت  لانهم ممكن يرفضوا لهذا السبب فقط دون حتى السؤال عنك

تامر : والحل  ..........بس انا مبحبش اكدب

نورهان : انا  صاحبتى شيماء  كانت  معاك فى نفس الدفع ممكن  تقول انك عرفت عن طريقها

تامر :  لا  ان اممكن استخدم الاعراض لانى مش بحب الكدب  واقول  ان  فى ناس عرفونى عليها ودلونى ولو سالونى هقول ان فى واحده اسمها شيماء دفعتى  واعتقد ان نورهان تعرفها  ............وبس .............ايه رايك كده المهم اننا مش نكدب  .........

طبعا وافقت  ..............وبعد ان اعطيته جميع المعلومات  عن اهلى  وعنوانى ورقم تليفون البيت  .........

حصل موقف غريب جدا  .........

كنا  نجهز  فى  شقه نمتلكها  حتى نعرضها للإيجار  وكان  كل الاتصالات  من  المبيض والنقاش والسباك والكهرباء 

وجاء  ذلك اليوم 

وكان كلما يرن جرس التليفون  .........يدق قلبي  له واقول تامر 

الام : الو 

المتحدث :  لو  سمحت ده منزل  الحاج محمد اسماعيل  ............

الام:  ايوه يابنى  بس هو مش موجود  نقله مين 

المتحدث :  تامر  عبدالعزيز 

اغلق الخط   واتصل فى اليوم التالى  :

المتحدث : لو سمحت الحاج محمد موجود

الام : لا  يابنى  مين معايا

المتحدث  : تامر عبد العزيز ...طب هو بيجي امتى  ...........؟؟؟

الام : على  6 كده يكون فى البيت  ..........

المتحدث :  خلاص هاكلمه على سته ان شء الله  السلام عليكم ورحمه الله 

واغلق الخط

الام :  مين  الواد ده اللى كل شويه يتصل ده ليكون  المبلط اللى بعته  محمود

وفى السادسه اتصل  ................

تامر :  الو الحاج موجود

الام :  لا  يا بنى  لسه مجاس على  10.30 اكيد تلاقيه بس هو انت  المبلط اللى بعته  محمود  .............؟؟؟؟؟

تامر : لالالالا ياماما  انا  مهندس تامر عبد العزيز  وكنتعايز الحج احدد معاه معاد  لعشان اتشرف  بيكم واجى  لطلب  بنتكم المهندسه نورهان

الام :  انا اسفه يابنى  اصلك مكنتش بتقول حاجه  ..........طب  عموما هو الساعه 10.30 هيكون ف البيت ان شاء الله 

تامر : ان شاء الله هتصل بيه 

انتظر تامر  واتصل  بالحاج  ورد عليه اخيرا  وحدد معاه معاد يوم الجمعه اى  بعد  تلات ايام  ..................

وطبعا  ميعرفوش مين تامر وجاى  من طرف مين  ...........ونورهان عامله نفسها ولا اخده بالها  ..............بي الغريبه ان كل مكالمات تامر كانت من  كود السويس  واللى تعرفه انه  من القاهره ..............

جاء يوم الجمعه  ....وبعد  الصلاه  بساعتين  وصل الشاب الهمام  تامر الى البيت  وكان يوم  ..........

عايزين تعرفوا اللى حصل  لتامر المسكين  ولنورهان  ................ خليها فى الحلقه الجايه  ................ان شاء الله 

الحلقه الثالثه

بسم الله  الرحمن  الرحيم  

الحلقه  الثالثه 

فى الحلقه السابقه عرفنا ان نورهان  رفضت  الشاب ليس لاخلاقه بل  كان ممتاز  ولكنها لا تريد ان تدخل فى بيت  الام فيه لا تحبها  وهو  يعانى  من  مشاكله الخاصه فاراحته واراحت  نفسها برفضه  وعلمنا ايضا انها  اخيرا  وجدت عملا  ولكن  كيف  واين  وهتقابل مين هناك  ............ ؟؟؟ تعالوا نشوف

نورهان :  ويسو ....وحشانى  ايه يابنتى  فينك تليفون البيت دايما مشغول  والموبيل  مقفول فى ايه  انا  قلقت  عليكى 

وسام :  اه معلش اصلي بعيد عنك باخد كورسات كمبيوتر فى المعهد اللى عند الرخاوى  الجديد  بس ومن ساعتها  وانا قاعده على النت ليل نهار  ..........واخواتى بيلعبوا عليه  المهم  انتى عامله وحشانى موت خلصتى امتى 

نورهان  : بقالى  تقريبا شهر ونص  مخلصه  ........عرفتى البت جيجي  اتخطبت  .......

وسام : بجد ولا قالتلى  .............عقبالنا يارب وانتى مفيش حاجه كده ولا كده  فرحينى

نورهان  : ههههههههههههلالالا انا سايبالك الموضوع ده فرحينى انتى الاول 

وسام  : منين يا حسره  مش عارفه راحم فين الرجاله عميو  ده انا حتى اموره  وشعرى غجري منكوش  وعيونى خضره  ولا قوامى  وانا حلوه كده  .........

نورهان  : انا بنت على فكره وعارفاكى  هههههههههههه يعنى  مش هيفرق معايا الموضوع ده ههههههههه المهم عايزه اشوفك فاضيه النهارده ...............جيجي من ساعه ما اتخطبت  وهى  مش بتعرف  تخرج الا لما  تستأذن والباشا من دلوقتى  بيتحكم ويتأمر ويقلها مش هتخرجى الا  معايا انا وبس ............

وسام:  تتنهد  .....اوعدنا يارب وانا  اضربكم  بالبلغه  بس يجي ههههههههههههههه

نورهان :  تعمليها عارفاكى  ................

وسام  :  حرام عليكى انا بهزر المهم  اناالنهارده عندى كورس من 4 لحد  5.30 ايه رايك  تجيلي عند الرخاوى على الساعه  6 الاربع كده  اكون عندك  ونتمشي شويه  ............

نورهان  :  اتفقنا  ..............هستناكى  مش تتاخرى  وافتحى  موبيلك  .................

وسام :  قصدك  اشحنه  اصله  عايز يتشحن  اشوفك النهارده مش تتاخرى  ............

نورهان : اوك يا جميل وبلغي سلامى لماما لانها وحشانى موت 

وسام : وانتى كمان  يوصل ياقمر  يالا سلام

وعلى الساعه  5.30 كانت  نورهان وصلت  واستنت  لحد الساعه  6 الاربع واتصلت  بوسام  وقالت جايه جايه

نورهان :  ايه يابنتى اللى اخرك كل ده  ...........

وسام : اصلي بعد ما خلصت قلت فرصه اشوف الميل بتاعى ببلاش وعلى اللى لقيته فرديت  ..........

نورهان :  تعرفي انا  النت ده معرفش عنه الا  جوجل  والبحث عن  ال  

, PLC, INGRATED CIRICUT, IT.

لكن انى اعمل ميل  والكلام ده عمرى ما فكرت  ............

وسام :  بتهرجى امال مهندسه كمبيوتر على ايه تعالى تعالى  نأجر ساعه ولا ساعتين فى الجامعه الامريكيه  ونشيت حبه  .......

كانت  وسام متغيره تماما فى  شخصيتها ياترى اايه السبب ......؟؟؟؟؟ وايه اللى شددها قوى للانترنت  واللى فيه  قوى كده مع انها كانت بتكره حاجه اسمها  كمبيوتر فى الكليه (كليه تجاره) وكنت  بشرحلها الحاجات اللى بياخدوها مع انها كانت تافهه جدا   بس ويسو  اتغيرت تماما   اتمشوا لحد الجامعه الامريكيه  وكان  المركز هناك فى سيبر  تحت  وهناك  كان عدد لا نهائي من الاجهزه والناس وكان بالدور  وكانت الساعه  ب2 جنيه  .....حجزنا ساعتين  وجهازين  جنب بعض  .....وطلبنا عصير  ............وبدأت  هى  تشرحلى المفروض اعمل ايه  ودخلتنى على  شات  مصرواوى  وقالتلى  عيشي  بقي  ...........

دخلت  ولقيت ناس بتتكلم فى حاجات  هايفه  ولانى  بحب  اسم  انجى  قوى  دخلت بيه  كاسم مستعار  .......واول ما دخلت كان الاسم موضح انى بنت  ولقيت  الشاشه ممتلئه  بكميه  مربعات حواريه  وكلهم نفس الكلمه  ممكن نتعرف  انا مش عارف  مين ابن مين  وبشتغل ايه وعندى  ايه  وكان كل اللى يدخل يسألنى  بالشكل ده وانا مش فاهمه يعنى ايه  ..........؟؟؟؟؟؟

ASL    PLZ????

سألت  الخبيره  وسام  الكل بيسألنى السؤال  ده  ............ يعنى ايه  ..........؟؟؟؟

وسام : ايه الجهل اللى انتى فيه ده  ياستى 

A=AGE    S=SEX (FEMALE-MALE) L= LOCATION 

يعنى  السن  والنوع  ذكر  ولا انثي  و انتى منين  ..........؟؟؟

نورهان : ياااااااااااااااااااه دانا جاهله فعلا  ولا كنت هاجبها  .......... وقبل ما اكتب  لقيت  ويسوا بتقلي

وسام:  بمأنك جديده فانتى ممكن تغلطى  غلطتى  وتديهم اسمك الحقيقي لا  بصي كل  بيناتك  خليها  خياليه  علشان ع النت محدش مضمون 

وراحت بعد كده  تشوف اللى معاها  واستغربت جدا هى  اتعلمت السرعه  فى الكتابه كده ازاى  ..........؟؟؟؟؟

بدأت  اشيت  بس حسيت  بملل وخصوصا انى  مش بستخدم الكمبيوتر  كتير  بالعربي  ولما  بكتب انجليش  محدش بيفهم     وبعد ما خلصت الساعه  اخيرا  وكانت  ويسو هتتجنن وتكتب  كلمتين كمان للواد اللى بتكلمه  بس انا كنت  زهقت  ...........

اخدتها  ورحت  نقابه المهندسين وطلبت  انا شاي  بالنعناع وهى طلبت كابتشينوا  وقعدنا فوق فى استراحه المهندسين واد ايه  كان الجو  مريح جدا ................

وسام :  انا مكنتش اعرف ان ملكيش فى النت كده  انتى  صحيح  ليه متشتغليش فى المعهد انتى  بتعرفي تشرحى  كويس  وفى نفس الوقت انتى مهندسه كمبيوتر  قدمى ورقك يمكن  تشتغلى  وهبقي اوصي عليكى مهندس مصطفى على فكره مش متجوز  ...........وغمزه

نورهان : هى  فكره  لانى  فشلت انى  اشتغل  الشركات  والمصانع  .........قال ايه مش عايزين  بنات هاروح بكره  واقدم  ورقي وربنا يسهل  ...........المهم  انتى ايه اللى غيرك كده

وسام : بصراحه انا بقالى سنه مخلصه كليه  والغريبه  ورغم  امكانياتى  لا لقيت  شغل  ولا حتى عريس يوحد ربنا يدخل على البيت   ويطلب  يشوفنى حتى  وبعدين  يتف في وشي مش اشكال بس اقول ان اتقدملى عريس  المهم .............قلت اتعلم  كمبيوتر  واحاول اشتغل بيه  يمكن  الاقيه هناك فى الشغل  بصراحه  زهقت من البيت والى فيه  ونفسي اسافر  واهرب بعيد عن اى حد اعرفه  واعيش لوحدى 

نورهان  :  ليه بس  دى ماما سكره  وزى العسل .....وزى  صاحبتك وخصوص انك بنتها الوحيده على خمس اولاد ........

وسام : ما دى  مشكلتها  انى بنتها الوحيده  ومحدش اتقدملى  تخيلي يا نور لما  تروح تدلل على عند صاحبتها ولا جيرانها وابقوا هاتولها عريس  والبنت تعبانه وحالتها النفسيه وحشه  .......ولما بسمع الكلام ده  حالتى  بتزيد  واللى يضايقك ان مروه  اتخطبت  ..........بنت خالتى

نورهان: بجد  مروه بس  دى لسه صغيره  هى  دخلت الكليه ولا لسه  ...........

وسام:  اه يا بنتى دى فى تانيه دلوقتى  .........ورايحه تالته  وهتتجوز السنه الجايه اينعم خطيبها مايع كده  وتحسي انه  بيضرب حاجه  بس عاجب خالتى   وطبعا من يومها وامى بتاكل فى نفسها  وبتخنق على  وبقيت مش عارفه اعمل ايه   وبقيت بهرب  ...............

نورهان  حست بمأساه  وسام وانها فعلا  فاكره ان مامتها  كانت كل ما اروح لوسام تسألنى على موضوع العريس ده.............سبحان الله

نورهان : طب انتى ايه اللى  شدك فى النت قوى كده .............

وسام :  بصراحه لقيت فيه سلوتى  بكدب براحتى  محدش يعرف انا مين بقول اللى نفسي اقوله ارتبطت بكذا  واحد بس اتعلمت انى مديش قلبي الا للى اثق فيه مش بتاع كلام وبس  حبيت النت لانه بيقضي على  الفراغ  الكبير  اللى فى حياتى  يكملنى  والاهم  الفراغ العاطفي  ............

نورهان :  بس النت  ده عالم افتراضي مش موجود  بلاش تعيشي فيه كتير  وخليكى مع الواقع اللى عيشينه

وسام:  اخدت ايه من الواقع يا ام واقع انتى  ...............اخدت منه كلام امى  وابويا اللى ملوش علاقه باى حاجه  واخواتى اللى عاملين الشقه  زريبه وانا سيده اللى بتمشي وراهم  عملولى ايه وادى اخويا  الكبير  عمرو عايز يخطب وماماه  رافضه  علشان انا لسه مش اتخطبت يعنى كمان واقفه فى سكه اخويا  واهو  طفشان وقاعد عند واحد صاحبه  .............بذمتك مش عايزانى اهرب  ...............

نورهان  :  خلاص يابنتى  مش تسوديها كده فى وشك ............... حاولى  تبتهجى  .........

وسام :  ما ده اللى بعمله دورت على اللى بيسعدنى  وبعمله  وناويه اكمل 

نورهان :  بس انتى كده بتهدرى مشاعرك   وهتبقي ملهاش معنى بعد كده مع جوزك  ...........او خطيبك

وسام  : مين اللى قال كده .............انا  مشاعري  بتتجدد مع كل  واحد  بكلمه  ومنكرش انى  دلوقتى  بموت فى واحد  معايشنى  ومطيرنى فى السما بس باحترام 

نورهان  : وتفتكرى واحد زى ده ممكن يجي  ويتقدم  ...................اكيد لا  فى الاخر هياخد واحده  ملهاش فى النت  ولا  البت  وليها فى بيتها وبس  ممكن  تكون بنت الجيران او بنت خالته او ممكن فى الاساس يكون هو متجوز ............وبيتسلي فى وقت فراغه يابنتى  .........خدى بالك من نفسك  ........ انا  قلقانه عليكى من اللى بتعمليه ده

وسام : لا  متقلقيش على  .........انا فى السيف سيد  ............

نورهان :  على العموم  برضه  خدى بالك  ............يا خراشي  الساعه  9 امى هتقتلنى  يالا يالا  ..........

حاسبت نورهان  ومشيوا وكانت وسام بتقول يعنى هنمشي  والمهندسين القمامير  بدأو  يهلوا 

نورهان:  اتلمى  وامشي  وانتى  ساكته  .............

روحت  نورهان  ومامتها  هزئتها شويه  لانها  وصلت البيت الساعه 10 وازاى بنت  محترمه ومتربيه  ترجع فى الوقت ده  ده ابوكى انا حوشته عنك  انه يهزئك هو  وقلت انا  اللى هكلمها  ..........

نورهان  :  اصلي اتنين وسام لما تخلص وبعدين  قعدنا فى نقابه المهندسين  شويه  ولوقت  سرقنا  وكمانانا خارجه بكره الصبح  ............

الام : رايحه فين ان شاء الله  ............؟؟؟

نورهان  :  هاقدم  فى  المعهد  اللى  وساام  بتاخد الكورس فيه عند الرخاوى الجديد ......

الام :  طيب يابنتى  ربنا  يوفقك  يارب ويكرمك ان شاء الله  .........طب مجهزه ورقك  .......

نورهان : اه مجهزاك انا  طبعه منه كذا  نسخه  .................

الام : طب انا هحضر العشا  وانتى غيري لبسي علشان تنامى بدرى علشان  وشك ينور  كده وانتى رايحه تقدمى ورقك  ...........

وتانى  يوم الصبح  راحت  نورهان المعهد  ولبست لبس شيك جدا  وقدمت  ورقها  وكان  مهندس مصطفى موجود  وهو اللى  قابلها  وسألها  شويه حاجات  .............وطلب منها انها  تذاكر  شويه  حاجات لانها مطلوبه  فى المعهد  وطلب منها انها تيجي بعد اسبوع علشان  يختبرها  ............

فرحت جدا وامها ووالدها  ودخلت على النت  وبدأت تنزل  كتب واخوها  ساعدها ماهو كمان مهندس  و نزلت البرامج  وبدأت  تذاكر ليل  نهار  وراحت  فى اليوم الموجود  ............ والحمد لله نجحت  ووافقوا  على  انها تبدأ معاهم من  يوم السبت  اللى جاى يعنى بعد  يومين 

نورهان : ماما  ...ماما  انا  اشتغلت  وهبدأ يوم السبت  الجاى  عندى مجموعه  انا فرحانه قوى 

والد نور:  والمرتب كام ..........؟؟؟؟

نورهان : لا  المرتب  بالساعه يا بابا  يعنى الساعه  ب10 جنيه  وكل ما اشتغلت اكتر  كل ما  زاد مرتبي  .......؟؟؟؟

والد نور : عموما  كبدايه مش وحشه  ..................المهم انتى  ثابري  واجتهدى علشان  ربنا يكرمك ويزيدك .......؟؟؟

نورهان :  اكيد يا بابا اكيد .............

مروا الايام دى وهو فرحانه  ومتعرفش ليه بتفكر فى  مصطفي ده كتير  مع ان شكله مش  حلو قوى بس  مقبول  ........... وكانت دايما بتيجي على بالها  اغنيه  هاقبله بكره  وبعد بكره  وبعد بعده ..................بدأت الشغل  وكان فى اوقات  بيقي في وقت  وكانت لسه متعرفش حد قوى  فتدخل على النت  والشات  لدرجه انه بدأ يجذبها وكانت كل ما تدخل  تلاقي  واحد معين  كان  اول مايشوفها يكلمها  ............ وكانوا  بيتكلموا بكل احترام  ...........لحد ما في يوم جه وقال انهنفسه يشوفها او يكلمها  ............وانه مش هيطلب رقمها هو  بس  هيديها رقمه  وهى تتصل من الشارع من اى مكان  ............المهم انه نفس  فعلا  يتواصل معاها  وانه بيشتغل  مدير  تسويق  هى حاسه انها لو  اتصلت  هتقل فى نظره  واو  احترامه ليها  ورغم رغبتها الشديده انها كمان تتواصل معاه  الا انها رفضت  وحاولت تبعد  وبدأت تدخل على  صفح شات تانيه لحد  ما جه اليوم ...............اللى  قابلت  واحد  على الست  بدأت  تكلمه اكتر من تلاته  سابيع  متواصلين كل يوم لاكتر من ساعه ونص لحد  ما ما نسيت تبلغه انها  هتروح  مصيف  وهتغيب  شويه  يعنى اسبوع  ..........راحت المصيف  رجعت  لقيته باعت رسايل ليس لها  حصر الامر انا قلقان والتانى  انتى فين والتالت  لو مش عايزك تكلمينى  قوليلي  وانا مش هضايقك  لكن الاميلين الى بعد كده كانوا  شتيمه  وقله  أدب   ولما لقيت كده  قالت الحمد لله انها  مش كملت  .................

كانت فى الفتره دى اتعرفت على السكرتاريه  والمديره  وفى  واحد  مش بتشوفها كل  يوم  بس  ساعات بتشوفها هى ست كبيره مش صغيره يعنى فى اواخر التلاتينات او بدايه الاربعينا ت  عرفت ان عندها بنتين  وانها مطلقه من 10 سنين  مع انها اموره ومهتمه جدا بلبسها  .............. المهم  كانت المدام دى  اسمها  زهره  ..................

وفى  يوم  وانا  قاعده فاضيه ومش عندى محاضره لقيتها جت سلمت على  وبدأت تتكلم  ..............

ياترى بدأت تتكلم فى  ايه  وهل فكره عريس من ع النت دى فكره  مستساغه فى  مجتمعنا  .............وازاى  هتكون  زهره هى  بدايه  لحكايه جميله  بين  تامر ونورهان .....................؟؟؟؟

اشوفكم فى الحلقه الجايه مع  تامر  ونورهان  ...................وحوارات النت  ..............؟؟؟؟؟؟