الحلقه ال 60
فى الحلقه السابقه عرفنا ان ملك قررت انها تلبس الحجاب وخصوصا ان رمضان قرب
وكانت حاسه من جواها انها لازم تلبسه وانس فرح وايمي هتساعدها فى اختيار اللبس
والطرح وتعلمها ازاى تلبسهم واتفقت معاها انها هتنزل معاها يشتروا الحاجه
وعرفنا ان محمد قرر انه يكلم نهى يوم الاحد وان منى كمان هتكلم ايمي تعالوا
نعرف ايه اللى حصل
استيقظت ايمي على غير عادتها على صداع رهيب جدا اخدت برشامه مسكن ولبست
وباست نور ونزلت ولان خالد عنده محاضرات متاخر فكان هينزل لوحده وصلت ايمى الى
كليتها لتجد ان منى تنتظرها وتطلب منها ان لا تحضر المحاضره علشان يلحقوا
يتكلموا مع بعض فايمي مكنتش تسيب اى محاضره الا مضطره بس لانها حست فى كلام منى
انها محتاجاها قوى فوافقت ووصت امانى انها تركز فى المحاضره وانها هتبقي
تخليها تشرحالها
منى: شكرا قوى يا ايمي بصراحه انا خايفه اتكلم تغيري فكرتك عنى
ايمي: لالالا اتكلمى انا عارفاكى كويس ومش هفكر غلط
منى: اوقات كتير الواحد بيغلط وينسي حاجات كتير ويتغاضي عن اخطاء اكتر علشان
يرضي اللى بيحبه وللاسف ده اللى انا عملته فعلا علشان ارضي محمد بقيت بعمل حاجات
فظيعه جدا
ايمى: حاجات زى ايه ..............؟؟؟؟
منى خايفه تقول على اللى وصلوا ليه هى ومحمد ومكنتش عارفه تبدأ من قبل ما
يتخطبوا ولا من بعد ما اتخطبوا ......
منى: بصي احنا قبل الخطوبه كنا انا ومحمد بنحب بعض ومره فى مره شوفنا بعض كذا
مره فى المواصلات لان طريقنا واحد انا فى شبرا مصر وهو فى شبرا الخيمه فبنركب
نفس المترو المهم مره فمره لقينا نفسنا بنخرج مع بعض من الكليه علشان نلحق
المواصلات وكنا انا وهو عاملين اشتراك مترو المهم بينا نحكى فى الاول عن الكليه
وبعدين فى يوم حصل موقف ان المترو كان زحمه جدا فرحت جدا يومها لانى حسيت انه
بيحمينى وانه اتخانق مع واحد لانه قرب منى وزقه ووقف هو علشان يسيب لي مكان
اقف فيه براحتى بجد احترمته قوى وبعدها الموضوع تطور وشافنى وانا بهز راسي
لواحد فى الكليه لقيته بيكلمنى وبيسالنى من ده وليه بتهزيله راس وووو حسيت انه
بيغير على لحد ما جه فى يوم وقالى انه معجب بي فرحت جدا انا دكتوره وهو
دكتور وممكن لو اتجوزنا بعد ما نتخرج هنقدر نشتغل بسرعه وان مستقبلنا حلو
يعنى وبعدها بقينا بنخرج من الكليه نتمشي سوا بدأ الموضوع انه خاف على
وانا بعدى الشارع والدنيا زحمه ومسك ايدي ساعتها مش فكرت غير فى انه كنت
مستمتعه بانى معاه وانه خايف على مفكرتش فى اى حاجه تانيه وبعدها بقينا نخرج
واحنا مانجين بعض بس طبعا بره الكليه وبقينا مرتبطين وساعتها احمد كان متراهن
مع محمد انه هيخرج بامانى فاكره الموقف ده ............
ايمي : اه فاكره كملى
منى : طبعا انا كنت رافضه لانى عارفه تربيه امانى وان اهلها صعبين شويه بس
استغربت من امانى انها عملت كده المهم بعد الموقف ده احمد نزل من نظرى جدا
خلصنا وفضلت مع محمد وبقيت متيمه بيه واللى يقوله هو اللى يمشي وفى يوم
احتجت لكشكول محاضراتى اللى محمد كان اخده والغريبه انى قلت لماما واحد زميلى
اخد كشكولى علشان يصوره ومش جابه وبكره عندنا امتحان ومش عارفه اعمل ايه قالتلى
امى اتصلي بيه او حاولى توصلي لرقمه وخليه يجيبه فرحت جدا لانى كنت بتصل
بمحمد من البيت ومن قدام ماما وانا بطلب الكشكول بتاعى وجه محمد لحد البيت
وماما أصرت انها يشرب عصير وقعدنا انا وهو فى الصاله واتناقشنا فى محاضرات
الكليه ولما ماما شافتنا بنذاكر فعلا وشافت محمد شكله شاطر قالتلى بعد ما
مشي لو شاطر استفيدى منه وانا معنديش مشكله انه يجي ويذاكرلك وبعد كده
انتهى الترم بتاع السنه اللى فاتت وكنا بنذاكر سوا ولاول مره اجيب تقدير وماما
قالت اكيد محمد السبب وبعد ما خلصنا وبدأت الاجازه كنت بخرج معاه من ورا اهلى
ولما بدأت الدراسه تانى شويه شويه لقيت محمد بيقلي انه عايز يتقدملى وانه
كلم اهله وموافقين فرحت جدا بس امى اصرت انها تبقي فى اجازه نص السنه والموضوع
بينى انا ومحمد تطور بعد الخطوبه لاننا خرجنا ومسكنا ايد بعض قبل ما نتخطب
وعملنا كل الحاجات اللى ممكن اتنين مخطوبين يعملوها فى فتره خطوبتهم وبعد ما
اتخطبنا محمد بدأ انه يقرب منى الاول كنا بنذاكر فى الصاله قدام الكل بعد كده
بقينا بنقعد فى الاوضه لانهم بيشغلوا التليفزيون فى الصاله وشويه شويه حسينا
بالخصوصيه واننا لوحدنا والشيطان شاطر وبقينا نعمل
.............................
هنا ايمي حطيت ايدها على بقها من هول اللى سمعته وان الحاجات دى تودى فى داهيه
وازاى هى سمحتله انه يعمل كده وشويه شويه هيتمادى وهنا وقفتها ايمي وقالتلها
ايمي: كفايه كده مش عايزه اسمع حاجه تانى ........
قاطعتها منى : لا لازم تسمعى الباقي انا بعد مانتى كلمتينى اضايقت بس قعدت افكر
كتير افترضت لاي سبب من الاسباب مكملناش انا ومحمد هيبقي شعورى ايه وشكلى قدام
نفسي ايه فبدأت انى اكلم محمد وانى احاول ابعد عنه بس كل مره كان بيضايق
ويتقمص وارجع اصالحه تانى لحد ما دكتور خالد شافنا وبعدها حسيت انا أد ايه
حقيره جدا فى اللى بعمله وكنت ببص عليكى واحس فيكى بالسماحه والعقل ودلوقتى
جايه اقولك اعمل ايه بس من غير ما اخلى محمد يسيبنى ازاى اقنعه ان اللى بنعمله
ده غلط ؟؟؟؟؟؟؟؟؟؟؟؟؟
ايمي: غلط ....هو غلط بس يا بنتى ده حرام انتى مسمعتيش قبل كده لا يخلون رجل
بامراه الا وثالثهما الشيطان وانتى اللى فى ايديك كل حاجه وانتى اللى فى ايديك
تمنعيه بصي انتى تبصلها من زاويه واحده وهى ان اللى انتى بتعمليه انتى
ومحمد اقل ما يقال عنه انه زنا اذا كانت النظره زنا فتخيلي انتى بقي بصي
يابنتى ياما تعودى عن اللى انتى بتعمليه وتواجهى النتائج اللى ممكن تكون
مترتبه عليه من فسخ خطوبه ومواجه اهلك بسبب الفسخ ايه وتكسبي رضا الرحمن ياما
تكملى فى الطريق بتاعك وساعتها بقي يبقي خسرتى دنيا واخره ومش هتكلم كتير
انتى لازم تفهمى محمد انه لمصلحتكم انكم تحافظوا على مشاعركم والحاجات الجميله
اللى انتم جردتوا نفسكم منها وصدقينى لو عملتى اللى بقولك عليه وانك تمنعى
اللى بتعمليه ده هيكون ثوابك كبير جدا ولا طاعه لمخلوق فى معصيه الخالق وحطيها
دايما فى بالك وان شاء الله ربنا هيكرمك ولو حسيتى انك هتضعفى تعالى واتكلمى معايا
انتم لسه قدامكم كتير على ما ربنا يكرمك بالزواج فارجوكى حافظى على نفسك لزوجك
واللى هيكون ابو ولادك حتى لو كان محمد خليه يفتخر انه اتجوز واحده بتقول لا
للشيطان وانها هتراعي بيتها وانه مش هيشك فيها انا اعرف واحده اجارك الله فى
السويس بنت كانت بريئه الى حد كبير جدا لحد ما اتعرفت على واحد واتخطبوا كانت
بتموت فيه وبتنفذ كل رغباته واتجوزوا واستحملت اهانت منه كتير وكان بيفكرها
دايما بالذي مضي مع انه كان بيشاركها فيه بس الحاجات دى فى مجتمعنا بتعيب الست
بس للاسف المهم بعد ما استحملت معاه 10 سنين طلقها وعايرها باللى كان
بتعمله معاه زمان ويقولها انا ايش ضمنى انك مش عملتى كده مع واحد تانى تخيلي ان
الموقف ده ممكن يحصل معاكى وساعتها هتراجعى نفسك حافظى على نفسك من اللى
ممكن يجري بعد كده واللى عندى انا قلته
كانت منى بتسمع لايمي وفجأه وجدت نفسها تبكى ندما على ما فعلته بنفسها فاخدتها
ايمي فى حضنها وهدئتها
وذهبوا الى المسجد وصلوا ركعتين ثم استكملوا يومهم الدراسي
فى الوقت ده كان محمد عرف من صاحبه محمود ان عندهم بريك الاعه 10.30 فقال ان ده
هيبقي وقت مناسب جدا انه يتصل بنهى واتصل نهى كانت قاعده مع صاحبتها
وكلهم كانوا باكلوا ساندوتشات شافت نهى الرقم وحست ان قلبها بيدق جدا اخدت
نفسها ومشيت بعيد وردت كانت متردده جدا انها ترد بس افضلها انها ترد هنا احسن ما
يتصل بيها فى البيت وتبقي مصيبه
محمد : الو ....ازيك يا نهى انا محمد
نهى : الحمد لله بخير ....خير فى حاجه ....؟؟؟؟؟
محمد : ابدا كنت بس بطمن عليكى وقلت اقولك ان رسالتك فرحتنى جدا وانى هاخليكى
الهدف اللى بسعي ليه فى حياتى انى اذاكر وانجح بتفوق بس علشان اكون معاكى
نهى : انت اكيد بتهرج دكتور محمد ارجوك مش تتصل بالرقم ده تانى انا رديت عليك
برساله بس علشان تعرف انى هستناك بس بالشكل ده وانك مش تحترم كلامك ولا وعدك من
اولها بعدم الاتصال يبقي كده انا بسحب كلامى فى الرساله وربنا يوفقك ويكرمك
وانا اسفه جدا على كلامى واذا كان جارح بس انا اخطأت وكان لازم اتحمل نتيجه
خطأى لو باقي فعلا على انسانى لحد ما تخلص كليتك وساعتها هكون فى انتظارك وربنا
يوفقك ان شاء الله مع السلامه يا دكتور
قفلت نهى الخط وقلبي بيرجف وجسمها بيترعش وحاسه انه مش عارفه تتلم على بعضها
وحاسه انى فى صداع رهيب وتفكيرها كله لو اتصل تانى فى البيت تتصرف ازاى بجد
وحاسه انها عايشه فى قلق فظيع وربنا يسترها رجعت لاصحابها واللى لما شفوها
حاسوا ان فى مصيبه حصلت بس هى أثرت الصمت عن الكلام وكانت تحاول ان تهدئ
نفسها وتدعوا الله عز وجل ان يكون خلصها من المشكله اللى وقعت نفسها فيها
اما محمد فاحس ان ايمي اللى كانت بتكلمه مش نهى لان ايمي كانت لسه قايله ليه
نفس الكلام وانه خفيف ومتهور ومتسرع ومش راكز وانه هو السبب فى كسر علاقته بنهى
قبل ما تبدأ أحس بالضيق الشديد واراد ان يتصل مره اخرى ولكنه تراجع حتى يحفظ
ماء وجهه وخصوصا انه سيقابلها مره اخرى فى كتب الكتاب لاحمد وساره والفرح
والعزومات وربنا يستر بقي واستقر على انه لن يتصل بها وانما سينتظر حتى
يقابلها ويستطيع ان يتحدث اليها وجها لوجه
انتهى اليوم وبعد ان انتهى ذهبت ايمي الى البيت بعد ان اوصلت امانى فى طريقها
ثم جهزت الغداء وانتظرت خالد واكلت نور ومكنش ينفع انها تعتذر لملك
وخصوصا انها خايفه انها تتراجع عن القرار ده وخصوصا انها اتاخرت فيه كتير
في انها تتحجب وفى الساعه 7 اتصلت ايمي بملك وقالتلها انها هتعدى عليها
كمان نص ساعه وبالفعل بعد نص ساعه وصلت ايمي ونزلت ملك وخالد وبدأوا
المسيره وعلى الساعه 11 اتصل خالد بايمي لانها اتاخرت بس لان ملك كان مش عاجبها
اى ستايل من استيلات اللى بتقولها عليها ايمي واخيرا اشتروا تلات اطقم
بالطرح بتاعتهم وقالوا انهم هيكملوا المسره يوم الخميس اللى جاى
وفجأه ودون سابق انذاروهم فى طريقهم للبيت ملك اعترفت لايمي وحكتلها على وائل
واللى حصل منه ايمي فضلت تسمع للنهايه وفى الاخر غلطتها وقالتلها انتى لو
ناويه تخربي على نفسك كملى كلام مع الراجل ده انتى مش اخده بالك انه طلق مراته
لنفس السبب فاذا ترضيها لنفسك يبقي ترضيها لغيرك ولمراته ان النت في بلاوى
والراجل ده نيته مش سليمه ممكن اساسا ميكونش متجوز أو متجوز وعايش احسن منك
بس فى رجاله هو ده طبعهم بيعشقوا الخيانه ....ثم تعالى هنا هو انتى مش
كنتى مضايقه من انس لانه كان بيحب فى بنات كتير على النت ومش بعيد انه
يكون انس نفسه ساعتها هيبقي موقفك ايه ......؟؟؟كانت ملك طول الوقت حاسه
انها غلطت وغلطت كمان انها قالت لايمي بس ايمي بتحبلها الخير ومش هتقول لحد ولقت
ان ايمي صح فى كل كلمه هى قالتها ونبهت على ايمي انها متقولش لحد حتى لخالد
قالتلها انها نسيت الموضوع تماما اوصلت ملك واللى كان خالد معذبها وكان مش
مخليها تركز فى شرا اى حاجه وفى الاخر جابت تلات اطقم وخلاص ورجعت البيت وارتدت
احدهم وانتظرت انس وكان رد فعله جميل جدا مع انه كان زوق ايمي اللى مكنش
عاجبها قوى المهم اول ما شافها انس فرح جدا
انس: لالالا ايه التطور ده بجد شيك جدا جدا جدا وحلو عليكى قوى حتى لفه الطرحه
مظبوطه ياريتك كنتى لبستيه من زمان
ملك فرحانه : بجد عاجبك يا انس
انس: عاجبنى بس .... انتى حلوه فى كل حاجه .....بحبك يا جميل واخدها فى حضنه
فى الوقت ده كانت ايمي مش قادره تقف على رجليها اكتر من كده وخالد ضحك على منظرها
خالد : مش انا قلتلك ملك متعبه فى موضوع الشراء ده دانا فاكرها من قبل ما
نتجوز وكنت بخرج معاهم نجيب الجهاز يووووه عذبتنى وكانت اخر مره اروح فيها اى
حته معاها هههههه
ايمي : انت لسه فاكر تقلي دلوقتى انا رجلى مش مستحمله راح سحب خالد
تربيزه الانتريه ورفع رجل ايمي عليها وقعد يدعكهالها وهى اتحرجت منه فقامت
اخدت دش وع السرير عدل بعد ما اطمنت على نور وانها نايمه
فى الوقت ده محمد كان نفسه يعرف ايه الحوار اللى كان بين منى وايمي بس هى
قالتله لا عادى وانها اعتذرت على موقف اللى شافهم فيه دكتور خالد وبعد ما خلصوا
اليوم جم ماشيين وكان هيمسك ايدها بس هى قالتله لا بلاش انا حرانه وايديك
بتعرقنى كانت بتقول اى حاجه وخلاص علشان مش تغضب ربنا راحوا لحد المترو
وركبوا سوا وقعد جنبها ولما وصلو كانت طول الطريق ساكته ومش حابه تتكلم فى اى
حاجه وبتفكر لما يجيلها ييوم الخميس الجاى ويتغدى ويقضي اليوم معاهم هتعمل
ايه ؟؟؟؟
أما عند ساره فى البيت فكان الموضوع كبير بينهم وساره بتحاول انها تقنعهم بشهر
9 بالعافيه وفى نهايه المطاف قالوا براحتك المهم انك تكونى فعلا واثقه فيه
فرحت جدا بالنتيجه ومردتش تنام الا لما تطمن احمد بس لانها كانت خايفه انه يكون
نام وخصوصا ان الساعه عدت ال11 فارسلت رساله تقله عايز اي يوم فى تسعه يكون
فرحنا ......
شاف احمد الرساله وفط من على سريره وبيرقص ودخل البلكونه واتصل بيها
احمد : بجد وافقوا انت احلى حاجه فى حياتى بجد
ساره : طب يالا بقي تصبح على خير
احمد : لا خليكى معايا شويه
ساره : لا مش هينفع ماما صاحيه وهتزعق الوقت اتاخر اشوفك بكره (تنهيده) بحبك
احمد : وانا كمان تصبحي على خير
قفل احمد الخط وهو مش عارف يعمل ايه فى نفسه يرقص يزغرط مش عارف حاول ينام
كتير بس منمش الا لما اخد ساره فى تفكيره ونام
عدت الايام ونفذت ملك اللى قالتلها عليه ايمي ونسيت وائل وعملت لنفسها عضويه
جديده وقررت انها تنسي العضويه دى تماما والمفاجأه انها بعد عده استشارات لقت
وائل يبعتلها رساله على اسم عضويتها الجديد وكان عايز ينصحها فى الموضوع اللى
كانت كاتباه واتاكدت انه بيعمل كده ويتسلي مردتش عليه وانتهى الموضوع على كده
ولكن ايه اللى حصل مع محمد ومنى يوم الخميس وهل هينفصلوا ولا هتخاف تفقده
بتعمل الى هو عايزه ورائيكم هل اللى بتعمله ده صح أم خطأ فى انها تفكر فى
خطيبها وفسخ الخطوبه ومش بتفكر فى اخرتها ورب العباد
وياترى ايه المشكله اللى هتحصل بين ام خالد وايمي وهل هيتدخل خالد ولا لا وهتنتهى
المشكله على ايه ؟؟؟؟؟
أراكم ان شاء الله فى الحلقه القادمه ورمضان كريم
بوسي
