بسم الله الرحمن الرحيم
Searching Google ……زوج …
..............>> found >>>loading
الحلقه الاولى
فى يوم جميل هادئ ومشمس من ايام الصيف جاءت الام وفتحت ستاير حجره ابنتها النائمه ..............
الام : حرام عليكى بقي غلبتينى بقالى ساعه بنادى عليكى احنا بقينا الظهر قومى ...قومى يا شيخه الدنيا تضرب تقلب ....وابوكى شويه وجاى وهيلقيكى لسه نايمه وانتى عارفه ..........
البنت : حرام عليكى يا ماما ده اول يوم فى الاجازه .......وبقالى اكتر من اسبوعين منمتش بسبب المشروع ..........
الام : واديكى نمتى اهه يالا بقي انا زهقت لوحدى قومى اصحى .........
البنت : حاضر حاضر .........طب جهزى الفطار وانا هدخل الحمام
الام : طب يالا مانا مش هسيبك الا وانتى فى الحمام.............
البنت : طيب طيب قايمه اهه...........
تقوم نورهان وتدخل الحمام وهى بتقول دى هتبقي اجازه كبيره قوى هو انا هصحى كده كل يوم ولا ايه ...........انا مصدقت اتخرج علشان اعرف انام وبعدين الاقي ماما فى البيت ...........
خرجت من الحمام لتنظر الى الساعه لتجد انها الساعه لم تأتى بعد التاسعه صرخت نورهان .......
نورهان : ماما ............الساعه لسه مجتش تسعه حرام عليكى ..............
الام : خلاص بقي انتى صحيتى تعالى اقعدى معايا شويه ........انا صاحيه من الفجر .......وزهقانه .........
نورهان : الاجازه كبيره وانا هقعد باقي حياتى معاكى وهتزهقي منى ............
الام : ليه يا بنتى كفانا الشر ..........انتى مش هتتجوزى ولا ايه ............
نورهان : اتجوز .......... اذاكان بتوع دبلوم وتربيه بطلوا يتجوزوا والاقبال عليهم بيبقي كبير هتجوز انا يا خريجه هندسه ..........ياماما ..... ثم انا هنا قاعده متستته ومتهنيه اروح اعكنن على نفسي ليه ..........وادخل مطبخ واتعلم طبيخ وامسح واكنس ............
الام : ههههههههههههههه مانتى يا حبيبتى عقبال ما تتجوزى هتكونى اتعلمتى الحاجات دى ابوكى كان مانع انى ادخلك المطبخ علشان بتدرسي لكن دلوقتى انتى خلاص ...........
نورهان قلبها وقع : ايه .....لالالا مطبخ ايهانا هشتغل من بكره هنزل ادور على شغل .......... قال مطبخ قال .........
الام : انى فاكره الشغل بسهوله كده عايوزه اشتغل يبقي بكره هشتغل دول شباب زى الورد ومش لاقيين .............سيبك سيبك .....تعالى نفطر ونكمل كلام ...........
عدت الايام الخمس التاليه كروتين يومى امها تيقظها وتبدأ فى ادخالها المطبخ فتهرب منه لترتب الشقه ........ثم التليفزيون والتليفون مع اصدقائها الى ان جاء يوم الاربع
الام : نورهان تعالى فكرى معايا نعمل ايه اكل بكره اختى وجوزها واولادها جايين ..........
نورهان : اى حاجه ياماما ....مش فارقه .........
الام: مش فارقه ايه ..........لا طبعا عيب جدا ...... عقبال ما تيجي انتى وجوزك كده وتلقينى محضرالك وليمه .........
نورهان : لا شكرا ..............
رن الموبيل بتاع نورهان وكانت صاحبتها جيهان ............
نورهان: جيجي .....فينك يا بنتى .........اتصلت عليكى لما خلصت ومش رديتى
جيجي : أصلي كنت بنفض فى الشقه ..........أصل كان جايلي عريس .........
نورهان : بجد وها ايه الاخبار زى اللى قبله ولا مقبول .........
جيجي : اااااااااااااااااااه يا نوره هو مقبول بعقل ..........المهم انا بتصل اقولك ان قرايه فتحتى وتلبيس الدبل يوم الجمعه الجايه ومش هقبل اى عذر ............
نورهان : بجد الف الف الف مبرووووووووووووووك لا طبعا عذر ايه انا جايه اكيد بس ااحكيلي احكيلي ...........
جيجي : وووواااوووو يا نورى العريس يجنن اسمه احمد كنت خايفه موت ليرفضنى ....بس الحمد لله حصل نصيب أمور جد ا وهادى جدا ومهندس كميائي تخيلي اتصل بي امبارح كنت مرعوبه وقلبي مش ملاحق فى دقاته لالالالا يا نورى احساس فظيع قوى ......... يارب يتمملنا على خير ويالا بقي شدى حيلك اديكى خلصتى وباباكى مش هيطفشهم ................
نورهان : الف الف مبرووووووووووووك واذا كان على ابويا فشكله ناوى يقعدنى جنبه كويس انه جوز اختى منى هههههههههه وقدرت تهرب ههههههههههه وربنا يستر على
جيجي : هههههههههههه اهه صحيح اخوكى فرحه امتى ...........؟؟؟؟
نورهان : والله لسه مش سالت اصله فى امريكا عنده مأمريه هناك وهيرجع كمان اسبوع لسه مشفتوش ............
جيجي : طب انا هقفل بقي لحسن احمد على الويتنج
نورهان : لالالالا سلام متخلوهاش يستنى ليزعل .........
اغلقت نورهان الخط وحست انها هى كمان نفسها قوى تحس الاحساس الفظيع ده ياترى قالها ايه وهيقولها ايه ربنا يكرمك يا جيجي انتى طيبه وبنت حلال ........وعقبالي يارب
الام: انتى بتباركى لمين ..............
نورهان : دى جيجي اتخطبت قرايه فتحتها وتلبيس الدبل الجمعه اللى بعد الجايه وكانت بتعزمنى ...............
الام: وهو ظروف العريس ايه ...........؟؟؟؟
نورهان : معرفش مسألتش بس هو مهندس كميائي .............
الام : طيب عقبالك يا بنتى ............ها مقلتيش هنعمل ايه اكل بكره
نورهان بتكلم نفسها هو انافايقه للكلام ده اههه امتى بقي اتخطب واحب واتحب ..........
نورهان : معرفش ياماما ..........صينيه مكرونه باشميل وفراخ بانيه وفراخ محمره وبطاطس وسلطات بس كده .........
الام : طب والطبيخ مانا لالازم احط طبيخ
نورهان : محمود بيحب الملوخيه اعمليله ملوخيه ............
الام : فكره والله ......
فتحت نورهان التليفزيون وجلست وفى يديها مفرش لاسيه بتسلي بيه نفسها .......... ولكنها لم تكن تتابع المسلسل المعروض كانت تفكر فيما يقوله احمد وجيجي فى التليفون .............وهل جيجي هتقولها .........
جاء يوم الخميس وايقظتها امها من الثامنه حتى تجهز الشقه لان زوج اختها بيحب يجي بدرى ويمشي بدرى ............ وفى تمام الساعه الحاديه عشر وصلت اختها منى وجوزها محمود وابنتيها سما وصفا ....... وكانت نورهان بتموت فيهم ..........وظلت تلعب معهم ولم تكن متألفه مع زوج اختها قوى فى الحديث ......... سلام وكلام عام وخلاص..........
واخيرا استطاعت منى ان تنفرد بامها فى المطبخ وتركت محمود مع والدها بينما نورهان مع الاطفال
منى : ماما فى واحد زميل محمود فى الشغل وبيدور على عروسه وساله فقاله وفى اخت مراتى ...لو حابب تتعرف عليها .....مفيش مشكله هو شاب محترم جدا ياماما وزى محمود محاسب فى نفس الشركه واصغر من محمود بكام سنه .............وملتزم واهله ناس طيبين .....وعنده شقه في بيت ابوه ...............ها قلتى ايه ...........
الام : اقول لابوكى النهارده وارد عليكى بالليل ...........بس هنضطر نستنى اخوكى لما يجي من السفر انتى عارفه عماد ممكن يزعل ...............
منى: اهه اكيد طبعا نستنى عماد بس المهم هتقولى لنور ولا ايه ..............؟؟؟؟
الام : اقول لابوكى الاول وبعدين نبقي نشوف نقولها ولا لا ...........؟؟؟؟وانتى حاولى كده تعرفي تعرفي معلومات اكتر عنه زى شقته فين وامه ساكنه فى انهى دور وفى حد تانى متجوز من اخواته ولا هو الكبير ولا هو الصغير كده يعنى ............. وابوه بيشتغل ايه ومرتبه كام ...............؟؟؟؟
منى : طيب هبقولك بالليل لما تكلمينى وتقوليلي الرد ..............اتفقنا
الام : اتفقنا ...........
نورهان : اتفقتوا على ايه ...................انا جعانه هو لسه الاكل بدرى ............؟؟؟؟
منى: لا احنا فطرنا وجينا اخريه شويه ياماما .........؟؟؟؟
نورهان : يا سلام ......بقولك جعانه
منى : كلى ساندوتش ..........لحد ما نتغنى ..............
نورهان : يبقي فى كل الاكل ده يا ربي واكل ساندوتش ده حتى حرام ...........
وفى المساء وافق الاب ولسه هيستنوا اسبوع وقالوا لنورهان اللى فرحت من جواها ولكنها مش اظهرت الموضوع ده وكانه عادى وظلت تحلم وتحلم لحد ما جه اخوها عماد وحدد معاد بعد ما العريس اتصل بيه ولكن كان عماد اخوها مش متفائل ..............ياترى كان مش متفائل ليه ..................وايه اللى هيتم مع العريس وايه هيكون رأى العروسه واهلها والعريس ............... وده كان الاول (وش انور وجدى فى فيلم حسن الهلالى وهو بيقول ........الاول ........)
اشوفكم فى الحلقه الجايه مع اول عريس للسنيوره نورهان والمعروف باسم ضاضا العضاضه هههههههههههههههههه
