بســــم الله الـــرحمن الـــرحيم
الحلقه ال 64
فى الحلقه السابقه عرفنا ان أنس اخد الفلوس اللى عمل بيها الصيدليه من فلوسها وانه سحب من فلوسها وحطهم فى رصيده علشان يشتغل براحته ويسحب زى ماهو عايز .....كانت مشكله ملك انه مش قالها انه سحب ولما سحب قالها ان رصيده مصفر ومش معاه وهى واجهته بجواب البنك اللى بيقول ان فى الالاف فى حسابه ....ولكنه اضايق وتركها حتى ينام وهو حاسس انها فاتحاه محضر بس ملك بدات تاخد بالها وقالت لازم اعمل حاجه .....................اما عن منى ومحمد فلقد فسخ محمد ومنى الخطوبه ...بعد ان اسمعها كلاما لا يصح ان يقال ...... ولكن المشكله فى امانى التى تسعي وراء محمد وتقول انها تستحقه ....تعالو نعرف ايه اللى هيحصل .....
أمانى : محمد ...محمد......ممكن ثوانى ....
محمد: نعم ...اوك ازيك يا امانى
امانى : الحمد لله بخير ...انا اسفه لتطفلي بس حسيت انك مضايق فانا زى اختك انت عارف حبيت بس اطمن عليك
محمد:لا انا بخير الحمد لله .........
امانى: امال انا مش حاسه بكده ...لو فاضي نتمشي شويه .....
محمد: لا فاضي ورايا ايه.....
بدأوا هم الاتنين فى التمشيه وسالته امانى عن منى وانها حاسه ان فى مشكله بينهم ....ولو هى تقدر تحل المشكله دى فياريت يقولها
محمد: انا ومنى خلاص فسخنا الخطوبه .....ومش مهتم ان الموضوع يرجع تانى
امانى فرحانه داخليا وقلبها بيدق وكانه كان بيقولها انا بحبك : بجد ليه كده ..............انتم اتحسدتوا ولا ايه ....
محمد: لا هى كانت باينه من الاول .............
امانى : اممممممممممممممم طب مفيش حاجه اقدر اعملها يمكن ترجعوا لبعض ......انت عارف انى بعزك يا محمد ...وبعزكم انتم الاتنين واكره انى اشوفك مضايق
محمد : الله يخليكى انا عارف من غير ماتقولى احنا بقالنا اربع سنين مع بعض وعارفين بعض كويس بس الخطوه دى بلا رجعه ................
امانى :انا عارفه انه تطفل منى ......بس ممكن اعرف السبب
محمد: مش متوافقين فكريا .....................مش اكتر انا بفكر فى حاجه وهى بتفكر فى حاجه تانيه خالص
امانى : مكنش في اى طريقه تقربوا تفكيركم من بعض
محمد: حاولت ..................بس مفيش نصيب
امانى : على العموم مش تزعل والخيره فيما اختاره الله ..... وبعد كده اتمشوا وقعدوا يتكلموا على المحاضرات والامتحانات اللى قربت ورمضان
محمد حس ان امانى بتحاول تقرب منه بس هو استحاله يمشي معاها او يفكر فيها لانها مشيت قبل كده مع احمد زميلهم وشافهم وهم ماسكين ايد بعض.......يعنى حد تانى قبليه لمسها .....بينما امانى فاكره انها لما تقرب منه فى الوقت ده وهو مكسور هيحس بيها بسرعه وباهتمامها بس محمد كان بياخدها على أد عقلها وخصوصا انه كان واضح عليها جدا غرضها من اللى بتعمله (بصراحه شكلها وحش جدا )
بعد شويه اتصلت ايمي بامانى ....قالتلها انا مع محمد وجايالك على المحاضره
امانى : عرفتى محمد ومنى فسخوا الخطوبه .....
ايمي : عرفتى منين ..... من محمد هو اللى قالى دلوقتى
امانى : من محمد هو اللى قالى دلوقتى
ايمي: قالك السبب ايه ,,,,,,,,,,,,,؟؟؟؟
امانى : قالى انهم مش على وفاق وان تفكيرهم مش متوافق ليه اصلي حاولت كتير انى اقنعه بالرجوع وانهم لو قربوا من بعض شويه هيزول الخلاف بس هو مقتنع تماما ان اللى بيعمله ده هو عين الصح وصعبت على منى يا ترى هى عامله ايه دلوقتى ....هابقي اتصل بيها لما اروح البيت واطمن عليها
حمدت ايمي ربنا ان محمد مقالش ايه السبب بس دى فى الاساس حاجه مش تتقال ..... دخلت المحاضره وهى كل تفكيرها فى منى ....وحالتها النفسيه وروحت البيت حاولت تتصل بمنى ولكنها لا ترد فدخلت تجهز الغداء وتشوف نور اخبارها ايه .........................
ااما عند ملك فلقد اتصلت بخالد واتفقت معاه انها عايزه تقابله بره اعتذر عن محاضرته وراح لملك البيت وهناك
خالد: في ايه قلقتينى .....
ملك: انا كلمت انس امس وقالى انه اخد نص مليون من حسابي علشان الصيدليه ....مشكلتى مش في كده مشكلتى انه كدب على وقالى ان رصيده صفر في حين ان الاسبوع اللى فات كان جه جواب من البنك بيقول ان حسابه 163 الف جنيه .....يعنى هو عمل الصيدليه من فلوسي .....واخد الباقي في حسابي لو كان اعترفلي او قالى هسدهم او قالى اى حاجه كنت قلت اصبر واشوف بس مش عارفه ااتصرف ازاى ................انا بجد مضايقه جدا
خالد: انااللى نفسي اعرفه هو ازاى سحب الفلوس دى كلها ...................وهو مش معاه توكيل ...
ملك: لا ...أصلي عملتله توكيل من تلات شهور كده .................زز
خالد: اممممممممممممممممم ومش قلتيلي ليه ساعتها ...............ز
ملك: ماجتش فرصه ....
خالد: وماما تعرف على كده ..............
ملك : لالا ..لا طبعا مش قلتلها وانت مش تقولها
خالد: ...............طب وانتى عايزه ايه دلوقتى .....
ملك: عايزاك تقلي اعمل ايه وارجع الفلوس تانى لحسابي ازاى
خالد: انتى ادرى بانس في موضوع الماديات وانسي موضوع انهم يرجعوا تانى للحساب ...........
ملك : لا انا مضايقه قوى .....ولازم ارجعهم دى فلوسي مش فلوسه
خالد: المهم فكرى بعقلك وانتى بتاخديهم وياريت بلاش التسرع بتاعك اللى ممكن يضيع عليكى كل حاجه وانس على أد كده فهو طيب وممكن تاخدى الفلوس منه بس بطريقه كويسه من غير مشاكل ............
ملك: هحاول ....................
مشي خالد وهو مضايق جدا من انس ومش رضي انه يتدخل علشان الموضوع مش عايزه يكبر وتحصل مشاكل ..... وصل خالد للبيت لقي ايمي مسهمه ...
خالد: مالك ...في ايه ....؟؟؟
ايمي: حاسه بالذنب قوى منى منهاره وحاسه انى انا السبب ............
خالد: طيب
ايمي مستغربه رده : طيب ....؟ مالك يا خالد فى حاجه مضايقاك
خالد: لسه جاى من عند ملك وانس اخد من حسابها نص مليون جنيه وحطهم فى حسابه وكدب عليها وقال انه مش معاه فلوس بس هى كانت قرت قبلها باسبوع ان حسابه فيه 163 الف ومضايقه انه كدب عليها ومش فكر حتى يقلها انه هيرجعلها اللى اخده وكانت عايزانى اتدخل بس انا رفضت علشان مش عايز اكبر الموضوع
ايمي: بس ملك اسلوبها وحش ومتسرعه وممكن لو هى كلمته تحصل مشكله اكبر من تدخلك لكن لو انت او ماما كلمتوا انس ....هيتكسف منكم ............... فعلى الاقل هيوعد انه يرجع المبلغ على فترات ..............
خالد: ماما متعرفش ولو عرفت هتبقي مشكله ....لملك ولانس ....
ايمي : قولها هى اللى هتعرف تتصرف فى موقف زى ده
خالد: انا عارف بس مش عايز الموضوع يكبر.... وملك هتزعل لو انا قلت لماما ....
ايمي: مصلحه اختك اهم .....وده مبلغ مش قليل ....
خالد: طيب ....هاتصل بيها
ايمي: وانا هجهز الغداء
خالد: طيب
اتصل خالد بمامته وحكلها على اللى حصل .....واضيقت جدا وقالتله سيبها على وانا هارجع كل قرش اخده ................
خالد: بس من غير مشاكل يا أمى ..............
ام خالد : مش تقلق ,...............
قفلت ام خالد مع خالد واتصلت بملك وهزئتها وبعد كده قالتلها احكيلي اللى حصل بالظبط ايه ...............؟؟؟؟
حكت ملك لامها الموقف .............وامها قالت انها هتعدى على انس فى الصيدليه النهارده ....
انس: مش معقول حماتى منورانى بنفسها .....ايه النور ده اتفضلي اتفضلي
ام خالد : كنت معديه من هنا فجيت على بالي وقلت اجى ارغي معاك شويه ....
انس: تنورى يا ماما .................
ام خالد: بس الصيدليه ممتازه بصراحه كانها راقي والامكانيات اللى فيها ممتازه ولا تحس انها اوسع من صيدليه خالد الاخيره صح ....؟؟؟؟
انس: اهه هى اوسع والمكان ده انا قعدت فتره علشان اخده .....
ام خالد: وعلى كده الصيدليه دى كلفتك أد ايه
انس: كتير مش تدققي ....تشربي ايه ..............؟؟؟؟؟
ام خالد : شاي بالقرنفل لو موجود ..............
انس: ولو مش موجود نوجده ....
ام خالد : لا بس بجد عندى فضول اعرف كلفتك كام دى ..................
انس : فى حدود نص مليون كل حاجه فيها ...........الادويه والتشطيبات ...والصيدليه ايجار 2000 جنيه شهريا .....
ام خالد : ووووووووووووووووواااااوووووو مبلغ كبير فعلا .............طب وكان معاك اوعى تكون استلفت من حد غريب ..................
انس: لا مش استلفت من حد غريب ..............
ام خالد: من مين ...............؟؟؟؟
فهم انس الحكايه وانه جايه علشان كده وهى اكيد عارفه انها من ملك فمحبش يكدب وخصوصا ان الست دى زلته قبل كده .............
انس: من ملك .................
ام خالد: اهه ايوه كده طيب ممتاز كنت هزعل لو أخدت من حد غريب .....
انس : امممممم الحمد لله
أم خالد: بس تعرف انا فرحانه قوى .... جاتلى فكره حلوه قوى .... ايه رايك ملك تشاركك بالفلوس دى يعنى هى الاداره وانت بالمجهود ويبقي النص بالنص ....
انس: ياماما مانتى عارفه اللى ملكى ملكها ومفيش فرق .....وهى ترتاح فى البيت وتاخد بالها بس من خالد انا مش عايز اتعبها ....
ام خالد: اكيد يابنى بس انا بقول نخلى الموضوع ده على الورق .... انت عارفنى بحب كل حاجه تبقي بالورق .....بجد هبقي فرحانه جدا وممكن تساعدك فى الاداره انت عارف انها دارسه اداره اعمال وهتفيدك كتير وتبقي جانبك وتساعدك وكده كده خالد الصبح بيبقي فى الحضانه قلت ايه ................
انس محروج من كلامها ومش عارف يرد عليها ومتغاظ انه محطوط فى موقف صعب
انس: طب سيبينى أفكر .....واناقش ملك مش يمكن مش ترضي
ام خالد : ملكش انت دعوه بملك اناهخليها توافق المهم انت موافق عايزه ردك الان علشان لو كده ابعتلك المحامى بتاعى النهارده .....ها قلت ايه ................؟؟؟؟
انس : موافق يا حماتى .....
ام خالد اتصلت بالمحامى علشان مش تدى فرصه لانس انه يتراجع او يكلم ملك كلمتين يضحك عليها بيهم وانتظرت ومش مشيت الا لما المحامى جه وكتب عقد ابتدائي ...وطلب المحامى من ام خالد ان ملك تعمله توكيل قضايا علشان يوثق العقد فى المحكمه ويسجله فى الشهر العقاري ...........
انتهت مهمه ام خالد سريعا فشخصيتها قويه متسلطه ومسيطره من يومها ولانها تعرف انس جيدا وانس يريد اثبات حسن نيته لها فوافق متضرا لانه كان يحلم بان يكون له صيدليته من ماله الخاص ولكنه تسرع فيما فعل ولكن ملك ليس لها حول ولا قوه وهذه مجرد اوراق فقط وكده هيخلص من زن الفلوس .........وهيحاول اقناع ملك انها ترتاح ف البيت افضل ويقنعها انها تجيب نونه تانيه تشغلها عنه وكده يبقي ضرب عصفورين بحجر ...........
على الجانب الاخر كانت ساره كلمت احمد فى الشغل انهم لقوا شقه وعايزينه يجي يشوفها ....وبعد ان ذهب احمد اليهم وذهبوا الى الشقه والتى كانت قريبه جدا منهم ....نظر الى الشقه وكانت ضيقه جدا .......بعد ما شاف الشقه بتاعه العجوزه وهو شايف شقه جدته وشقه ايمي وكل الشقق ضيقه حس ان الشقه كئيبه وسوده لانها كانت على المحاره .... كانت ساره فرحانه بيها لانها على ادهم وايجارها قليل وقريبه جدا من امها ... ومكنش قدام احمد الا انه يوافق على الرغم من انها مش عجباه مضي عقد ايجار على تلات سنوات ...وبعد اسبوعين جاء رمضان الشهر الكريم والفضيل .....
خالد : كل سنه وانتى طيبه يا ايمي بكره ان شاء الله رمضان يا حبيبتى ....
ايمي : وانت طيب يا حبيبي .....خالد مش عارفه حاسه ان رمضان السنه دى هيكون مختلف .....
خالد: ليه ..............؟؟؟
ايمي : مش عارفه بس حاسه انى عايزه اقرب من ربنا قوى ....حاسه ان الدراسه والبيت شالوا منى الاحساس بيه زى زمان ساعه ما كنت فى بيت بابا ....
خالد: يعنى انا اللى عطلتك ....ولا ايه ...
ايمي : لا مش اقصد قصدى المسئوليات هى اللى عملت كده ....
خالد: ان شاء الله هيبقي رمضان مختلف .............
اتصلت ايمي بوالداتها ووالدها وباركت عليهم رمضان وانهم هيفطروا معاهم تالت يوم رمضان الجمعه ان شاء الله وهى هتعزمهم الجمعه اللى بعدها وهيقضوا اول يوم مع ام خالد وملك وانس وسلمت مامتها على خالد وقفلوا وبدأوا المعايده بالاتصال بالبعض وبالرسائل للبعض الاخر
لاحظ الجميع خلال الفتره الماضيه محاولات امانى المضنيه ان تتقرب من محمد والذى حاول ان يبعدها عنه بالذوق ولكنها لم تفهم بينما ايمي حاولت مع امانى ان ما تفعله غريب وهى مش فاهماه ومالها بمحمد بينما كانت منى فى تلك الفتره اعتادت ان تذهب ولا تتحدث الا مع ايمي فقط وبدأت تتركز على دراستها وبعدت تفكيرها عن محمد وان كانت تبكى احيانا عندما تتذكره ةةتذكر حبها له وحبه لها ....ولكنها لن تندم على خطأ اعترف هو لها به وكانت هى الرخيصه
دخل رمضان ....وبدأت معه الامتحانات الشفويه ..... والكل يحاول ان يجتهد ...كانت ايمي فى تلك الفتره تذهب الى المسجد فى اى وقت هى فاضيه فيه او الى مكتب خالد حتى لو لم يكن موجودا حتى تقرأ القرأن وتعرفت فى تلك الفتره على مجموعه من البنات المنتقبات ....وكان أد ايه ظاهر فى وجههم النور وفكلات ان ترتدى النقاب وحاولت اقناع خالد والذي رفض بزعم ان الشعرواى قال انه ليس فرض وان كان مستحب للتشبه بالصالحات فاقنعوها البنات انها ستأجر على النيه ولو تقرب زوجها من الله عز وجل ورأى جمالها سيقتنع بان ترتديه ....جاءت العشر الاواخر مترافقه مع الاستعداد للامتحان فكان اول امتحان بعد العيد بيومين .... فكانت بين الاعتكاف والمذاكره وكانت تجعل خالد يصلي معها كل الصلوات والتراويح كانت فى المسجد كانت تبكى يوميا فى دعاء الوتر وعندما بدأت العشر الاواخر اصبحت تذهب هى وخالد لصلاه التهجد تقربت جدا من رب العباد أصبحت مختلفه اصبح وجهها يشع نورا أصبحت عيناها تدمع فقط وقت الصلاه كانت تبكى من سماعها لسوره الفاتحه علمت تفسيرها وكيف كانت عندما يقول بسم الله الرحمن الرحيم كانت تسمي با سم الله الاعظم برحمته وعندما تسمع الحمد لله رب العالمين كانت لا تدرى على ماذا تحمده هل على نعمه البصر ام السمع ام التذوق ام على نعمه الزوج ام على نعمه الولد ام على نعمه الاسلام وما اعظمها نعمه كانت تسمعه يقول الرحمن الرحيم فهو من برحمته التى وسعت كل شئ فهو الرحمان على عباده والرحيم بهم كانت تسمعه يقول مالك يوم الدين كانت تحس بانه هو القادر والمالك بيده كل وتدعوفى سرها ان تدخل الجنه فى هذا اليوم المهيب اياك نعبد واياك نستعين ....نعم يا الهى انت الذي نعبد ولا الاه لنا غيرك اشهدك ان لا اله الا الله ....واياك نستعين ونستجيرفليس لنا ملجأ الا سواك يارب العالمين .....اهدنا الصراط المستقيم .............يالله يالله اهدنا الصراط المستقيم صراط الذين انعمت عليهم غير المغضوب عليهم ولا الضالين كانت تسمعها ويرتجف قلبها وتغمض عينيها فتشاهد ابوبكر الصديق وعمر بن الخطاب يسيرون عليه كالريح الخفيفه بينما ترى البعض يسير ببطء شديد ومنهم من هو منكب على وجهه يحمل ذنوبه على ظهره ويكون الصراط كالسيف الحاد اللهم اجعلنا ممن يسيرون على الصراط كالصحابه والتابعين اجعل حملنا خفيفا يارب العالمين اللهم انا نستغفرك ونتوب اليك اللهم امين ...أمين ....كانت هناك من تستغرب منها من تلك التى تبكى فى سوره الفاتحه .....نعم الفاتحه وها هى اعظم سوره فى القرأن ....كانت تستمع بعمق للايات القصيره بعدها وتتفهم معناها واذا لم تفهمه كانت ترجع للتفسير بعد الصلاه كانت عندما تسمعه وهو يقول سمع الله لمن حمده كانت تري عظمه الله فهو يسمع لها عندما تقول الحمد لله فكانت ترد قائله ربنا ولك الحمد حمدا كثيرا طيبا مباركا فيه ملئه ملئ السموات والارض.....وكانت عندما تسجد كانت تتذكر الحديث الذي يقول اقرب ما يكون العبد الى ربه وهو ساجد فتدعى لنفسها ولزوجها بالهدايه والثبات وتدعوا لوالديها بالمغفره وتدعوا بالزوج الصالح لبنات المسلمين .....اما عن خالد فالامر قد اختلف معه فهذا اول رمضان يصومه وهو يحس بكامل معناه كان يحضر الدروس ويتحدث مع ايمي عنها كان يقول انى تعلمت اليوم كذا وكذا .... بينما كانت ايمي تحكى له ما احست بيه ....كانت تيقظه يوميا للتهجد و وتصلي معه ويقرأ القران سويا تغيرت حاله خالد وحاله ايمي ....كانت تذاكر وتقرأ القرأن وخالد يعمل ويقرأ القرأن ويتصفح النت ويستمع الى تفسير القران للشعرواى وكم كان عذبا حديثه الله يرحمه .......انتهى رمضان وكان التغيير واضح على خالد وايمي بينما ....لم يحدث تغيير على ملك او انس فلقد كان همهم فى رمضان الافطار عند مين والحديث عن الماديات بينما اهل ايمي كانوا ايضا اقتربا جدا من رب العباد فهم يحسون انهم فى ارذل العمر اما ام خالد فارتدت طرحه فى رمضان وخلعتها اول يوم العيد .... بدأت الامتحانات وانتهت بعد شهر كان مجهد جدا ....وبدأ ت ايمي تساعد اخوها فى تجهيز نفسه لان زواجه بعد شهر ونص تقريبا ولكن ماحدث ان اقترحت ايمي شيئا على ساره واحمد فهل سيوافقان عليه .............................؟؟؟؟؟
وهل ايمى ستعمل عيد زواجهما الثانى ام لا وكيف سيكون ؟؟؟؟ ...... وماذا سيفعل محمد مع منى وامانى كل ده هنعرفه فى الحلقه القادمه
