أمي طردتنى و اريد العوده الى احضانها .......فمتى يكون اللقاء !!!

بسم الله  الرحمن  الرحيم

أمي طردتنى و اريد العوده الى احضانها .......فمتى يكون اللقاء!!!!

( قصه حقيقيه )

ساطرح عليكم قصه حقيقي لزوجى فلقد اكرمه الله بعقل بسم الله ماشاء الله ولكن للاسف هذا العقل يستفاد منه اخرون فى بلد غير بلده واليكم القصه

بالتفصيل

احمد مهندس مجتهد جدا بعد ان تخرج وقضي مده جيشه لمده سنه عسكرى وخرج من الجيش وبدأ رحلته فى البحث على شغل وبعد اسبوع فقط من

البحث ربنا كرمه بشركه اجهزه طبيه اشتغل بها لمده سنه وكان مهندس ولكن مرتبه كان فى اول ما بدأ 300جنيه بس لانه لسه متخرج ومش عارف

المجال ده لانه اتصالات والكترونات مش اجهزه طبيه فبدأ يتعلم كل صغيره وكبيره ولانه بيحب مجال الالكترونكس جدا ومتفوق فيه جداجدا قرر انه

يعمل غساله موجات فوق صوتيه واقترح الموضوع على صديق له وكان صديقه حالته متيسره قليلا فااتفق معه ان يموله والاتفاق على التلت والتلتين

والتسويق على صديقه هذا وبعد اكثر من عشر شهور من البحث والعمل الدئوب ظهر الى النور جهازطبي يعتبراول جهاز محلى فى مصر واول جهاز

فى العالم يجمع هذه الميزات سويا وده صوره الجهاز الحقيقي اللى عمله احمد

http://www.flixya.com/photo/2269901/ultrasound-cleaner

وقبل ان يبدأ صديق احمد فى تسويق الجهاز وعمل الاوراق القانونيه له اعتقل من أمن الدوله ولم يعرف اى احد طريقه مع انه مكنش بيعمل اى شئ

غيرانه بيصلي جميع الصلوات فى المسجد ويحضر بعض الدروس فى المسجد هذا كل ما يفعله

فى هذه الاثناء حاول احمد ان يستكمل اوراق مشروعه بعد ان استخرج براءه اختراع للجهاز وبدأ فى رحله تسويقه ورغم ان هذا الامر لم يعرفه او

يدرسه من قبل الا انه حاول وسمع ان هناك مناقصه ستتم ولان الشركه التى يعمل بها هى الوكيل الحصري لهذا المنتج وكانت دائما ما تكسب اى

مناقصه بالتزكيه وايضا بدفع رشوه من تحت التربيزه لان الشغل كان ماشي كده كان الجهاز بيجي من بريطانيا ب60 الف جنيه وهم يبيعونه

للمستشفيات والمناقصات ب140 الف جنيه يعنى مكسبهم 120% ولكن احمد عندما سمع بالمناقصه كانت هذه هى فرصته التى سيظهر بها ولان قانون

المناقصات انه لو عدى فنيا ومنتج محلى يأخذ دون النظر الى المظروف المالى واللى احمد كان حاطط مبلغ 60 الف جنيه فقط لا غير وبالفعل احمد

كسب المناقصه ولكن فى اليوم التالى من المناقصه اتصل بيه دكتور فى جامعه المنصوره وقاله نعتذر مش هنقدر ناخد الجهاز لان المناقصه اتلغت

................ وعرف احمد من الدكتور ان الموضوع فيه فساد ورشوه والشركه المنافسه دفعت فلوس كتير علشان تلغي المناقصه وتتعاد فى وقت تانى

ميكنش هو اخد باله منها ويكسبوا بالتزكيه وطبعا عندما علم صاحب العمل ان احمد هو صاحب هذا المشروع قرر انه يطلب منه انه يشاركه بس تكون

النسبه 51% لصاحب الشركه و49% لاحمد وله حق الاداره بس لو فكرنا شويه هنلاقي ان لو احمد عمل كده ووافق على هذا معناه انه هيكون

خسران لان اكيد صاحب الشغل مش عايز يظهر المنتج المحلى لا ده عايز يظهر المستورد لانه بيكسب فيه اكتر والحمد لله احمد رفض

ولان بمصر هناك فساد واهمال ورشاوى والذي منه لم يعرف شاب بسيط وشريف ما يفعله وسط هؤلاء الوحوش ولانه وبعد فتره صغيره قرر ان يحاول

فى مكان اخر وبالفعل ذهب الى مصنع العربيه للتصنيع وطلب منهم انه يشاركهم بفكرته وهم اللى يسوقوا الجهاز بنسبه النص بالنص فى الارباح

فوافقوا ولكن لابد من اجراء التجربه عليه فى اى مستشفي حكومى وناخد شهاده منهم مختومه بختم النسر ان الجهاز صالح للعمل وامضاء دكتور اخد

الجهاز وذهب بيه على المستشفي الحكومى وكان احمد متفائل جدا لانه تم اختباره فى جامعه المنصوره والكل اجازه فنيا ........ وخصوصا ان امكانيته

جميله جدا بالنسبه للى موجود فى السوق فكان متاكد من النتيجه مسبقا ولكن الاهمال يقف امامه وفى المستشفي يجد التمرجى نايم ويصحيه يقوله احنا

عندنا فحص جهاز والتانى يقوله طب استنى اصحي الدكتور .....دخل فى غرفه جانبيه ووجدنا دكتور خارج لم يفكر حتى فى غسل وجه او تمشيط شعره

لملاقاتنا واذا به ودون ان يجرب الجهاز بعد ان فهم عمله وهو غسل وتعقيم الاجهزه الطبيه فى أن واحد ومنها المجوفه وغير المجوفه بالالترا ساوند

ولكن الدكتور الغير مبالي بصحه المرضي ولا بنضافه اى شئ رد هذا الرد

الدكتور : يا عم انت تاعب نفسك وبتعمل حاجات ملهاش لازمه يعنى احنا هنا بستخدم الميه السخنه مالها الميه السخنه فى التعقيم رخيصه ومتوفره

وانت تقلي التراساوند

احمد لما سمع الكلام ده حس انه هيقع من طوله لانه اتنقط وكان هيجيله نقطه احاول ان يفهم الطبيبعمل الجهاز ولكن الطبيب اعطاه ظهر ودخل حجرته

ليكمل نومه هكذا كانت مصرفى عصر البائد والمخلوع حسنى مبارك لم ننزل التحرير الا بعد ان ضاعت احلامنا ومستقبلنا ولا نريد ان ننظر الى

مستقبل اولادنا من بعدنا فلقد رأينا الكثير فماذا سيري اولادنا فى عهد هذا النظام

أحبط احمد مما فعلته به الدنيا والفساد المنتشر بمصر فقرر انه يترك الجهاز ينه فى البيت ينظر له ويتعلم ان الخير فى مصر مستحيل ان يتواجد طالما

وجد الفساد وطبعا طرد من عمله وفى يوم من الايام قرأت انا فى جريده الاهرام قسم للاجهزه الجديده فراسلت هذا الصحفي والذي اتصل بي فى اليوم

التالى انه يريد ان يعمل حوار صحفي مع احمد عن الجهاز وياخد صورته ويحطها وبالفعل راح الصحفي عند احمد فى البيت وصور الجهاز واحمد جنبه

ولكنه عندما سمع الحكايه من أحمد أثر ان يحطها فى قسم التحقيقات ولمعرفه ما كتبه هذا المحقق انظر اللنك التالى فى جريده الاهرام بتاريخ 17/5/2005

http://www.ahram.org.eg/Archive/2005/5/17/INVE3.HTM

وبعد 3 ايام من نشر التحقيق فى الجريده اتصلت قناه النيل الثقافيه باحمد وطلبت منه ان يحضر لعمل مقابله معه على الهواء وبالفعل تم تسجيل المقابله

على شريط فيديو ولا زلت اتفرج عليه كل فتره واتحسر على مجهود زوجى

كان املنا فى ان نتزوج فى المده المحدده سنتين قد انتهى فلقد انتهت الفتره الى ان فكرنا من الهروب من بلد الفساد وبحثت انا وهو على عقود عمل فى

الخراج الى ان رزقنا الله بعمل فى دوله الكويت وهذه لها قصه اخرى

أأسف اذا ازعجتكم بقصه زوجى المقهور على حال بلده من الظلم والفساد والاهمال وللاسف شربنا من نيلها وكل يوم بنفكر فى الرجوع بس اللى حكموا

مصر بالفساد طردونا وحلفوا اننا مش هنقدر نرجعلها تانى والحمد لله دائما ما ينتصر الخير والثوره قامت

اللهم احفظ مصر لاهلها وفهم اطيب الشعوب ويسر لنا امورنا فى الدنيا والاخره واجعلها بلدا أمنا باذنك تعالى يا ارحم الراحمين






تمت


بوسي