مــــــــــــــــــــــــن .........أنـــــــــــــــــــــا.......جاوبنى ؟؟؟؟؟

بسم  الله  الرحمن  الرحيم 

مــــــــــــــــــــــــن  .........أنـــــــــــــــــــــا.......جاوبنى  ؟؟؟؟؟

:::  الحلقه الاولى  :::

فتحت عينى واحسست  بان هناك غشاوه عليها  لا استطيع ان اميز ماذا حولى  أدرت رأسي قليلا  وانا احاول 

ان افتح عيني وارى ماحولى فوجدت ان هناك  سيده  تجلس على كرسي وفى يدها كتاب تقرأه  اعتقد انها فى 

 منتصف الثلاثينات ولكن من هذه وماذا تفعل هنا  انا لا اعرفها  حاولتجاهده ان  اعدل من  نومى واجلس 

 

ولكن هيهات  تأووهت  كثيرا  وهنا  قامت  السيده مسرعه ورمت الكتاب من  يدها  نحوى  وتقول  اخيرا  يا 

قمر  صحيتى ......وخرجت مسرعه من الحجره دون  ان  تفهمنى ما  يحدث وما كل الاجهزه  هذه من حولى  واين

انا ولما  مركب الى تلك المحاليل  هل انا مريضه حاولت ان  تتذكر ما  حدث ولكنها  لم تستطع واحست 

بصداع فظيع  وان عينيها تحرقاها  كثيرا  ولم تستطع حتى  تحريك  قدميها  وكأن بهم  ثقلا كبيرا  ولكن 

سرعان ما عادت  الى الحجره تلك السيده ومعها شاب  فى أواخر الثلاثينات   فاسرع اليها  وكان يرتدى

  روب دى شمبر  واسفله تيشرت ابيض وبنطلون  ابيض امسك  يدها  ونظر الى ساعته  وقال الحمد لله 

النبض مظبوط

.....: حمد الله  ع السلامه  .....ممكن  بقي تعرفينا عليكى  

انا :  انا  .....أنا  فامسكت راسها  تحاول ان تعرف ماهو اسمها  ...؟؟؟؟وماذا حدث لها واين هى  ومن  هذا 

الرجل ومن تلك المراه  وماهذا الضجيج من حولها  احست انها  هييغمي عليها وانها تدور وتدور فى دائره 

مفرغه  والاسئله تواجهها من  كل مكان  امسك يدها  مره اخرى  ثم  نظر  الى  عينيها  وتحت جفنها   ونادى 

الى السيده بان  تعمل لها  شوربه  سريعه التحضير بسرعه 

.......: انتى حاسه بحاجه ....حاسه بايه  ؟؟؟؟؟

انا : انا حاسه بصداع رهيب ودماغي هتتفرتك  

...........: ده طبيعي  انتى  بقالك تلات  اسابيع  فى غيبوبه 

انا : غيبوبه  ....؟؟؟؟؟ انا ......أنا  فى  غيبوبه ؟؟؟؟؟فين  وبعمل ايه هنا  وايه اللى  حصلي  و...أأأأأأأأه   راسي    

 ......راسي  مش قادره 

قالت  هذه الكلمات  وهى تمسك برأسهاكانت  تحس ان  رأسها  ستنفجر نادى  على السيده  بسرعه  وقال 

.................. : حقنه  منوم  ومسكن  بسرعه يا  نوال

جريت نوال  وراحت  اديتها الحقنه  وبعدها  لم  تحس باي شئ ونامت نوما  عميقا ......

فى  هذا الوقت  اتصل  الرجل  بصديق له  ......

.......: محمد الحقنى  البنت   فاقت  

محمد : طب ممتاز الحمد لله  مش هتروح فى داهيه  والحمد لله 

.....:لا المشكله  انها مش فاكره اسمها  ولا فاكره اى حاجه  حصلت 

محمد:  قشطه يا معلم  انت بقي تاخد  بعضك كده  وتروح او  تتصل  بمحمود فاكره  الطبيبي  النفسانى  

بتاعك  وتقله على اللى  حصل  وانه  يجي ويشوفها  لان  واضح انها  مصابه  بفقدان  ذاكره واتمنى انه  

يكون  مؤقت والا  مش هتعرف تخلص منها  يا معلم  وتكون ادبست  بقي في مصاريفها  ولبسها واكلها 

وشربها  واشرب الليله يا معلم  بص يا احمد  انت  تتصل بيه دلوقتى  علشان  تلاقيه فى العياده  هو بيخلص 

الساعه  12 بالليل ودلوقتى  11 ولا اقولك  استنى الساعه 12 علشان  يكون  فايقلك  لان بجد الموضوع كده 

 يقلق................

أحمد :  رايك  كده انا  هحاول  بكره ارحل  النابطشيه بتاعتى  مع اى  حد  واقعد معاها  لحد ما تفوق 

 

محمد:  هى مش فاقت  ......انت بتقول  ....؟؟؟؟

احمد: لا مانا  اديتها مسكن  ومنوم لانها  كان عندها  صداع  فظيع  المشكله ان  بكره هنفك  الجبس وربنا يستر  ان شاء الله

نظره الى الشخصيات

أحمد  .....دكتور باطنى  يعمل  فى  مستشفي كبير  بدون  اجر (عمل  خيري) وفى المساء له عياده خاصه  

  .........  أرمل  ولديه بنت جميله اسمها ندى  عمرها 8 سنوات

محمد:  صديق  احمد منذ الطفوله ولكنه خريج تجاره  ولكنهم  ظلوا  اصدقاء الى هذا اليوم  على الرغم من 

الاختلاف  فى الطبقات والاذواق  والكلام  الا ان  احمد لا  يرتاح  الا مع محمد وخصوصا انه وقف معاه  كتير 

بعد وفاه زوجته  وكان صاحب  صحبه

نوال  :  ممرضه شاطره جدا تعمل فى  المستشفي    وطلب منها دكتور احمد انه  يديها مقابل  فى انها تاخد بالها 

من  المريضه  وهو  هيكتبلها على اجازه من المستشفي ..........

المريضه :  فاقده الذاكره ولا تتذكر عنها اى  شئ

انتظرونى فى الحلقه القادمه  مع   حلقه  جديده  تكشف غموض تلك الفتاه  وماحدث لها وايه علاقه دكتور احمد 

بيها  ......؟؟؟؟؟ وهل ندى  متقبله ان  واحده  تنام كل ده فى  أوضه مامتها ...........؟؟؟