الحلقه ال 59
فى الحلقه السابقه عرفنا ان نهى ردت على محمد ومحمد قرر انه يتصل بيها يوم الاحد وهى فى الكليه وانه بلغ ايمي واللى قالتله انالى عمله ده غلط بس هو طنش كلامها وعرفنا ان احمد راح لاهل ساره وكان عايز يعمل الفرح على شهر 7 اى بعد ثلاث اشهر وهنعرف ردهم ان شاء الله بعد قليل وعرفنا ايضا ان ملك قد قررت امرا ما بعد ان قرأت رساله وائل بينما ايمي قد اعتذرت لمنى برسلاه انها لن تستطيع مقابلتها يوم السبت فى الكليه وذلك لان خالد رفض تعالو معايا نشوف اللى هيحصل
جاء يوم السبت وكانت ملك طول اليوم مضطربه ولا تعرف ماذا تفعل ففي الصباح ذهبت بخالد الى الحضانه بينما رجعت الى البيت ولم تكن قد نامت جيدا منذ ان قرأت رساله وائل وهى تفكر وتفكر في كيف ترد عليه وهل ترد ام لا ولكنها وصلت الي قرار
اتصلت فى الصباح بايمي لتسالها عن مشكله قرأتها وتريد كتابه رد عليها فحكت لها ما حدث ونصحتها كما فعلت المره السابقه وقالت لها
ايمي : الراجل ده مش محترم ازاى بالسرعه دى ينسي كل حاجه كويسه لمراته ويحب واحده متجوزه وقال ايه عايز ردها ردها على ايه على خبته وكمان الراجل اللى يخون مره ممكن يخون الف مره وده واضح انه لعوب وبيلعب بمشاعر الست دى انصحيها قليلها خليها لبيتها ولعيالها وتصون زوجها وحصن نفسها انها مش ترد عليه ولا تكلمه ولو حتى للاعتذار او الفائده ولو صحيح الراجل ده ساعدها فمعظم نصايحه هتلاقيها مرطرطه ع النت لو هى فعلا ملهاش ميل للحاجات دى مكنتش اتكلمت مع واحد وكانت استفادت بانها تبحث على النت وما اكثر الحاجات دى
ملك : بس الست مش غلطانه لحد دلوقتى ولسه اساسا مش ردت عليه
ايمي : انتى متعاطفه معاها كده ليه يا بنتى دى مجرد النظره بتعتبر زنا امال دول بيرغوا مع بعض لالالا يا بنتى سيبك منهم المهم طمنينى انتى اخبارك ايه مع انس ؟؟؟؟
ملك : لالالا الحمد لله احنا اتغيرنا كتير والحمد لله وبقي بيراعينى وانا كمان اهتميت بنفسي اكتر وبيتى وبخالد وهو خالد فى الحضانه وبذاكر معاه وانس مبسوط منه قوى
ايمي : طب الحمد لله معلش يا ملك انا مضطره اقفل لانى لازم اجهز نفسي واجهز نور عقبال عندك اخوكى راضي عننا وهنتغدى بره النهارده
ملك : يارب دايما ....ايمي ممكن اطلب منك طلب ....
ايمي : خير اطلبي وانا مش هتاخر لو فى استطاعتى
ملك : ادعيلي ....انا بفكر فى الحجاب وعايزاكى تقوينى
ايمي : بجد لولولولى الف الف مبرووووووووووووووووووك بجد هيكون راحه ما بعدها راحه بصي بكره بالليل ننزل انا وانتى وننقي لبس وطرح وحركات بقي
ملك : لبس ليه انا عندى
ايمي : حرام عليكى طالما هتتحجبي يبقي البسي صح بقي ومتقلقيش دول عنى علشان نفسي اخد ثواب قوى
ملك : لا يا شيخه عندك ايه
ايمي : طب من هنا لبكره يحلها الف حلال بجد انا مبسوطه جدا من القرار الجميل ده حد يعرف الوضوع ده
ملك : مفيش غير انس ومرحب جدا بس لسه مش قلت لماما ولا لحد تانى
ايمي : خليها مفاجئه احسن
ملك : طيب اسيبك علشان مش تتاخرى
ايمي : اوك سلام والف مبروووك
ملك : الله يبارك فيكى
اغلقت ملك الخط وهى لا تزال تفكر فى كلام ايمي هل ما تفعله هذا زنا .... الكلمه دى كبيره قوى بس دا انا بتكلم معاه بس بس الكلام بيجيب كلام لالالا انا هطنش ومش هدخل تانى وبعد ساعات وقبل ما تروح تجيب خالد من الحضانه قالت تروح تبص بصه لقت رساله منه فتحتها بسرعه يا ترى هيقولها ايه
ملك
أعتذر بشده عن رسالتى لا اعلم كيف انسابت منى الكلمات وكتبتها دون تفكير اعلم جيدا انك سيده متزوجه وتحبين زوجك وانا لا اريد اقتحام حياتك واعتذر بشده عن ما كتبته دون ان ادرك عواقبه أأسف منك بشده وارجوكى لا تكرهينى ولا تتركينى فقط نستطع ان نكون اخ واخته ننصح بعضا البعض فقط ولن اتجاوز حدودى بعد الان ارجوكى تقبلي منى اعتذارى وانتظر ردك
وائل
فرحت ملك برسالته وانه اعتذر عما بدر منه وكده يبقي اخوات ولو احتاجته فى اى نصيحه هتلاقيه ولكنها لم ترد عليه فلقد تأخرت على خالد اغلقت الجهاز وركبت سيارتها وذهبت لتأتى بخالد
فى هذا الوقت كان احمد ينتظر رد اهل ساره واللى ساره قالت هتقوله ليه فى البريك واول ما جات الساعه 1 الظهر وفى البريك للشغل
ساره : احمد بابا وماما قرروا انه مش هينفع قبل العيد الكبير يعنى علشان يقدروا ياخدوا وقتهم ومش يبقوا متسربعين
احمد : بس كده قدامنا ولا ست شهور
ساره : ايوه
احمد : ليه بس طب ما نخليها شهر 9 بدل 11 كده بعيد قوى
ساره : معلش يا احمد مجتش على شهرين
احمد : حرام عليكى يا ساره الشهرين دول يعين 60 يوم واليوم 24 ساعه والساعه 60 دقيقه والدقيقه 60 ثانيه لا ده كتير قوى قوى
ساره : مانت لو اعترضت هيزعلوا ثم هم بدروها بدل 1 هيخلوها فى 9
احمد : ...........
ساره : سكت ليه
احمد : عايزانى اتكلم اقول ايه
ساره : طب انا فى ايدى ايه يا احمد
احمد : لا في ايدك انك تقنعيهم اننا نتجوز فى اقرب وقت
ساره : ارجوك ا احمد متحملنيش فوق طاقتى انا امرى مش في ايدي ولو عايز حاجه اتكلم مع ولى امرى
حس احمد انه بيضغط على ساره وانها اضايقت بس هو خلاص مش مستحمل وحاسس انه مكبوت ومضايق وعايز يقرب المسافه بينهم بس ازاى واهلها رافضين وهى مش بايدها اى حاجه
احمد : انا اسف يا ساره بس انا محتاجلك ومحتاج اتكلم معاكى فى حاجات كتير نفسي اعرفها عنك نفسي اعرف مشاعرك نفسي اقولك مشاعري وحاسس انى زى ما يكون محجور على وان مغلق فمي غصب عني الفتره اللى فاتت كنت بعانى بصمت ببقي نفسي اسمعك وانتى بتقولى انك بتحبينى وببقي نفسي انا اقولك على اللى في قلبي بس خايف اخلف وعدى معاكى عايزه اقرب منك بس مش قادر لدرجه انى كنت بتمنى اننا انا وانتى منكنش مع بعض فى الشغل لانى لما بشوفك ومبعرفش اكلمك الا كزميل مش خطيب ده بيتعبنى جدا انا عارف انك حاسه بكده برضه ارجوكى يا ساره لو تقدرى تعملى حاجه لو شايفه انك لو قلتلهم ان احمد شايف ان كده متاخر وخليها على 9 بالكثير قوى قلتى ايه
ساره : هحاول ................
احمد: ياريت
ساره : طب يالا لان البريك خلص من ربع ساعه
احمد : اوك يا ساره بس قبل ما تمشي مش تزعلى منى انا اقصد بس انى محتاجك جنبي في اقرب وقت
ساره مبنسمه: مش زعلانه يا احمد وربنا يجمعنا قريب ان شاء الله
خلص احمد مع ساره وراح اتصل بايمي وقالها انه محتاج الشقه اللى فى العجوزه علشان اهل ساره عايزين يشوفها
وهى قالت ان شاء الله هتجيبه من خالد وفرحت جدا انه بيحاول يبدر الميعاد وفى سرها قالت عقبالك يا محمد وربنا يهديك يارب
فى الوقت ده كانت ايمي جهزت نفسها وخرجت مع خالد وكان يوم ممتع جدا اتفسحوا وفسحوا نور فى اماكن مختلفه وكانت ايمي مبسوطه جدا وخصوصا اناغلب الوقت نور كان خالد هو اللى بيلعب معاها وفى نهايه اليوم اتصلوا بجدتها وعدوا عليها وكان خالد جاب مفتاح العجوزه واداه لمحمد ودعاله ان ربنا يوفقه ثم روحوا البيت
فى الوقت ده كان انس هو كمان رجع البيت واستغرب جدا من ملك واللى كانت لابساه كانت لابسه طرحه لونها لبنى فى ابيض بطريقه غريبه شويه وكانت لابسه بدى أبيض وجيليه جينز على بنطلون جينز وبتقوله ايه رايك ؟؟؟؟؟
انس: رائي في ايه هو انتى لو لبستى الحجاب هتلبسيه كده ؟؟؟؟
ملك: اه ايه رايك ؟؟؟؟
قعد يضحك وكان عايز يتريأ بس افتكر انها بتضايق
انس: معلش مقدرتش امنع نفسي من الضحك بصي بقي يا ستى اولا انتى لو هتلبسي الحجاب انسي البناطيل الجينز دى خالص فاكره لبس ايمي اللى كانت بيه زمان ؟؟؟؟ اللى هو جيب بنطلزن ده لوانتى حابه تلبسي بناطيل على الحجاب يبقي ده اللى تلبسيه مش استرتش وطرحه ميجيش ياماما
ملك: طب سيبك من اللبس شكلى حلو بالطرحه
انس: هو انتى هتلبسي الطرحه علشان شكلك يبقي حلو ولا علشان هو مفروض يتلبس على العموم هى مش وحشه كويسه يعنى
ملك: حرام عليك انا بقالى اربع ساعات وعينى اتمققت على النت وانا بشوف طرق لف الطرح واربع ساعات تانيه بظبط فيها وفى الاخر تقولى كويسه
اضايقت ملك لانها حاسه ان تعبها جه على قله فايده ومش فى تشجيع اى تشجيع
انس ضمها : حبيبتى انتى زى العسل بس انتى مختاره لفه صعبه حبيتين علشان كده مش طلعت مظبوطه يعنى الحته دى معكوكه خالص والحته دى طالعه من الجنب انتى مش شايفه الحاجات دى بس انا شايفها وكمان الكعكه اللى انتى لفيتى عليها الطرحه شكلها مش مظبوط خالص وحاسس ان اللفه دى مش لايقه على وشك بصي هاتى الاب تب وندور سوا
ملك: بجد يا انس طب مش هتتعشي الاول
انس: لالالا الاهم الطرحه
ملك: ربنا يخليك لي يا حبيبي
اول مره تحس ان فى حاجه خاصه بيها اهم من اى حاجه تانيه عنده ياه فى تقدم ااخيرا ظهر وافتكرت انها كده هتفتح جهازها يارب انس ما يفتح الموقع اللى انا مسجله فيه والا اخاف يكون وائل بعتلى حاجه وتطلع كده فى بوب لوحدها وساعتها طب تتصرف ازاى تأجل الموضوع ولا تعمل ايه ؟؟؟؟؟؟ واخيرا قالت انها هتعمل تسجيل خروج علشان لو فتحه مش يدخل باسمها ده الافضل ودخلت وعملت الموضوع ده وكان انس فى الوقت ده دخل الحمام وغير لبسه وهى يادوبك خلصت لقيت انس داخل اوضه المعيشه وقاعد جنبها واخد الجهاز على حجره وبدأ البحث كانت ملك فرحانه قوى بقربه منها وبانه مهتم بحاجه ليها
جلس البحث ساعات وساعات وفى نهايه المطاف تعب انس وقرر انه ينام وان الافضل استشاره ايمي لانها بتلف طرحها حلو واكيد ذوقها حلو وهتعرف تلف طبعا النتيجه مكنتش مرضيه لملك بس مش مهم كبدايه دى حاجه ممتازه
فى الوقت ده كانت ايمي نيمت نور ودخلت على خالد واللى كان عامل نفسه نايم وهى لما شفته نايم احبططت وراحت على السرير علشان تنام وهناك التفت خالد لايمي وقالها
خالد: اتاخرتى ليه يا حبيبتى .....
ايمي: معلش عقبال ما نور نامت
خالد: مش اشكال المهم انها نامت .....
ايمي: وحشنى .....
خالد: وحشتك ازاى ............
ايمي: يعنى كده .............وكده ...... وكده ......
وفى كده الاخيره دى
سكتت شهر زاد عن الكلام المباح وغير المباح
وفى صباح اليوم التالى كان موافق ليوم الاحد كان مفروض ان ايمي هتتكلم مع منى ومحمد هيتصل بنهى واحمد هيعرف ساره وصلت لايه مع اهلها بس الحاجات دى كلها هنعرفها فى الحلقه القادمه ان شاء الله وهنعرف رد فعل نهى وهنعرف رد فعل احمد وهنعرف منى هتعترف بايه وما خفي كان اعظم ..................؟
الى اللقاء فى الحلقه القادمه
