الحلقه ال 29

 بسم الله الرحمن الرحيم  

الحلقه  ال  29

فى الحلقه  السابقه  هدى  عرفت ان  والدتها عندها  ورم  على الرئه  ومحتاج عمليه  جراحيه  وخايفه ان  والدتها  ترفض العمليه  ........ تعالوا  نشوف ايه اللى  حصل  .............

فى صباح اليوم التالى  ايقظت هدى ندى وايقظت احمد وجهزت الفطار  ثم خرجت ندى الى  المدرسه  بينما  جهزت  هدى  نفسها  ووايضا  احمد وكانت  بالها  مشغول بما  ستقوله لامها 

ركب احمد  وهدى  وكانت  هدى  صامته اغلب الوقت 

احمد:  مالك  يا هدى  ............. شكلك  متغير انتى  زعلانه  من اللى  حصل  امبارح 

نظرت له  وابتسمت  : انا  بس بفكر فى اللى  هقوله لماما  ...............

احمد  :  متقلقيش  ولو احتجتينى معاكى  انا ممكن افضي نفسي  واجى معاكى  .............

هدى  :  لالا لالا مفيش داعى  ............

احمد:  زى ما تحبي ........

وصلوا  للمستشفي  راح احمد  لمكتبه بينما هى  ذهبت الى  والدتها  وهناك  اخبرتها  هدى 

هدى :  ماما  نتيجه العينه  اللى احمد قال عليها  ظهرت  هو انتى كنتى  بتشتكى من  صدرك  ..................؟؟؟؟؟

ام هدى : اه  يا بنتى تعبنى  جدا  مكنتش بعرف انام  منه  ..............ليه فى حاجه  .....؟؟؟

هدى :  ابدا الاشعه  اظهرت  ان فى  ورم  على  الجه اليمنى على الرئه  والعينه  اظهرت ان الورم ده حميد والحمد لله  ومحتاجين انهم  يستأصلوه فى اسرع وقت علشان مش يتشعب  ويتعبك  زياده  ..................

صمتت ام  هدى  وكانت  تفكر  فيما  ستفعل  ماهى  عايشه  كويس ولو على تعبها تستحمله  اكيد  العمليه دى  هتكلف  شئ وشويات  وخصوصا ان  المستشفي دى  تكاليفها غاليه  قوى

هدى  :  ماما  قلتى ايه  امضى  على اننا  نعمل  العمليه  ................ ونتوكل على الله

ام هدى  :  لا اتصلي بخالك  .........

هدى  :  ليه  يا  امى  انتى  هتقوليله ايه احنا مش محتاجين حاجه منه  ..........

ام هدى :  امل  اتصلي  بخالك  وخلينى اكلمه  خدى الرقم من البك   بتاعى  عندك فى الدرج  .........

هدى :  زى ما تحبي ..........

اتصلت ام هدى  باخوها  :

ام هدى :  احمد  يا اخويا  عايزاك تشوفلي  بيعه  لقيراطين الارض بتوعى  ............

احمد خال هدى :  تبيعي ارضك ليه  ..............

ام هدى :  ما هى كده مش جايبالى حاجه  وانا محتاجاها علشان هعمل عمليه  واكيد فلوسها  كتير

احمد:  عمليه  ايه  ..............؟؟؟؟

ام هدى  :  انااصلي عملت  عمليه على عينى  والحمد لله رجعت اشوف احسن من الاول  بس عملولى  اشعه  طلع ان عندى  ورم  ............ولم تكمل  كلامها  لان  دموعها  اختنقت  فى  حلقها  ..........

هدى  اخدت  التليفون :  ايوه يا خالى انا امل ممعاك  .........؟؟؟؟

فهمت هدى امها  انها  مش عايزه تتقل على احمد  اكتر من كده  ..................؟؟؟؟؟

خال هدى :  امك عندها ايه  والعمليه هتتكلف  كام  .................؟؟؟؟

هدى  :  لسه مش عارفه بالضبط  بس احمد كان عايز  يتكفل بكل  شئ بس ماما  مش موافق

خال هدى : احمد  احمد  مين  ..............؟؟؟؟

هدى  وبدون  اى  تفكير  :  جوزى  اللى  جه معايا  قبل  كده  ..........

اتغاظ خالها  وانها  كسرت كلامه  وازاى  تقول  جوزها  وو رافض  ........

خال هدى :  انتم فين انا  جايلكم  ...................

اديته  هدى العنوان  .......... وقفل  فى  وشها الخط ..........

هدى :  ليه  يا ماما  قلتى لخالى  ............ما كان احمد هيتكفل  بكل  شئ هو انتى  مش امى وحماته   ايه المشكله  ................خالى من  يوم ما  خرجت من عنده  وانا  بعتبر انى  خالى مات  .............بعد ما قعد  يزلنا انه  كان  مسئول عننا  وهو فى الاساس كان بياخد خير الارض بتاعنا  كله ............

ام هدى : امل  عيب ...........عيب اللى  بتقوليه ده مهما كان ده خالك   اللى  رباكى  واخويا  ...................... ومش كفايه انك  قلتيله ان احمد جوزك

هدى :  ماهو  كان  مسيره  يعرف  وانا  يا امى  بعد اللى  شوفته من احمد  واد ايه كان  بيخبي على  علشان مش  يزعلنى  وازاى  محافظ عليكى  وبيعاملك زى امه اللى نفسها  تزورك بس هو  مش راضي ويقلي  ان  والدته لازم تشوفك وانتى بكامل  صحتك  .............. وعمرى  فى خلال الفتره اللى كنت  معاه فيها  شفت عليه اى  حاجه  وحشه  ...........

ام هدى  :  خلاص خلاص المهم  روحى  شوفى  العمليه تكلف كام  ............. وتعالى  قوليلي ........

راحت  سألت فى الاستعلامات  ............ واتخضت من الرقم  فكان  35 وجنبه  تلات اصفار ................  ذهبت  الى  احمد فى  مكتبه  وكان عنده حاله انتظرت  خروجها  ودخلت  ................

احمد:  ها ايه الاخبار  قلتى  لماما  ..................

هدى : قلتلها  واصرت انها تتصل  بخالى  علشان  يبعلها  حته الارض بتاعتها  فى البلد  وبصراحه انا عرفت  ان  تمن  العمليه  وازاى  هى غاليه جدا  ................

احمد:  وايه اللى  يخليكى  تسألى انتى عارفه انى مش هتاخر عن ماما  ثم  اجره الدكتور هتتشال  لانها هتبقي خدمه لى  وكمان  فى  جزء هيتشال  علشان  هى  حماتى  انا مش عارف  انتم ليه  بتحبوا  تضايقونى  ..................

هدى : المهم  انا قلت  لخالى  انك انت اللى اتحملت كل حاجه  ولما قالى احمد مين  قلتله جوزى  ...............

احمد فرحان :  بجدد قلتيله كده  ................وقالك ايه  ............؟؟؟

هدى : كان  واضح عليه انه  مضايق  ومردتش غير  بادينى العنوان  وانا جايلكم اديته العنوان  ................ وهروح انا اشوف ماما  .............

احمد :  طب روحى  وانا هحصلك  ...............

فرح احمد جدا انها  اعترفت  لخالها بانها عايزاه  وانه جوزها  وده  تحدى كبير  قوى  وهى  قصرت عليه  مسافه كبيره  .............

هدى :  ماما  المبلغ كبير  قوى  بس ممكن  يقل  علشان الدكتور هيعملها خدمه لاحمد  ومش هياخد اجرته  وكمان هيعملوا  تخفيض لاحمد علشان انتى  حماته  .............

ام هدى :  يعنى كام  ...............؟؟؟؟

هدى  : معرفش بالضبط هى  من غير  خصومات  ولا اى  حاجه ب 35 الف  ............

أم هدى  تضرب  صدرها  وتقول :  يا خراشي ................عنى  ما اتعالجت  .............

هدى  :  ماما  انا  افديكى  بعيني ارحجوكى  متقوليش كده  ................

ام هدى  يا بنتى اللى  بتقوليه ده  كتير قوى  عليا   ممكن  خالك  يخلى  كريم  يدفع  .............. ونكتبله حته الارض .............ايه رايك  انا هقترح عليه  ...........؟؟؟؟

هدى :  يا امى احنا مش محتاجين حاجه من حد وربنا  يخلي احمد 

احمدخبط الباب :  انا سامع  اسمي  ها  كنتم  بتقولوا  ايه 

هدى :  تعالى  يا احمد شوف ماما  ..............مش عايزه تعمل العمليه 

احمد:  ليه بس يا ماما  ............ز انتى هتزعلينى منك ليه  ................؟؟؟؟؟

ام هدى :  يا بنى هناخد  زمنا  وزمن  غيرنا  ............؟؟؟؟؟

احمد:  مانتى  لسه  صغيره اهه ربنا  يحميكى  وكمان  احنا  محتاجينك  علشان  تحضري فرحنا  وتفرحى  معانا  وعايزينك  تكونى  فى  احسن  صحه  ..................

ام هدى  :  ربنا  يسهل  يابنى  ...........

احمد:  عموما  انا  اتكلمت مع الدكتور من  شويه  وقالى انه مستعد  يعملها  النهارده او  بكره  بالكتير  ...........وانا  خدمته  فهو  بيردهالى  وكمان  رحت الحسابات  وسويت  الموضوع  معاهم  وادفع  تمنها  يعنى  لازم  تعمليها  ............خلاص مفيش مفر  ......

ام هدى :  وليه كده  يابنى  ........هو احنا  جينا علشان  نتقل عليك بالشكل ده  ......................انا  اخويا  جاى  النهارده  وهنتفاهم فى الموضوع ده  .......

احمد:  بجد  اخوى  حضرتك جاى  طب ايه رايك بعد  ما تتكلموا  اكلمه  واطلب منه  تانى  طلبي ...............يعنى من  زواجى  بهدى  ...........

ام هدى  :  لا  خلينى انا اللى  كلمه يا بنى  بلاش  تظهر انت  فى  الصوره النهارده  ........

احمد:  زى  ما تحبي  يا  أمى  بس  هو  هيلحق  وقت الزياره  ...............

ام هدى  :  ان  شاء الله يلحق  .....................

احمد:  ان شاء الله  ...............طب  انا عموما فى المكتب  وبعد ساعتين عندى  عمليه  فبقي  استنينى ياهدى  ............اتفقنا 

هدى :  اتفقنا  .................

خرج احمد  والتفتت هدى  لامها  ..............

هدى :  شوفتى  ياماما  هتلاقي  حد بالاخلاق دى  ...............؟؟؟؟؟؟

ام هدى  :  ربنا  يكرمه  ويبارك في صحته  .................

هدى :  امى  انا مش هتجوز الا احمد  ..............

ام هدى  :  ربنا ييسر اللى فيه الخير  المهم لما خالك  يجي  اوعى تقوليله انك كنتى  بتباتى عنده الايام اللى  فاتت لياكل وشي  .............

هدى :  حاضر يا ماما  زى  ما تحبي

وبعد  ساعات  وصل  خالها   ودخل  عنوه  ودون ان  يسلم  على اخته   تف  (بصق ) على  وجه  هدى  .......

خالها :  اتعلمتى امتى قله الادب والبجاحه  وتقوليها فى  وي كده ولا  فى  احترام لكلمتى  ...........

ام هدى  اضايقت من اللى عمله اخوها  وهدى كانت  متنرفززه  بس خالها راجل كبير  فى السن  واستحاله انها ترد عليه  خرجت  بره الغرفه  وتركت خالها مع امها  ................

وبعد  ساعه من المداولات  والمشاكسات  والزعيق اتصلت  ام هدى  بهدى على الموبيل  جت هدى  ................

ام هدى :  بصي يا بنتى  خالك بيقول ان فى معهد اسمه معهد الاورام  ارخص بكتير  من  هنا  وتقريبا  ببلاش  فايه رايك  نحول هناك  ونعمل العمليه  ومكلفش احمد  زياده عن كده  .....

هدى :  احمد  دفع خلاص ياماما  وهنا  هتلاقي العنايه  الطبيه افضل  وانا مش هممنى الفلوس  اكتر ما  يهمنى  صحتك  ارجوكى  ياماما  ............صحتك  اهم  .............

ام هدى  :  بس يابنتى  ............

هدى  :  خلاص يا امى  ........بقولك الفلوس ادفعت  وانا  مضيت على عمل العمليه النهارده   وهتم بالليل  ان  شاء الله  .............

خال هدى :  انتى  ايه  مش  شايفالك كبير  وعامله  نفسك كبيره  بتحكمى  وتأمرى على اى  اساس  انا هنا  الكبير  وانا اللى  اقول  .............هتعملها فين  ............؟؟؟؟؟

هدى  :  خالى  انا  لا زلت  بحترمك  لانك  خالى  وراجل  كبير  دى امى  وانا مش هسترخص فيها  ولما  جوزى  يقلي حاجه  يبقي هسمعها  ...........

خال  هدى : جوزك  مين  ياامو جوز  انتى  فاكره انى  هسيبه ده انا هخليه  يندم على اللحظه اللى عرف  فيها  هفضحه هنا فى  شغله  و...............

وقبل  ان  يكمل  كلامه  ................

ام هدى :  احمد................... انا  سكت  كتير انا موافقه على  جوازهم  والراجل  من  يوم  ما جيت القاهره  وجالنا  مفت منه الا  كل  خير  ............. محترم  وكل  الممرضات هنا  بيشكروا فيه  وفى اخلاقه  وكل الدكاتره  بيحسدونى  عليه   وبصراحه  انا  نفسى  يكون  جوز بنتى  .............. وكفايه  عند كده  ............... ومتخلنيش اتكلم  فى القديم  يا احمد  علشان  منوجعش بعض ..............

خال هدى  ...........حط  وشه فى الارض وكأنه  فى  حاجه ذلته من  اخته  ...........نظر اليها وقال

خال هدى  :  طب امال انتى  موافقه عليه  كده  كنتى  بتبعتيلي ليه  .............؟؟؟؟؟

ام هدى  :  علشان عايزه ارضي ..............لو  كريم مش هياخدها  ............انا  هعرف ازاى  ابيعها  ...............ولا  اقول قدام هدى  ............

هدى  :  تقولى ايه  ...............قولى ياماما  .............؟؟؟؟

ام هدى :  لا  يا بنتى  مش مهم  المهم  دلوقتى  اتصلي باحمد  وخليه  يجي يسلم على عمه   ويقرأ معاه الفاتحه  ولا  لسه معترض يا احمد  ............

ابتسمت هدى  وهو  يقول  ناديه ...........

اتصلت  هدى باحمد علشان  يجي يسلم على خالها  ..............

احمد:  اهلا اهلا  ازيك يا حاج  عامل ايه  ............؟؟؟؟حمد الله  على السلامه  ...........؟؟؟؟

خال هدى  على  مضض:  اهلا  يابنى  ........ شكرا  على اللى  عملته لهدى  ولام هدى  مش عارف اشكرك ازاى  ..............؟؟؟؟؟

احمد:  دى  امى  ودى  زوجتى  يعنى  مفيش داعى  للشكر  ولا حاجه  ........... طب ما تيجي حضرتك  تشرفنى فى المكتب  نتكلم  شويه 

كان احمد  فى  حاله فرحه  غيرعاديه لم  يصدق ان الجمل  قد نخ  ووافق على  الزواج  .........

وفى المكتب ..............

احمد :  انا  بعرض عليك  للمره التانيه طلبي  بموافقتك على زواجى من هدى  انا شاريها  لابعد  الحدود ...............

خال هدى  : والله يابنى  احنا الجواز عندنا ليه شكل  مختلف يعنى بيبقي في مهر   وشقه  ونشوف امكانياتك يعنى  ............وكده 

احمد:  اللى تأمر بيه أنا موافق عليه  شوف  القايمه او المهر وانا همضي على اى حاجه  انا امل عندى بالدنيا كلها 

خال هدى : يبقي متفقين ان شاء الله  ...........اشوف  ام امل  هتقول ايه  وارد عليك

احمد: انا عايز الفرح فى اقرب  وقت  وياريت فى اجازه نص السنه  .........يعنى  كمان  اسبوعين كده  ..............

خال هدى :  مستعجل قوى يعنى  ............ ربنا يسهل   اقوم انا اروح اطمن على اختى  ..................واشوف العمليه اللى راح تعملها  وادفع فلوسها

احمد: لالالالالالا خلاص فلوسها ادفعت  .......... المهم انها تبقي بخير 

خال هدى : والله لو مكنتش  تحلف يابننى على  العموم احنا بقينا اهل 

فى  هذا الوقت  كان فى  غرفه  ام هدى حديث طويل  ...........

هدى : ماما  انت  كنتى عايزه تقولى ايه  ............؟؟؟؟وخالى خلاكى مش تقوليه انا لازم اعرف ...................؟؟؟؟

ام هدى : خالك  رهن حته الارض بتاعتى  .............من فتره  كبيره  وللاسف معرفش يسد   فباعها  واخد فلوسها  وبنى ارضي وكمل بيته  وطبعا انا كنت سايبه الختم بتاعى  معاه  وكان بيرح بمراته على اساس انها انا  .............تخيلي ..............انا عرفت  ده من  كام شهر ساعه ما كنت قاعده هناك ............بس محبتش اقول  .............. وعرفت كمان  انه  كان  بيلم  علينا انا وانتى  فلوس من اهل الخير ياخد نصها  ويبعت لنا الباقي وانا كنت فاكره ان اللى بيبعته ده من خير الارض بتاعتى  ............اتاريه  ........كانت  فلوس  اعانه  لينا بيجبها من اهل الخير يعنى من الاخر كان بيشحت علينا  ....................طبعا  انا واجهته بكل ده  بعد ما تطاول على  وعليكى وعلى احمد  .................وقلتله انى مش هسيب حقي وان كريم او هو ملتزمين قدامى انهم  يجيبوا  حقي  باى شكل  .............. وزى ما شوفتى  نخ ................ومبقاش قادر يبص في  وشي   المهم  انا خايفه ليطلب من احمد فلوس  ابقي شوفي قال  احمد ايه وقوليلي  ..............

هدى :  يااااااااااااااااااااااااااااااااااااااااااه  كل ده يطلع من خالى  وكان بيذلنا  بالفلوس اللى كان  بيبعتها  .................وانه تعبان فيها  .............

ام هدى  :  المهم  مش عايزين  يسود وشنا  قدام احمد  ...............وابقي اعرفي  من احمد قاله ايه  .................

هدى  :  اوك ياماما   بصي انا  ...........

دخل  خالها  ...فسكتوا  وقالها: احمد  طلب  ايدك  وبيقول انه عايز  يكتبلها مهر  وقايمه وشقه  بس انا قلتله ناخد رأى امها  .........الاول  ....

ام هدى : انا هبقي اتفاهم معاه فى الحاجات دى  .............المهم  متنساش تتصل  بكريم  ع الموضوع اللى قلتلك عليه .............

خال  هدى :  ده احمد  عايز  يتجوز كمان  اسبوعين  .......... بس انا  قلتله  لا  ده بدرى  ولازم الاول  نطمن على  صحتك الاول  وبعدين  نشوف  .................

ام هدى  : ربنا يسهل  .................المهم  انت  تسافر  وتكلم كريم  وترجعلى بكره ولا بعده باللى  اتفقنا عليه  وانا عارفه قيمتها  ومش  هقولك اكتر من اللى قلته 

خال هدى : طب نطمن عليكى  ..............ونسافر  .......

ام هدى :  لا  علشان تلحق  تجمع الفلوس  ..............وهخلى هدى  تطمنك  بالليل بعد العمليه

دخلت الممرضه علشان تقيس السكر  وضغط الدم   وتاخد عينه  دم منها   صمت وقتها الجميع  واعطتها  الادويه  وخرجت  ..............

ام هدى :  اسالى احمد على العمليه  هتتعمل امتى بالضبط وانت يا احمد روح الحق قبل ما الليل يدخل  .................

احمد : اللى تشوفيه يا اختى  المهم  خدى بالك من  صحتك  باس راسها  وخرج وهو  يضرب  اسداس فى  اخماس ...............

خرجت هدى  وذهبت لاحمد بعد ان  سلمت على خالها 

هدى : احمد احمد  ........انا مش مصدقه كل  المشاكل اتحلت بجد انا  مش قادره اكتم فرحتى عايزه ارقص 

احمد:  لالالالا ترقصي ايه خليه فى البيت  ولى لوحدى  مش قدام الناس كده  ههههههه

ابتسمت  هدى  واتحرجت  .........ولكنها  تذكرت  امرا مهما  ال3000 اللى  اخدتهم من  محمد  ................

فهل  هدى هتقول  لاحمد  وايه رد فعل محمد لما يعرف ان الفرح كمان  اسبوعين  وايه اللى هيحصل  مع مامتها  ......................؟؟؟؟؟ ده كله هنعرفه فى الحلقه القادمه ان شاء الله 

أقتربت النهايه  واللى اتمنى انها تعجبكم ان شاء الله  ...................وتوقعوا ما لا  يتوقعه احد .....................