الحلقه ال 56

الحلقه  ال 56

فى الحلقه السابقه  علمنا ان  وائل ارسل  لساره عده  رسائل   وكانت اخرها  هى السبب فى ان يرق  قلبها له 

فلقد  طلق  زوجته  ولا يعرف هل يرجعها  لسبب الاطفال ام ان يترك  اطفاله  لتكون اسره  مفككه  يعانى منها الجميع  .....

رق  قلب  ملك عندما رأت  رسائله واحست انه انسان محترم  فانها عندما طلبت منه  وقف  الرسايل  اعتذر فى 

هدوء  ولم يخاطبها  الا  عندما احس انه بحاجه الى ان يحكى لاحد  لا يعرفه قررت  ملكان  ترسل له  رساله  تعزيه بها عن ما حدث  ولكنها لم تعرف  بماذا ترد  فاتصلت  بايمي  وسالتها  رأيها  وهذا  ما ردت  بيه ايمي 

عليها  وكتبته  ملك فى رساله  لهذا الرجل


اخى الفاضل  / وائل

اعتذر عما سمعته فى انك قد طلقت  زوجتك  ولكنى ارى  انك  هكذا  لا تعاقبها وحدها ولكنك  تعاقب  نفسك  واولادك   يمكنك  ان تعيدها  لعصمتك  وتكون فى البيت  وهى  اكيد  تدرى ما  فعلته بك وبنفسها  ووقتها  تستطيع ان  تعاقبها  بهجرها  فى بادئ الامر فتكون بحجره  وانت باخرى  حاول الا تتكلم معها الا  فى  شئون الاطفال  فقط  ولكن  قبلها حاول ان  تفهمها  انك ارجعتها لاجل الاولاد  وحتى  لا  يحملوا عار ما فعلته  امها فاعتقد انك لم تقل لاحد عن سبب الطلاق  وتأكد انها هى ايضا لن  تقول   علمها  بأدب  كيف يكون  الزو فى البيت  هو  رب هذه الاسره  وامنع استخدامها  للكمبيوتر  واذا كان  معها محمول  خذه منها  واطمئن عليها  دائما وانت  بالعمل  وتدريجيا  ستعود الحياه  مره اخرى  بينكما  واعتقد انها  بتلك الطريقه تكون تعلمت  درسا هاما  جدا

وكان الله فى عونك  اخى   وستأخذ ثوابا كبيرا  لسترها فى  الدنيا 


اختك    / ملك



أرسلت ملك  الرساله  ثم  اكملت  بحثها عن  كيفيه  اسعاد  زوجها   وتعلمت كثيرا  من الاشياء والتى  كانت 

اغلبها  مطابقه  لما  كتبه  وائل  ودعت له ان يرجع زوجته وان  يستقر 

وقالت انها  تريد ان تاخد راى  انس  لما يجي  علشان  تتاكد من ان  الرأى بتاع ايمي اللى كتبته ده كويس وبالفعل

 عندما حضر  انس  من عمله  حكت له  عن هذا الرجل وانها قرأت  قصته  وان رأيها هو  كذا  فرد انس

انس: اللى تغلط مره   تغلط الف مره  ودى حاجه لا تغتفر  وواستحاله الراجل يقبلها وعياله ربنا  يتولاهم او  يتجوز واحده تانيه وياخدهم بالعافيه ويقولها علشان مش افضحك 

ملك : حرام عليك  لا  طبعا  وانت  ايه اللى عرفك ان  الست الجديده اللى هيتجوزها  هتاخد بالها من عياله

انس: ماهو المفروض ينقي بقي  واحده ارمله  او  واحده مطلقه بس  مش بتخلف  او  واحده عفا عليها  الزمن  ومحتاجه تتجوز فيلمها  واديه  هيعيش  وتاخد بالها من عياله

ملك : لا طبعا  يعنى ايه ينقي انا مش معاك فى كده  يعنى تجوز واحده يخليها خدامه ليه ولعياله  لالالالالا انا ارفض تماما الحل ده

انس: وانتى ليه تقولى  انه  لما يرجعوا لبعض مش تعمل  كده تانى  تضمنى منين  وزى ما بيقولوا  ديل الكلب  عمره  ما  ينعدل 


ملك :  حبيبي  كل  انسان بيغلط المهم  انه يتوب  وفى ناس كتير غلطت قبل كده ومش محتاج  افكرك (تقصده هو )بس  المهم  انهم  يبطلوا اللى بيعملوه

حس انس انها بتتكلم  عنه  فقال  يغير الموضوع احسن 

انس:  طيب  مانسيب  هنيه وعبدالمتعال  بتاعك ده  وخلينا هنا  قليلي  بقي  انتى حلوه كده ليه

ملك : من بعض ما عندنا  ههههههههههههههه

انس:  امال خالد فين ؟؟؟؟

ملك :  عمته جت اخدته ومشي معاها  وقالت لو عيط  هبقي اجيبه  وكل ما اتصل  الاقيه فى  حضن  جدته وجده وبيلعب   اروح اسيبه شويه

انس: بس كده الوقت متاخر 

ملك :  مانا اتصلت بيهم من ساعه  قالولى انه أكل  ونام  من ربع ساعه  وكنت لسه هالبس اروح اجيبه

انس: لالالا ولا  تجبيه ولا حاجه  خلينا مع بعض فى هدوء كده  وكمان  انا  عايز اقولك على موضوع كده

ملك :  خير  ....؟؟؟؟

انس:  بقي يا ستى انا بفكر  اعمل  صيدليه باسمي  انتى ايه رايك ؟؟؟؟؟

ملك :  طب خير  ممتاز محتاج فلوس

انس:   لسه مش عارف  بس انتى رايك خالد هيزعل  ؟؟؟؟لو عملت واحده  لى

ملك : لا طبعا  هو انت ناوى  تفضي نفسك ليها ولا ايه ؟؟؟؟؟يعنى مش  هتشتغل  مع خالد تانى  ثم  خالد  بيعتبرك  شريك  مش  بتشتغل معاه

انس :  لا  انا  احب  اعمل حاجه  لنفسي  انا  هعمل دراسه جدوى  واشوف الموضوع تكلفته كام وانا معايا  كام وربنا يسهل 

ملك :  زى ما تحب يا حبيبي  بس  بجد فكره حلوه جدا جدا  وانا معايا فلوس وكمان خالد  مش  هيتاخر لو انت  طلبت منه اى حاجه وانا متاكده انه  هيفرح

انس:  انتى  رايك كده ؟؟؟؟؟

ملك :  اهه طبعا اكيد

انس : طيب  انتى مش تقولى لحد حتى مامتك لحد ما  اعرف راسي من رجلى 

ملك : اوك يا حبيبي  ومش تقلق  انا كاتمه سرك  ولا ايه

انس: انتى مش كاتمه  سري  وبس  انتى  كل حاجه فى حياتى   ....متيجي  اقولك  كلمه سر  فى الاوضه 

ابتسمت  ملك : ومينفعش  هنا يعنى 

انس: لالالا هناك  هيبقي ليها طعم تانى  تعالى  بس  وانا هوريكى 


وهنا  دخل  انس  وملك  حجره نومهم  وسكتت شهرزاد عن الكلام المباح وغير المباح


فى  صباح اليوم التالى  وكانت  ايمي فى الكليه  فاستأذنت امانى انها  هتعدى على خالد فى المكتب  لانه فاضي  الساعه دى   وتبقي ترجع ع المحاضره  راحت ايمي  لخالد فى  المكتب  بتاعه  وقعدت ترغي معاه شويه وبعدين فكرت انها  تبص  من  شباك مكتبه تشوف الناس اللى بيقولوا عليهم  وهناك  شافت  منى  ومحمد وبجد مكنتش عارفه  تعمل اي ه والمشكله  كانوا  قاعدين على  تربيزه  متكسره ساندين عليها وهو حاطط ايده ورا  ظهرها  واو قات على كتفها وكانوا بيشوفوا حاجات على الموبيل وقريبين جدا   ايمي كانت هتتجنن  عايزه تعمل  حاجه بس لو عملت كده هتأذيهم تتصرف  ازاى وخالد كان  وراه  اوراق  بيخلصها 

ايمي :  خالد ....خالد

خالد:  ايوه يا ايمي فى ايه

ايمي :  منى ومحمد  موجودين تحت  انا شايفاهم

خالد : طيب  ايه المشكله

ايمي  : انهم  مش قاعدين  مظبوتين  تعال  بص  وخايفه  اخليك  تبلغ الامن   يتأذو  فيها وتبقي مجلس  تأديبي  وفصل  وفى  نفس الوقت عايزاهم يعرفوا ان الله حق 

خالد :  بصي  انتى  حذريهم  وقوليلهم ان انااللى شوفتهم  وانى كنت  ناوى ابلغ الامن  بس  قال انه يحذركم الاول   وكده  تبقي حذرتيهم فعلا  وخصوصا ان الكلام  جاى من عندى  فاكيد  هياخدوا بالهم  قوى  قبل ما يعملوا كده  وكفايه منظرهم قدامى  وقوليلهم انى طلبت منك لو  شفت اى  حاجه بينهم  داخل حرم الكليه   تبلغينى  لانه حذرهم قبل كده


ايمي :  انت  شايف كده  طب انا هروح استناهم عند المحاضره   ويارب  والله  انا  نفسي  ربنا يكرمهم بس الحاجه اللى فى الحلال  طعمها بيبقي حلو  قوى 

خالد:  اكيد طبعا  المهم سبينى اكمل شغلى انا  بقي المفروض قدامى  شويه  واروح محاضرتى

ايمي :  اوك  اوك  انا  ماشيه  خد بالك  النهارده  الخميس

خالد:  يعنى  ايه ؟؟؟

ايمي :  يعنى  عايزه سهره حلوه بره البيت   وهناخد نور معانا 

خالد :  ازاى  سهره  وناخد  نور

ايمي :  ما احنا  ناخد  ملك  وانس 

خالد : لالالا خليها لوحدنا  ونور  نبقي نخرجها بكره  ان شاء الله  ولو عايزه تفسحيها  سبيها مع ماما  كانها

خرجت هههههههههههه

ايمي : طيب  زى ما تحب  سلام انا بقي 

خالد : اوك  سلام

خرجت  ايمي  وانتظرت منى ومحمد  واول ما شفيتهم  اتكيفت انها تقول لمحمد  فنادت بس على منى

ايمي :  بصي  والله انا مش عايزه الا مصلحتك المره دى  الكلام ع لسان دكتور  خالد  وهو  شافكم  النهارده 

انتى ومحمد وانت م  ساندين على تربيزه  مكسوره  وهو مره حاطط ايده على كتفك ومره على  ظهرك ومقربين من  بعض جدا  ووالوضع ده  مش يليق  بدكاتره محترمين  وكان  هيبلغ الامن  عنكم  علشان تتحولوا  مجلس  تأديبي  بس هو قال علشانى   وانكم  اصحاب  هيحذركم  بس  وطلب منى انه لو حصل اى  شئ مخالف  ابلغه   وبجد انا  اسفه انى بقولك  كده  بس هو لما  شفكم  قالى  كده  وبجد  الحاجه دايما فى الحلال  بتكون  احلى  اصبري  انتى ومحمد وربنا هيكرمكوا  متنساقوش  ولا  مشاعركم  لانها  اوقات  بتودى على مفترق طرق  وكل منكم يجد  نفسه فى طريق  مختلف عن التانى  ويبقي  ساعتها  المشاعر  مش هيبقي ليها قيمه منى كانت  شبه مصدومه وخايفه من  الكلام  اللى  بيتقال   وهو  صحيح شافهم من  مكتبه  وياربي لو كان  اتصل بالامن  كان هيبقي موقفنا ايه  ؟؟؟؟ ربنا  يستر  وطبعا  كانت منى محروجه جدا من  ايمي  وايمي  كانت  مقدره موقفها  فراحت  حضنتها  وقالتلها  ربنا يوفقكم  وسابتها  ومشيت 

ذهبت  منى لمحمد وحكت ليه اللى حصل  وقلق  هو كمان  بس  محبش يضايق منى  وقال

محمد:  يا ستى سيبك منهم   مش هيقدر يعمل حاجه اخرها فصل يوم ولا اتنين

منى :  يا سلام  لا  يا محمد احنا  لازم نتحكم فىنا  شويه  احنا لسه قدامنا كتير  سنه ونص على ما نتخرج والجيش والشغل حاجات كتير يا محمد

محمد:  والنبي انا مش ناقص  نكد يالا  نروح المحاضره وانسي اللى حصل

منى   مشيت  وهى  لا تزال  تفكر في كلام  ايمي  ولا تعرف  ماذا تفعل  ومن الصح ومن المخطئ وبالفعل  ايه اللى هيحصل بعد نتين خطوبه  أذا كانت  شهرين بس  وحصل فيهم كده  وان محمد  مستعجل على حاجات كتير جدا  وخايفه ليزعل  لو  صدته  على العموم  هى هتحاول  وتجرب  وتشوف  او  ممكن  تسأل ايمي  النهارده هتكلمها على الموبيل بالليل  وتسألها تعمل ايه ؟؟؟؟؟

فى الوقت ده كان  محمد  اخو  ايمي  راح  كليه  نهى  لصاحبه علشان  ياخد منه الملخصات   وهناك  وبعد ما اخدها منه  شاف  نهى  وكانت فرصه  مثاليه انه يكلمها  وخصوصا انها ماشيه لوحدها  جرى وراها  كما  يلهث  الاسد  امام فريسته

محمد :  نهى  ...نهى  ثوانى لو  سمحتى

نهى  اتخضيت فكرت انها تكمل  مشيها  بس   اتحرجت وبصت حوليها  ملقتش حد من  دفعتها  فتوقفت

نهى :  نعم

محمد :  انا  اسف  اذا كنت  ضايقتك  بس انا قلت  بدل  ما نلف  لفه  طويله علشان  ابعتلك الورق قلت  لا  وبصراحه اللى  شجعنى اكلمك انك لوحدك  يعنى مش هحرجك 

كانت  نهى  بتكلمه وكانها  بتعمل حاجه غلط وبتبص يمين وشمال   لدرجه اللى  يشوفه ممكن  يشك فيها  من حركاتها  كانت مخضوضه  وقلبها  بيدق بسرعه

نهى :  اوك  شكرا  جدا  ومع السلامه

أخدت الورق من ايده  ومشيت بس محمد وقفها  بكلامه

محمد :  نهى  .....معلش  ثوانى  بس محتاج اتكلم معاكى  شويه

نهى :  محمد  ارجوك  انا مش  هقدر اتكلم معاك هنا  ولا فى اى حته تانيه   انا اسفه

محمد :  انا اسف  طب بس  اجابه لسؤالى  ممكن اكلمك فى التليفون  ضرورى  لو مضايقه ان فى حد ممكن  يشوفك معايا ؟؟؟؟

نهى : دكتور محمد  ارجوك  انا مش  بتاعه  تليفونات  ولا  مقابلات  ومحبش اى حد  ياخد عنى فكره  وحشه  وارجوك  متكلمنيش  ابدا  طالما مش مع اهلى

محمد :  انا  اسف جدا  بجد انا  اسف على العموم فى ورقه انا كاتب فيها كل اللى كنت عايز اقوله  واتمنى انى  الاقي رد  عليها  انا حاطط رقم  تليفونى   وبجد اول واخر مره انا اسف  سلام

مشي محمد  فى طريق  ونهى  اخدت الطريق  المعاكس حست انها  افورت  معاه حبيتين  بس  هى  حاسه انها  بتعمل حاجه غلط من  ورا  اهلها ومش من  حقه انه يكلمها بالشكل ده  وازاى  يتصرف كده  واول ما  نهى  ركبت المواصلات  واللى بتاخد  ساعه ع ما توصل  للبيت  فطلعت الورقه علشان  تقراها  وكان  مكتوب فيها 


يا ترى كان مكتوب فيها  ايه  وايه هيكون رد فعل  الراجل  اللى اسمه وائل لما يشوف رساله ملك  وهل  منى فعلا  هتتصل  بايمي  ؟؟؟؟

ده اللى هنعرفه ان شاء الله الحلقه القادمه