الحلقه ال 61
فى الحلقه السابقه عرفنا ان منى اتكلمت مع ايمي وحكت اللى كان بيحصل بينها وبين محمد وازاى انهم وصلوا لحاجات ميعملوهاش المخطوبين يمكن اللى مكتوب كتابهم وكل مره كان الموضوع بيزيد مش عارفه هتوصل بيه لفين وايمي نبهتها ان كل ده معصيه لرب العباد وان شويه ومحمد هيفقد احترامه ليها وهتبقي بالنسبه ليه نزوه ممكن بعد ما يتخرج يسيبها ويشوف اللى اشرف منها يكمل معاها وساعتها هتقي خسرت نفسها وخسرت كل حاجه اتعلمت منى وبدأت تطبق الموضوع ده اما بالنسبه لملك فلقد ارتدت الحجاب اخيرا وفرح بها الجميع انس وايمي وعرفنا ان خالد حس بتعب ايمي وسابها تريح وعرفنا ان نهى حست ان محمد مش راكز وانه لسه صغير ومش بيشيل مسئوليه كلامه فقررت انها تسيب الموضوع ده
ودلوقتى تعالوا نشوف ايه اللى هيحصل النهارده مع منى ومحمد وهتتعامل معاه ازاى
فى الكليه محمد ماشي مع منى وبيقولها
محمد : مالك انتى تعبانه ولا ايه ... بقالك كام يوم مش طايقه حد ولا طايقه نفسك
.........
منى : معرفش بس حاسه انى مخنوقه
محمد : متقلقيش هظبتك النهارده
منى: هتظبتى .....وهتظبتنى ازاى بقي
منى فاهمه محمد قصده ايه بس حبت تقوله ان ده مش هيحصل ابدا قبل ما يجي البيت
محمد: مش عارفه لولا اننا فى الكليه وحاسس ان ايمي عينيها علينا كده قلتلك تعالى اوريكى بس فى البيت هنبقي براحتنا احسن
منى : محمد انت رايق وبتفكر فى حاجات تافهه بقلك مخنوقه وانت تقلي هظبتك وكلام فارغ ثم انا حاسه اننا فعلا غلطنا باللى عملناه امال خلينا ايه بقي لما نتجوز ولما نبدأ فى الحاجات دى بدرى بدرى كده
محمد: يا بت ده تدريب للى هيحصل بعد كده بذمتك مش بتحبي كده
منى : لا مش بحب كده يا محمد ومن هنا ورايح أمى قالت انها هتبقي تقعد معانا واحنا بنذاكر علشان تبقي بركه موجوده او هتبقي تسيب الباب مفتوح على اخره فانسي بقي حركاتك دى وكمان رمضان على الابواب عايزين نحترم نفسنا شويه ونحفظ مشاعرنا لما نتجوز او حتى لما يتكتب كتابنا
محمد : لالالا انتى فى الضياع خالص في حد فى البيت ضايقك ولا ايه ؟؟؟؟؟
منى : محمد انت بقيت لا تطاق ...........سلام
محمد مش عارف يحصلها ولا يزعل من الكلمه اللى بتقولها بس واضح انها مخنوقه من حاجه ومش راضيه تقولها انا مش هروحلها النهارده ولما تهدى وتكلمنى اقي ساعتها اروح
اتصلت منى بايمي حكتلها على اللى حصل من محمد وانها خايفه يكون زعل بس ايمي وصتها انها تستمر على موقفها وان ربنا هيكرمها جدا وكفايه انك بتعملى كده علشان ربنا واكيد اللى عند ربنا ابقي واحسن
كانت ام خالد لم تعرف ان ابتها ارتدت الحجاب وكانت ملك قررت ان تذهب لامها حتى تفاجأها ولكن المفاجأه اتت بعكس كل التوقعات
ام خالد : ايه اللى انتى عاملاه فى نفسك ده شكلك وحش وانتى لابسه المهرهر ده
ملك : بجد شكلى وحش ......
ام خالد : اهه وحش .....
ملك : بس ده كان عاجب انس وانا وايمي اللى اختناه وكنت عايزه اعملك مفاجأه
ام خالد : مفاجأه وحشه ........... ثم انتى ليه تلبسي على ذوق ايمي وهى بقي اللى اقنعتك انك تتحجبي ولا دى فكره طقت فى دماغك كده
ملك: لا يا ماما انا قررت واستعنت بايمي لانها من زمان لابسه الحجاب ولبسها شيك وحلو
ام خالد : هو ايه اللى شيك وحلو ............... لبس ايمي معظمه شوال وهى داخله جواه لالالالالالالا حتى لو عايزه تتحجبي اتحجبي عادى وانتى اللى تختارى مش هى
ملك : مالك يا ماما متحامله قوى ع ايمي
ام خالد: لا متحامله ولا حاجه ..........هى مين علشان اتحامل عليها
سكتت ام خالد قليلا ثم قامت من مكانها جابت ميه وكملت
ام خالد: تخيلي انها مش بتحب تجيلي اخوكى جه واتغدى معايا وهى كلمته لقيته عندى واتغدى معايا راحت اتقمصت شوفتى البنت اللى جبناها من الاقاليم
ملك : لا ياماما حرام نقول كده البنت كويسه و اخده بالها من خالد
ام خالد: ولا اخده بالها ولا حاجه ده قام جعان وجاى يقلي ماما انا جعان وايمي نايمه صعب على وبجد من ساعتها وانا مضايقه منها جدا
ملك: تلاقي خالد هو اللى مش رضي يصحيها بس لو صحاها كانت قامت وعملت الاكل لا يا ماما ملكيش حق تزعلى منها
ام خالد: هى عملتلك غسيل مخ ولا ايه .....دى من ساعه ما عرفناها وهى واخده خالد لاهلها ده الجمعه اللى فاتت بيقلي انه ادى المفتاح بتاع شقه العجوزه لاحمد اخوها ومن غير فلوس قال ايه هيتجوز فيها مؤقتا لحد ما يقدر يجيب شقه واللى مرتبه 1000 جنيه يقدر يجب شقه قلت اكيد هى اللى اقترحت عليه كده وطبعا اخوكى مش هيقولى انها هى اللى اقترحت
ملك: لا مش معقوله بجد خالد عمل كده ..... دى شقه كبيره جدا وكان هو اللى هيتجوز فيها لما خطب ايمي بس ياماما هى مركونه فتلاقيه قال يساعده مؤقتا وهياخدها تانى ثم هم هيقعدوا فيها مش كتبها باسمه
ام خالد : والله مش بعيد يكتبها باسمه انتى عارفه اخوكى طيب ويعرفش كيد النسا
ملك : ياماما انتى مكبره الموضوع وايمي بنت كويسه ومحافظه على بيتها وجوزها وانا شايفه ان خالد سعيد معاها وعمره ما اشتكى منها باى شئ
ام خالد: تلاقيه مش عايز يزعلنا ............ بصي انا هقولها انى محتاجه شقه العجوزه واشوف رد فعلها هيكون ايه وهل هتاخدها من اخوها ولا لا
ملك : وليه تعملى كده وانتى عارفه ان خالد اكيد هيزعل جدا لو عرف وكمان ممكن يديله شقه مصر الجديده وساعتها يبقي معملتيش حاجه
ام خالد: لا علشان تعرف انى رافضه انه يدى لاخوها الشقه وحتى لو اداله شقه مصر الجديده هيبقي احسن العجوزه احلى واكبر ليه ياخدها يديله الصغيره مؤقتا استنى هتصل بيها اخليها لما تيجي تيجي تقعد معانا شويه وافتح الموضوع قدامك علشان لو قالت لخالد تبقي شاهده على الكلام
ام خالد اتصلت بايمي : ايوه يا ايمى ما تيجي تقعدى معانا شويه ملك هنا ...اه انت لسه بره طب مستنينك وخالد جاى معاكى ......هيتاخر شويه طب مفيش مشكله نبقي نستناه لما يجي على الغدا ونقعد سوا لحد ما هو يجي .....اوك يا حبيبتى اشوفك كمان شويه ومش تنسي تجيبي نور معاكى .... اوك باي
ايمي: غريبه .....دى بقالها كتير مكلمتنيش ربنا يستر ويارب ملك تكون الامور عندها متظبطه
وبعد ساعه ونص كانت ايمي قد وصلت دخلت غيرت لبسها وحمت نور ولبستها واخدتها من المربيه وراحت خبطت على الباب الفيصل بينهم ودخلت ثم سلمت على ملك واللىكانت لابسه اللبس الجديد بس كنت قالعه الطرحه وشايلاها على جنب
ام خالد: يعنى لو مكنتش انا اتصل انتى مش تتصلي
ايمي: لا والله بس حضرتك عارفه انا باجي من الكليه اجهز الغداء ونتغدى انا وخالد وانام واصحي بيكون عندى مذاكره كتير ويادوبك اخلص الاقي خالد جه وكمان نور معطلانى بما فيه الكفايه لانها مبقتش زى زمان تقعد مع المربيه وقعده معايا اغلب اليوم فمبصدق تنام شويه الحق اخلص اللى ورايا وفجأه الاقي اليوم خلص وخالد رجع نتعشي وننام معلش يا ماما انا مقصره فعلا بس غصب عنى
ام خالد : انتى اخدتيها بجد انا بهزر ...ههههههههههههه
ايمي: لا عادى ههههههههههه(من تحت الضرس)
ملك حست ان الحوار واخد مجري تانى فحاولت ترطب الجو
ملك: بصوا نور بتعمل ايه .......ههههههههههههه البنت دى زى العسل سنه وشهر بس زكيه مش الواد ده اكبر منها بسنه ونص ودماغه بتاعه سنه
ايمي: حرام عليكى خالد اختلف جدا من ساعه ما راح الحضانه وعقبال نور تكبر بس وتكمل سنتين ونص واوديها حضانه ان شاء الله
أم خالد: صحيح يا ايمي كنت عايزاكى تفكرينى اقول لخالد على شقه العجوزه
ايمي: مالها شقه العجوزه
ام خالد: اصلي كنت عايزاها مكانها حلو وبفكر اعمل فيها مشروع
ايمي: طيب يا ماما هفكرك ان شاء الله
كتمت ايمي غيظها وربكتها وماذا سيقول خالد لوالدته وماذا سيكون رد فعلها عندما تعلم ان احمد قد أخد الشقه من خالد لمده تلات سنوات دون ايجار حتى يستطيع ان يجمع فى تلك الفتره مبلغ صغيرا لشقه صغيره تكفيهم حست ايمي بصداع رهيب
ايمي: ماما ملقيش عندك كيتوفان او اى مسكن لحسن عندى صداع
ام خالد : موجود يا حبيبتى بصي فى الصيدليه عندك فى الاوضه بتاعتى ولا اقولك خليكى قومى يا ملك جبيلها كيتوفان فى الصيدليه انتى عارفه مكانها
قامت ملك وجابت واخدت ايمي البرشامه واستأذنتهم تريح شويه عقبال ما خالد يجي لانها تعبانه شويه
ام خالد: طيب يا حبيبتى خدى بالك من نفسك لالالا سيبي نور تلعب مع خالد
ايمي : لتعمل مشكله او تعيط
ام خالد : لو عيطت هبعت المربيه تيجي تاخدها
ايمي: زى ماتحبي يا ماما.....
خرجت ايمي وهى لا تدرى هل تسال خالد وتقول له وتعرف منه ما يحدث ام تتصل باحمد وتساله هل ذهب هو واهل ساره للشقه ولا لسه علشان ممكن يبدلها بشقه تانيه مثلا ........... فكرت ولقت انها تكلم خالد الاول
ايمي: خالد .... انت قلت لماما ان احمد هياخد شقه العجوزه .........
خالد: ايوه قلتلها الجمعه اللى فاتت ليه فى حاجه ........
ايمي: يعنى ماما عارفه ان احمد كان هياخد الشقه .......
خالد: ايوه ليه فى ايه ......
ايمي: لا اصل خلاص احمد غير رايه ومش هياخد الشقه ...
خالد : ليه مش هياخدها لقي واحده تانيه افضل .....
ايمي: لما تيجي ......مماما بلغتك اننا هنتغدى عندها النهارده ملك موجوده هى وخالد عندها
خالد : انا قدامى نص ساعه واكون فى البيت ان شاء الله بس الجو حر هاخد دش وبعدين نبقي نتغدى
ايمي: اوك يا حبيبي سلام
خالد: سلام
ايمي لنفسها : يعنى الست عارفه ان احمد هياخدها يعنى هى كانت بتختبر رد فعلى ولا مش عايزه احمد ياخدها وبتفهمنى بالمحسوس كده انها رافضه طب وبعدين احمد هيعمل ايه ............انا مش هقول حاجه واشوف رد فعل خالد وربنا يسترها ولو انى بحبز ان احمد يشوفله شقه تانيه افضل
وبعد نص ساعه جه خالد واخد دش ولبس وراح هو ايمي دون ان تذكر له اى شئ وعلى الغداء
ايمي: اه صح يا ماما انتى قلتيلي افكرك انى اقول لخالد على شقه العجوزه
ام خالد : اه صح يا حبيبي كنت بتكلم مع زيزي وكنا عايزين نعمل جمعيه خيريه بس مش عارفين المقر نحطه فين فاقترحت شقه العجوزه
هنا خالد عرف ليه كانت ايمي بتسال اذا كان قال لمامته ولا لا علشان تعرف هى بتقول كده ليه وكان مخير بين امرين فاختار احدهم
خالد: للاسف مش هينفع شقه العجوزه لو محتاجه شقه مصر الجديده موجوده ومش محتاجه توضيب جديد ولو هى خيريه ايمي تشترك معاكم فيها ولو محتاجيين فلوس قوولى حد طايل وخصوصا ان ربنا قرب فلو هتفتتحوها ياريت تبدأو اجراتها قبل رمضان علشان تاخدو الثواب وتكون شغاله فى رمضان
ام خالد اضايقت لان خالد مذكرش اى حاجه وقفل الكلام بانه قال مينفعش
فرحت ايمي جدا برد خالد بس كده هيكون شكل احمد ايه لما ياخد الشقه لا الافضل اقوله انه يشوف شقه تانيه
اتغدوا وشربوا الشاي ولعب خالد مع نور وخالد شويه والستات بيحكوا وبعدين خالد اعتذر من والدته وانه محتاج يرتاح واخد نور وايمي بعد ما سلم على ملك وبعد ما وصلوا البيت
خالد: ايمي .........انت ليه كنتى بتسألينى اذا قلت لماما ولا لا .....؟؟؟؟
ايمي: ابدا كنت عايزه اعرف لان شكلها مكنتش تعرف
خالد: انا شكلى نسيت اقولها فعلا المهم انا هبقي اقولها انى وعدت احمد وان وعد الحر دين عليه وان الراجل بكلمته ولا انتى ليكى رأى تانى
ايمي: انا لي رأى تانى ان احمد احسن يدور على شقه تانيه لانى مش عايزه مشاكل ومامتك كانت عارفه وانت مش نسيت تقولها على العموم بابا ممكن يحل المشكله دى ان شاء الله
خالد: انت اكيد بتهرجى ايمي انتى عايزه ليه تصغرينى قدام اهلك انا كلمتى واحده وماما معترضتش ودى شقتى واللى عايز اعمله فيها هعمله ولوحابه تنكدى علينا يبقي قولى لاحمد انه يدور على شقه تانيه
ايمي: انا اللى انكد يا خالد والكلمه دى جبتها منين اول مره تقولها المهم انا مش بحب المشاكل ومش حابه انى ازعلك ولا ازعل مامتك وانا حسيت فى كلامها ان لا في جمعيه ولا غيره وانها بتقول كده علشان مش تدى الشقه لاحمد وانا مش عايزاها تزعل منك ولا منى ولا الاهل يشيلوا من بعض
خالد: وانتى كده الاهل مش هيشيلوا من بعض ناقص على جواز اخوكى اقل من خمس شهور ويادوبك هيبدأوا طريقهم تقلبي حياتهم علشان كلمه .....ايمي لو انتى حاسه انى مش اد كلامى اتصلي باحمد وقوليله بس ساعتها فى حاجه كبيره قوى هتكون اتكسرت بينا
دخل خالد وسابها بره وراح علشان ينام وطبعا كان مضايق جدا حاول انه ينام معرفش قام لبس وكانت ايمي قاعده فى الصاله بتعيط وجه يفتح الباب علشان يخرج يتهوى شويه سمع صوت ايمي وهى بتبكى فراحلها
خالد : ايمي......وبعدين معاكى يعنى تغلطى فى وانتى اللى تعيطى........
ايمي: انا غلطت فيك ياخالد ....انا غلطت فيك
وتكمل بكاء
خالد: ايمي ايوه يا ايمي لما قلتلك انى اديت كلمهلاهلك وانى راجل ولازم اكون اد كلمتى ولا كانى قلت حاجه لا اصريتىعلى رايك وقلتى انك هتخلى احمد يدور على شقه تانيه ولما قلتلك اك عايزه تصغيرينى فى عيون اهلك برضه مش حطيتيها فى اعتبارك وقررتى انك هتكلمى احمد طب افهم ايه من كده يا ايمان افهم انك شايفانى مش راجل يقدر انه ينفذ اللى بيقوله هل فى يوم من الايام قلتلك حاجه ومش نفذت وعدك فيها
ظهر لخالد مع كلمته هذه ذكرى خيانته لايمي مع انه وععدها ان مش هيكون غيرها فى حياته واحس انه اخطأ مره ولكنه انتظر ردها ولكنها ظلت واضعه نظرها على الارض
خالد وهو يجلس على ركبتيه امامها ويرفع راسها وينظر لعينيها
خالد: كفايه كده بقي يعنى زعلتينى مرتين مره من شويه ومره لما حمرتى عنيكى كده وانتى عارفه انى مش بحبك تعيطى
ايمي : انا اسفه ياخالد بس انا والله مش عايزه مشاكل مش عايزه مامتك تقول اننا استغلاين واننا استغلناك واخدنا الشقه وكمان لازم تعرف انك انت اللى اقترحت واحمد مكنش موافق لولا اصرارك انت انا مش عايزه اهين عيلتى واللى طول عمرها كانت رافع راسها ومحدش اهانها قبل كده و......
حط خالد ايده على بقها ......
خالد: محدش يقدر يهنيهم وانا موجود لانى زى مانتى بتحبيهم انا بحبهم واذا كان على امى انا هتكلم معاها ان شاء الله بعدين المهم انا عايزه تغسلي وشك ويالا نخرج نتمشي شويه
ايمي : طب هجهزنى واجهز نور ......
خالد: نور ....لالا بلاش نور سيبيها مع هبه المربيه انا عايز اخرج انا وانتى بس ممكن
ايمي : اوك يا خالد بس هطلب من هبه انها تبات النهارده وتاخد الجمعه والسبت اجازه لانها كان مفروض تمشي كمان ساعتين
خالد : طب شوفيها لو مش موافقه ناخد نور معانا وامرنا لله
ايمي كلمت المربيه واللى بتعاملها زى اختها وافقت هبه وجهزت نفسها وخرجوا فى الوقت ده كانت ام خالد بتغلي ومضايقه جدا ا ن خالد بدل ما ينفذلها اللى عايزاه لا نفذ اللى عايزاه ايمي وطبعا ملك حاولت مع اامها ولكن دون جدوى وفضلت امها مضايقه فاتصلت ملك بخالد وكان خالد خرج وكانت ملك بتكلمه علشان ميسبش ماما زعلانه ........... فقالها انا بره دلوقتى ولما ارجع هبقي اروح عليها
يا ترى ايه اللى هيحصل بين خالد وامه لما يرجع وايمي هتتصرف ازاى ومحمد هيعمل ايه لما منى تتصل بيه .....وهل هتخضع له ؟؟؟؟؟؟؟؟؟
ده اللى هنعرفه ف الحلقه القادمه
ليست هناك تعليقات:
إرسال تعليق