الحلقه ال"55"
فى الحلقه السابقه كان عيد ميلاد نور وكان الكل فرحان ولكن فى نهايه اليوم وبعد
أن خرج الجميع وتبقي فقط خالد وايمي طلب خالد من ايمي انه نفسه فى نونه تانيه
مع نور تعالو نعرف رد فعلها
خالد: ايمي .... عايز اطلب منك طلب
ايمي : من غير ما اعرفه انا موافقه
خالد: متاكده ....
ايمي : اهه متاكده طبعا ....
خالد: انا نفسي في نونه تانيه وتكون شبهك ايه رايك ؟؟؟؟
ايمي حست بصداع مفاجئ اول ما قال كلامه مبقتش عارفه تزعله وتوفي بكلامها
ولا تدبس وخصوصا انه موفرلها جميع سبل الراحه
ايمي : طب لو قلتلك انى موافقه بس بشرط واحد ممكن
خالد: اشرطى ...؟
ايمي : انى اسيب المانع بس بعد ما اخلص الترم ده مش قبل كده التربيه مش سهله وانا مش هقدر اعتمد على المربيه كتير وخصوصا انت شايف بتستأذن كتير الفتره دى وخايفه اتدبس والاقينى باتنين ومعييش حد قلت ايه
خالد بص لايمي :خلاص انا موافق ده هم بالكتير تلات شهور بجد انا نفسي البيت يتملى عيال كده والعب معاهم ويشدوا شعرى بجد احساس حلو جدا شوفتى النهارده نور وهى بتجرى ورا خالد ومش مهنياه على حاجه يادوبك يمسك حاجه وهى تروح تجرى وراه هههههههههه زى العفريته بس كبرت واحلوت
ايمي : لانها شبهك يا حبيبي
خالد: انتى شايفه كده ......أصلي شايف انها شبهك حاسس انى شايفك وانتى صغييره بتجرى وتلعبي وتزحفي وتقعي وتعيطى وتحبي وتكرهي حاسس فيها انها انتى
ايمي : لالالالالالا يارتنى كنت زى نور طب دى نور ماشيه حلو كده انا بقي كنت مسترجله ههههههههههههههههه بس نور دى رقيقه خالص وعسوله خالص وبجد نفسي اقعد معاها وقت اكبر بس للاسف الدراسه هى اللى معطلانى وربنا يسهل يارب هانت كلها ترم وسنه واخلص بقي وافضالك يا حبيبي
خالد: وحشانى ....
ايمي : وانت كمان .....؟؟؟؟؟
خالد: طب ماتيجي ننام ....؟؟؟
ايمي : اوك اسبقنى ثوانى وجايه
خالد : اوك
دخلت ايمي الحمام وحطت برفيوم وغيرت لبسها وراحت علشان تنام
وهنا سكتت شهر زاد على الكلام المباح وغير المباح
فى اليوم التالى استيقظت ايمي وجهزت العده انها هتروح لوالدتها عند جدتها ومعها نور وخالد هيوصلهم ويجي بعد الشغل عليهم وهناك فتحت ايمي مع امها على انفراد موضوع محمد
ايمي : ماما تعالى عايزه اقولك على حاجه ؟؟؟
ام ايمي : خير في ايه؟؟؟؟
ايمي : اقعدى بس .... بصي بقي يا ستى محمد اعترفلي انه معجب جدا بنهى و انه شافها فى الكليه وهى اول ما شافته بعدت عنه خافت ليكلمها وهى مش بتكلم شباب نهائي ويبقي شكلها وحش قدام دفعتها المهم هو قالى اعتذرلها ولما كلمتها واعتذرلتلها حسيت انها معجبه بمحمد هى كمان وسالتها سؤال صريح وكان ردها ان اهلها ممكن مش يوافقوا لانها لسه فى الكليه ومحمد كمان المهم انا قلتلهم الاتنين انا هحاول اديكم فرصه فى عيد ميلاد نور انكم تتكلموا مع بعض وعلى اساس رأيكم فى بعض انا هتكلم معاكى ومع بابا فى انهم يتخطبوا واول ما يخلصوا يتجوزوا وططبعا البركه فيكم وخالد قال انه هيساعد محمد اول ما يتخرج فى انه هيعمله سنتر رياضي كبير فى احسن حته فى السويس لان محمد اكيد هيعيش في شقته اللى هناك المهم انتى ايه رايك
ام ايمي : خلصتى كلامك .... انا مش موافقه نهائي لاسباب كتير اولها ان محمد متسرع جدا وملول جدا من صغره وهو يلعب باللعبه ثوانى وبيرميها وبيعيط عايز واحده تانيه ولانه متسرع فهو بياخد الامور من غير ما يفكر وكمان سنتر ايه اللى جوزك هيعمله ليه هو انتى عايزه اهل جوزك يقولوا علينا اننا ناهبين فلوسه ليه والسبب الاكبر والاهم ان اى حاجه تحصل بين محمد ونهى هتأثر على احمد وساره والعكس برضه فليه نحط نفسنا فى مشاكل ملهاش داعى واللى خلق نهى خلق اللى احلى واحسن منها وزيها يبقي ليه نزنق نفسنا وشباب الايام دى بيحب على نفسه كده اى واحده والسلام طالما وافقت عليه يبقي هى دى وشويه اخوكى هيزهق ومش عايزين نضايق احمد وساره
ايمي : ييا ماما محمد اتغير والله بجد وبحس انى بتكلم مع راجل وهو لو خطب نهى هتفرق معاهم صدقينى وكمان علشان يبقي في هدف قدامه
ام ايمي : لالالالالا مش عايزين مشاكل الباب اللى يجيلك منه الريح سده واستريح
ايمي : طب بصي احنا نسيب الموضوع كده لحد ما موضوع ساره واحمد يخلص ويتجوزوا وساعتها نبقي نشوف ايه رايك
ام ايمي : طيب بس انا لازالت مش موافقه
ايمي : تفتكرى بابا هيكون ليه نفس الرأى
ام ايمي : اكيد
فى الوقت ده كان فى بيت نهى حاجه تانيه خالص بعد ما رجعوا من حفله عيد
الميلاد كانوا بيحكوا ويتحاكوا على شقه ايمي والديكورات ولا الحمام بتاع الضيوف مش زى الباقيين ضيقين لا تحس انه فخم كده ونفسك تدخله وساره تقول ان احمد بيقول ان الاوضه بتاعه النوم بتاعتها اكبر من الصاله كمان وفيها حمام بتاعها ومقسمينها اجزاء وام ساره تكمل وتقول لالالا ده خالد جوزها اكيد غنى جدا ماهو عنده خمس صيدليات ده غير شغل الجامعه ربنا يوعدنا
أم ساره تهمس لساره : بس لاحظتى ... ان محمد معجب بنهى
ساره : لا ماخدتش بالي
ام ساره : لا انا لاحظت وكان مهتم جدا بيها وكان بيحاول يتكلم معاها فى اى حاجه واختك زى القفل لا بترد ولا بتتكلم وكنت بتضطر ارد انا عليه ربنا يوعدها يارب بواحد زى خالد كده
ساره : ماما طب ايه رأيك فى موضوع نهى ومحمد
ام ساره : بس لسه بيدرس ولسه الجيش والشغل وحاجات كتير كده
ساره : ماهى نهى لسه بدرى عليها هى كمان عقبال ما تخلص الكليه وهو يخلص وقولى سنه جيش وخطوبه
أم ساره : واحنا هنشغل بالنا ليه هم لا اتقدموا ولا نيله
ساره : لا ما لو كده ممكن انا واحمد بعد ما نتجوز نقرب المسأله ايه رايك ؟؟؟؟
ام ساره : من هنا لحد ما تتجوزى يحلها الف حللال
فى الوقت ده كانت ملك بطلت تدخل على المنتدى اللى كانت اتعلمت منه شويه حركات ولما خلصت جميع نصايح الراجل واللى جابت معاها نتيجه فعاله جدا حبت انها تعمل حاجه جديده اتصفحت على النت ودخلت تانى المنتدى ده وهناك لقت تلات رسايل من الراجل اللى اسمه وائل
الاولى وكانت مش قريتها كانت بتاريخ قبل رسالتها وهى من سرعتها مش اخدت بالها ان فى رساله منه تعالوا نشوف التلات رسايل عاملين اززاى
الاولى
أختى العزيزه / ملك لقد قلت انى سأكمل فى رساله اخرى فحبيت ابعتلك باقي
النصايح بس لحد ما اسمع منك رد على مشكلتى
12- حاولى دايما تحسسيه انك ضعيفه وانه هو الراجل اللى انت معتمده عليه فى حاجات كتير وانك من غيره مش هتقدرى تعيشى وصدقينى لو وصله الاحساس ده هتلاقيه دايما بيحاول يساعدك
13- أذا احب ان يخرج مع اصدقائه ليرفه عن نفسه لا تنكدى عليه ولكن اتركيه فهو يحتاج الى ان يتنفس قليلا بمفرده وليس هذا ضيق منكى ولكن حتى يتجدد شوقه اليك
14-أذا كان زوجك عصبي ابعدى عنه فى هذا الوقت ولا تردى عليه ابدا ولا تستفزيه فيحصل ما لا يحمد عقباه ومعظم المطلقات بيكون سبب الطلاق انها مش مسكت لسانها فى وقت زى دى وبدل ما تطيب الجرح لا ضغطت عليه زياده
15- ما يحدث داخل جدران بيتك هو سر حربي لا يعرفه احد غيرك انت وهو وحتى احاديثكم اغلبها تبقي بعيدا عن الاطفال (صحيح انتى عندك أطفال و أعمارهم ايه)
16- وطبعا فى نصائح اخرى أذا اردتى ان اتحدث معكى عنها وهى نصائح خاصه بالامور الخاصه بينك وبين زوجك وصدقينى سأكلمك فيها من مجال علمي بحت
منتظر رسالتك
اخوكى :
وائل
أغلقت الرساله وحست انها غلطت انها بعتتله الرساله وكانت جافه جدا وبعيده عن
الذوق تماما فتحت الرساله التاليه له
اختى / ملك
أأسف كثيرا اذا كنت قد أزعجتك رسائلي ولكن والله يعلم كان هدفي فيها الافاده
فقط واتمنى ان تكونى بالف صحه وحال وهذه اخر رساله منى اليك لا تردين عليها
اخوكى
وائل
الرساله التالته ودى كانت بعد اسبوعين من اخر رساله
اختى ملك
لا اعلم لماذا ارسل لك هذه الرساله ولكنى طلقت زوجتى بعد ان تأكدت مما كتبته
من قبل ولكن الجميع يريدون منى ان ارجع لها لاجل الاولاد ولكنى لا اعلم ماذا
أفعل هل ارجعها بعد ما فعلت وكيف سيكون اولادى فى اسره مفككه تعبت من كتر
التفكير كنت أعانى فى صمت الى ان انفجرت ولم اعرف الى مين اشكي همي فلم يخطر
أحد ببالي الا انتى واسف لازعاجك
أخوكى
وائل
قرأت ملك الرسائل ولم تعرف ماذا تفل هل ترد أم تنسي وكانها لم تراهم ده اللى
هنعرفه وهنعرف كمان ايه اللى هيعمله محمد اخو ايمي واللى هيحصل بين محمد
ومنى وماذا سيكون رد فعل ايمي ؟؟؟؟؟
الحلقة حلوة اوي يا بوسي بس صغيرة
ردحذفمامت ايمي رايها منطقي لكن لاغياه المشاعر خالص
خايفه علي ملك من وائل ممكن تتجاوب معاه بطيبة